Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
07-14-2007, 10:03 PM   #1 (permalink)
ฝ่ายเทคนิคและโปรแกรม
 
 
มาตรฐาน .............................. ผาแดงนางไอ่ .................................


ที่หนองหานแห่งนี้ อำเภอกุมภวาปี ที่อุดรจังหวัดใหญ่ เรื่องผาแดงนางไอ่ จากบึงใหญ่ประมาณว่า สี่สิบห้ากว่าตาราง
เป็นศูนย์รวมกำเหนิดสร้าง วังน้ำใหญ่ แม่ลำปาว แม่น้ำยาวไหลริน กาฬสินกะยังฮอด สิขอขอดความเว้า เอาผาแดงแต่งนางไอ่
มีเรื่องราวเป็นจั่งได๋ คือให้เห็นเป็นหนองน้ำ ได้ตามเอิ้นแม่นที แนวว่าตั้งแต่กี้ มีธิดาชื่อนางไอ่ เผิ่นอยู่เมืองหลวงใหญ่ เอกชะทีตา ชื่อเค้า
ธิดาเจ้าชื่อไอ่คำ เมืองผาโพงกะอีกซ้ำ ขอนำชื่อพระโอรส ชื่อผาแดงรูปหมดจด ร่างงดงามคืออินทร์แต้ม ฟ้าได้แนมเข้าข้าง ทางผาแดงและนาไอ่
ไปพ้อกันจนปักใจ ว่าจั่งได๋กะฮักหมั่น ฉันเธอพร้อมสิแต่งดอง ทางเจ้าเมืองประกาศก้อง ลองเลือกคู่เบิ่งดู๋คำ พ่อสิทำเป็นจัดงาน แข่งเสงปั้งไฟตู้
ให้เจ้าลองเลือกคู่ เจ้าลองดูพวกโอรส ไผงดงามหมดจด หรือว่าถูกใจเจ้า กะจั่งเว้าให้พ่อฟัง

.................................... ตอน 1 เด้อพี่น้อง อยากลองเขียนเบิ่งครับ สิหาว่าผมเอาของเก่ามาเล่าให้ฟังกะบ่จักเนาะครับ .......................
 
07-14-2007, 10:07 PM   #2 (permalink)
บ่าวเต็งคนโก้
Guest
มาตรฐาน Re: .............................. ผาแดงนางไอ่ .................................

อั่น ท้าวผาเต็ง ก้ำเมืองฟ้าแดดสูงยาง มาให้กำลังใจเนาะ อิอิอิ
 
07-14-2007, 10:10 PM   #3 (permalink)
Super Moderator
มาตรฐาน Re: .............................. ผาแดงนางไอ่ .................................

ตามมาด้วย นางไอ่คำ....โอ๊ะ ไก่คำ 5555+
 
07-14-2007, 10:19 PM   #4 (permalink)
ฝ่ายเทคนิคและโปรแกรม
มาตรฐาน Re: .............................. ผาแดงนางไอ่ .................................


ขอขอบคุณกำลังใจ สำหรับพี่น้อง ที่น่ารักเสมอเนาะครับ ขอบคุณหลาย ๆ ตอน 2 สิตามมาเด้อครับ กำลังหาเรื่องประกอบยุครับ
 
07-14-2007, 10:32 PM   #5 (permalink)
ผู้ช่วยผู้ใหญ่บ้านมหา
มาตรฐาน Re: .............................. ผาแดงนางไอ่ .................................

ฮ่วย...มาช้าโพดพระเอกกับนางเองเขากะเลือกเป็นเบิดแล้ว...สงสัยต้องไปเป็นกระฮอกด่อนเด้อ...อิอิ :D :D
 
07-14-2007, 11:34 PM   #6 (permalink)
บ่าวเต็งคนโก้
Guest
มาตรฐาน Re: .............................. ผาแดงนางไอ่ .................................

อ้างถึง:
กระทู้ต้นฉบับโดยคุณ ♥มั่วหน่าฮ่าน♥
ฮ่วย...มาช้าโพดพระเอกกับนางเองเขากะเลือกเป็นเบิดแล้ว...สงสัยต้องไปเป็นกระฮอกด่อนเด้อ...อิอิ :D :D
นั่นแหล่ว หม่องบ่าวโจ่โล่ สิเอาปืนแก้บ ยิงเจ้าไปอ่อมสู่นางอั้วกิน อิอิอิ
 
07-14-2007, 11:44 PM   #7 (permalink)
Super Moderator
มาตรฐาน Re: .............................. ผาแดงนางไอ่ .................................

... อันมันเรื่องได่กันแน่น่อนิ ..ขูลู- นางอั้ว ฮึ ผาแดงนางไอ่ ก๊อ ...ลำผิดเรื่องสะน่อ 555 +
 
07-15-2007, 12:49 AM   #8 (permalink)
เจ้าหน้าที่ประชาสัมพันธ์
มาตรฐาน Re: .............................. ผาแดงนางไอ่ .................................

อยากอ่านๆ รอเด้อจ้า อ่านแค่นี้กะเริ่มมันส์แล่ว เอาไป๑คะ รออ่านเด้อ อย่าสุด่นหลายเด้อ
 
07-15-2007, 08:26 AM   #9 (permalink)
ผู้ช่วยผู้ใหญ่บ้านมหา
มาตรฐาน Re: .............................. ผาแดงนางไอ่ .................................

อืห์มม รักสามเศร่าเด้อพี่น้องนิ ..ตำนานไทบ้านข่อยคักๆทางอุดร. ม่วนๆ.บ่เคยอ่านเป็นแบบผญาคือกัน อย่าไห่ถ่าดนเด้อผุบ่าว....มันขาดตอนคือกินเข่าบ่อิ่มนิเว่ย..(ปล.ไผกินบ่าวมั่ว นิ ตายเหมิดเด้อ..ระวังๆ อิอิ)
 
07-15-2007, 07:16 PM   #10 (permalink)
แบ่งปันความรู้และประสบการณ์
มาตรฐาน Re: .............................. ผาแดงนางไอ่ .................................

พี่น้องเอ้ย บัดนี่จักกล่าวก้ำ เมืองใหญ่ทางผาโพง ผาแดงทรงนครหลวง ปวงประชามาโดนมื้อ
เขากะลือถึงท้าว สาวเมืองขอมผู้ยามยิง สำผู่ญิงในโลกนี่ บ่อมีได้เปรียบปาน
ยินข่าวเส็งบั้งไฟล้าน ทางก้ำฝ่ายทางเมืองขอม พระจอมธรรมสิลองจัด ไปโจทย์เส็งในวันนี้
ว่าแล้วลีลาฟ้าว ลงหอปรางค์ปราสาท พระกะยัวระยาตร์ย้าย ลงคุ้มข่วงสนาม
เอิ้นหาปวงขุนด้าม นายใหญ่ให้สูจัด รีบเตรียมการคลองวัด เฮ็ดบั้งไฟในวันนี้
ห่าแม่นมีบุญสร้าง ได้เห็นปางน้องนางไอ่ ห่าบุญพอหากสิได้ นางน้องมาอยู่นำ
พอแต่เสร็จแล้วซ้ำ พระจัดแห่บั้งไฟไป คนกะใหลเนืองนอง เบิ่งงามคือสิย้อย
หยุดพอปอยความเว้า ให้เซาเอาไว้สาก่อน มีบทกลอนสืบหน้า สิมาเว้าแม่นสู่ฟัง พี่น้องเอ้ย..............ง
อั่นนี่แต่งเอาเองเด้อ ถืกบ่อถืกอย่าฟ่าวติเด้อพี่น้อง ฟังหม่องบ่อนต่อไป
 
07-15-2007, 08:02 PM   #11 (permalink)
ฝ่ายเทคนิคและโปรแกรม
มาตรฐาน Re: .............................. ผาแดงนางไอ่ .................................

............................................... ผาแดงนางไอ่ ตอน 2 นาะครับ ขายของเก่าให้ชาวเมืองอุดร เผิ่นว่ากะบ่จักเนาะครับ ฮู้พอกำก่า นี่เนาะครับ
ถ้าผผิดพลาดไป กะต้องขออภัยเจ้าของบ้านเผิ่นไว้ล่วงหน้าด้อครับ ...............................................

แนวนางไอ่กะบ่ยั้ง ยอมฟังคำสเด็จพ่อ ประกาศก้องออกไปน้อ สิยอยกลูกสาวให้ ถ้าไผแพ้บ่เฮ็ดดอง
มื้อวันงานกะเลยก้อง ฮ้องกล่าวยาวออกไป แม่นผู้ได๋กะอยากครอง น้องไอ่คำคนโก้ คนพาโส ไปทั่วแคว้น
ทั้งดินแดนโลกมนุษย์ ไปจนสุดบาดาลใต้ พากันได้กล่าวขัวญ ได้ยินฮอดผู้นั้น สุทโธนาคจากบาดาล
อยู่ในเขตวงวาล ศรีสัตนาคนหุตแคว้น ในดินแดนผู้นี้ มีโอรสชื่อภังคี เป็นนาคหนุ่มที่มี เวทมนต์ กลแปลงร่าง
เผิ่นกะอาศัยสร้าง บั้งไฟแสนแม้นขันสู้ ทั้งอยากดูเบิ่งหน้า น้องนางหล่าชื่อไอ่คำ กะมาซ่ำนางฟ้า แท้น้อหล่าแม่นางไอ่
แม่นสิเฮ็ดแนวได๋ จั่งสิได้คู่น้อง มาครองคู่ฮ่วมนคร มาฮอดตอนมื้องานนั้น ท้าวผาแดง มาแจ้งต่อ ขอนางไอ่กับพ่อ
ลูกมาขอหมายหมั่น 6 เดือนนั้นสิแต่งดอง เมื่อพระยาได้พบต้องท้าวผาแดง แยงเบิ่งหน้า ทั้งคำเว้าคำจา ทั้งราศรีกะแม่นแท้
เขยเฮาแน่บ่แม่นไผ กะเลยยกลูกสาวให้ ในมื้อแข่งบั้งไฟ คนทั้งสองพร้อมใจเป็นคู่กันแต่วันนั้น บ่าวภังคีแทบสิกลั้นใจตาย
ย่อนฮักไอ่ หลงฮักเจ้าเหมิดหัวใจ ซ่างเฮ็ดให้พี่ช้ำ สินำเฝ้าบ่ห่างหนี ตัดสินใจได้จั่งซี้ หนีแปลงกายเบิ่งสาก่อน
แปลงกายเป็นกระรอกด่อน ยามเจ้านอน นั่งเว้าอ้ายขอเฝ้าแอบเบิ่งมอง ย่อนฮักเจ้าหลายเด๊น้อง จักสิเฮ็ดแนวได๋
ตัดสินใจแอบเบิ่งนาง ก่อนสิวางใจจากเจ้า สิยอมเจ็บยอมเศร้า จนว่าเจ้าฮอดมื้อแต่ง สิขอแยงเบิ่งหน้า นอนถ้าง่าส้มมอ
 
07-16-2007, 03:24 PM   #12 (permalink)
แบ่งปันความรู้และประสบการณ์
มาตรฐาน Re: .............................. ผาแดงนางไอ่ .................................


ขอเป็นแรงใจให้อ้าย ที่นำเรื่องราวมาฝากมาต้อนนำเด้อจ้า
 
07-16-2007, 09:20 PM   #13 (permalink)
แบ่งปันความรู้และประสบการณ์
มาตรฐาน Re: .............................. ผาแดงนางไอ่ .................................

ถ้าอ่านอยู่เด้อพี่น้องเอ้ยยย ....ถึงจักตอนน้อ??..

แก้ไขครั้งสุดท้ายโดย แตงอ่อน; 03-19-2010 เมื่อ 04:27 PM
 
07-19-2007, 07:27 AM   #14 (permalink)
ผู้ช่วยผู้ใหญ่บ้านมหา
มาตรฐาน Re: .............................. ผาแดงนางไอ่ .................................

แปลงกายได่สำได๋แล่วน้อบ่าวภังคีแม่ะ..(เอาใจซ่อยผุนี่เด่ะข่อย..มักใจเล้าคัก.).จะแม่นให้ถ่าอ่านดนน้อ..
 
08-06-2007, 06:31 PM   #15 (permalink)
ฝ่ายเทคนิคและโปรแกรม
มาตรฐาน Re: .............................. ผาแดงนางไอ่ .................................


ขอบรรยายสุดท้ายเรื่อง เว้าพื้นเมืองสิถล่ม ก่อนสิโหมพายุเข้า น้ำเนาแน่นนั่นเนิ่งนอง
ฮอดมื้อหนึ่งเด้อนางน้อง สายตามองของนางไอ่ เห็นกระรอกไว ไว สีขาวใสสง่าแจ้ง ได้แยงแล้วจักแม่นงาม
เลยได้ตามถามทางพ่อ ลูกนี้น้ออยากเลี้ยงออ่ย อยากสิได้กระรอกน้อย มาคอยเลี้ยงเป็นหมู่กัน
พ่อกะเลยบอกทุกท่าน พลทหารน้อยใหญ่ ซ่อยกันแน่ไว ไว ไปจับเอากระรอกน้อย มาคอยเล่นเป็นหมู่นาง
บ่มีไผบังอาจอ้าง จับโตหางได้แต่ไล่ จนว่ามีพรานใหญ่ เผิ่นอาศัยดึงหน้าไม้ ลูกศรไล่ปักไส่ทรวง
กระรอกน้อยกะเลยร่วง ศรปักทรวงน้ำตาหลั่ง ในตอนนั้นกะเลยสั่ง ตั้งจิตอธิษฐานไว้ ให้มีเนื้อนับคะนา
อธิษฐานไว้ว่า ห้าร้อยเกวียน เวียนปันแบ่ง แล้วกะได้สาบแซ่ง เมืองได๋กินเนื้อข้า ให้จมหน้าสู่บาดาล
สิได้กล่าวถึงบ้านสุทโธนาคผู้เป็นพ่อ ได้นั่งคิดจ่อล่อไปไสน้อลูกชายหล้า เจ้าหายหน้าไปอยู่ไส
พอฮู้ความจริงได้ ว่าภังคีลูกชายพ่อ เจ้าตายแล้วหล่ะน้อ ถูกมนุษย์เผิ่นฆ่า เอกชะทีตาดอกชื่อเมือง
ฟังแล้วเคืองโกรธแค้น จั่งวางแผนบุกถล่ม ให้หมู่นาคปูพรม เอาให้จมบาดาลล้า เมืองใต้ฟ้าอย่าสุเหลือ
ทางทิศเหนือชะทีตา ปานว่าฟ้าสิถล่ม เถิงเสียงลมเสียงฟ้า นาคาเข้าถล่มเมือง เสียงผู้คนหวีดฮ้อง
ร้องป่าวโกลาหล ผาแดงวนพานางไอ่ หอบเอาไปทั้งแหวนค้อง พร้อมทั้งกลองลือเลื่องประจำเมืองอันใหญ่
พาควบม้าแล่นไว จนนางไอ่ตกม้า นาคาต้อนไปอยู่เมือง บ่ทันดนแตกเป็นเสี่ยง เมืองที่ว่าจมบาดาล
พร้อมด้วยเมืองบริวาร ที่พาลกินเนื้อกระรอก เอกชะทีตานั่นดอก น้ำไหลถอกนาคมาผ่าน จมลงเป็นบาดาล
ชื่อหนองหานเผิ่นเอิ้น อยู่ทางพุ้นแม่นอุดร เมืองร้อยเอ็ดมาต้อน อีกทางหนึ่งบึงพลาญชัย พร้อมหนองหาน อันหนึ่งได๋
ไปอยู่เมืองสกลพุ้น ส่วนแหวนฆ้อง กลองเมืองวุ่น กะหมุนเปลี่ยนไปเป็นหนอง ห้วยน้ำฆ้อง ห้วยกองสี หนองแหวน อยู่แทนไว้
แนวตำนานเผิ่นได้ เว้าว่าพากันฟัง ประวัติศาสตร์แต่หนหลัง ได้เล่าขานอิสานไว้ เผิ่นให้ชื่อว่าไว้ เรื่องผาแดงกับนางไอ่
หากผิดพลาดแนวได๋ อภัยข้าผู้น้อย ปัญญาด้อยฮู้บ่หลาย...............ขอบคุณทุกท่าน
พร้อมขออภัยในความผิดพลาด อันได๋กะตามแต่เนาะครับ ...........บ่าวโจ่โล่
 
Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว


หัวข้อที่คล้ายกัน
หัวข้อ ผู้เริ่มหัวข้อ ฟอรั่ม ตอบกลับ กระทู้ล่าสุด
ผาแดงนางไอ่- บุญช่วง เด่นดวง bandit บุญช่วง เด่นดวง 10 09-25-2011 12:26 PM
ประวัติหนองหาร ผาแดงนางไอ่ บ่าวกุมภวาปี ข้อมูลสำคัญ-76-จังหวัด 1 08-08-2008 12:21 PM



เวลาทั้งหมดอยู่ในเขตเวลา GMT +7 และเวลาในขณะนี้คือ 06:27 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม