มักเมียเขา

[โป้ยก่าย]

เป็นจั้งใด๋น้อข้อยคือมาเป็นลายต่าง เป็นกะเวิ้งกะว้างคือสิไข้ป่วยปี
เหตุมันเป็นจั้งซี้ย้อนหลงมักเมียเขา ได้แต่มัวเมาคิดจ้มนำทุกแลงเช้า
ฮู้ว่าเขามีผัวแล้วทางใจกะไหวหวั่น จิตกสันต์อยู่บ่แล้วโตข้อยกะซ้างเป็น
ศีลกาเมเพิ่นกล่าวไว้ใจกะบ่หัวซา ว่าอย่ามีใจสองให้ฮิ้นตรองเด้อเจ้า
หญิงชายมีเจ้าของแล้วเซาสาอย่าตั้งต่อ พอสาอย่าอ่าวเอื้อเมียเขานั้นหากบ่ดี
เถิงสิฮูอยู่จั้งซี้ใจยังห่วงคนิงหา คอยจอบเบิงทุกเวลาทุกยามบ่ทีเว้น
เป็นจั้งใด๋กะตามถ่อนยังอาวรณซู้เพิ่น เกินว่ามักคักแท้ย้อนยอมแพ้ใจเจ้าของ
ส่องแต่ทางอยากเห็นหน้าคือปลาคอยน้ำแก่ง บ่ว่าแลงว่าเซ้าคอยถ้าว่าสิเห็น นางเอ้ย ซู้เพิ่นเมียเขาเอ้ย

[ไก่น้อย]

มันบ่ดีดอกอ้าย เส่าสาอย่าได้ฮั่ม
มันสิทำให้เจ้าหมองเศร้ายุยาม
สาว งามๆมีเต็มบ้าน ชายเอ้ย ให้แนมเบิ่ง
ผู้ทางเทิ่ง ผู้นั่งข้าง นางเว่าให้เชื่อคำ
ลองหันหลังแนมหน้า เว่าจากันให้ม่วน
อย่าไปกวน ผู้อื่นถ่อน ผู้เพิ่นมีคู่ซ้อน
กกงิ้ว แฮ่งหนามคม เด๋อ้าย....

[มั่วหน่าฮ่าน]

มักหลายกะไปขอเป็นผัวน้อยโลด....ว่าซั่นกะเป็นผัวเก็บ...ผัวเขาเก็บเจ้า...เอิ๊กส์ๆๆ :P :P

[บ่าวพรรณานิคม]

เป็นไปลายต่างแท้ครับจารย์เปิ้ม เมียพุใด๋คือคักแท่สามารถเฮ็ดให่หัวใจจารย์หวั่นไหวได้

[โป้ยก่าย]

ไก่น้อยเอ้ย ดีใจหลายเด้หล้าเจ้ามาจาเอื้อนเอ้ย อ้ายเป็นคนเปิดเผยคิดจั้งใด๋ว่าจั้งสั้นมันเป็นแท้อีหลี
รอเบิ่งใจก่อนเด้อหล้า อ้ายขอให้เวลา เฮ็ดใจได้สาก่อน ตอนนี้ยังบ่ได้ไปหน้าจั้งว่ากัน
มันหากเป็นแนวนี้มีผู้ใด๋คือข้อยบ่ สังมาโพดกะดักสังมาโพดกะด้อ เป็นหน้าหน่ายเจ้าของ
ฮักแต่ใจนั้นหละน้องแนวอื่นบ่มีเป็น พอได้เห็นยามมาพอได้จายามพ้อ กะพอแล้วได้ซื้นใจนางเอ้ย

[สาวบ้านนา]

เป็นน้องเป็นนุงไปซั่นหล่ะอ้าย ฮักกันไว่ดีกว่าซังกัน ครั้นสิเอาไปเป็นคู่ซ้อนกะคงต้องเฮ๊ดคือเอื้อยไก่วา
อันวาความฮักมันบ่เข้าไผ๋ออกไผ๋ ดอก ให้คึดวา คาดสิแม่นคู่ ต่อไห่มีอุปสรรคจังใดกะสิใด่ร่วมชายคาคือเก่าละเด้อ ชะลั่นล๊า น๊าเอ๋ย

[โป้ยก่าย]

ดีใจหลายแท้น้อหล้าสาวบ้านนามาจาต่อ พอได้หายโศกเศร้าเหงาง่วงปวงละเมอ
เป็นนำใจอ้ายเพ้อฝันเรื่องบ่มีจริงดอกนางเอ้ย ยังบ่เคยมักไผส่วนหัวใจกะยังว่าง
อยากมีคนเคียงข้างสาวบ้านนาคนงามพอสิได้คิดต่อบ่น้อ พอได้ปากได้เว้านำเจ้าเพิ่นผู้ดี
มาเห็นเจ้าเทื่อนี้สิขอเอ้ยเผยวาจาเป็นภาษาความฮัก จักสิเป็นสันใด๋อย่าหน่ายชายเด้อน้อง
ลองมาคุยกันเล่นเป็นกันเองไปสาก่อนหากว่าเจ้าบ่ตัดลอน กะให้มาต่อท้ายขยายข้อต่อผญาเด้อ นางเอ้ย

[pui.lab]

ความรักเนาะ มันพูดยาก อ่ะน่ะเอาเพลงมาปลอบใจ

สโลแกนเจ๊ ทำในสิ่งที่ตนรัก ก่อนที่จะไม่มีชีวิตให้รักและทำ
.[wma=180,50]http://baanmaha.us/paulpan/%E0%BE%C5%A7%E4%B7%C2%CA%D2%A1%C5/%A1%C5%D1%BA%E4%C1%E8%E4%B4%E9%20%E4%BB%E4%C1%E8%B6%D6%A7%20-%20%E0%BA%D4%C3%EC%B4[/WMA]
...น้องปุ้ยขออนุญาติเด้อหล่า..แก้ไขเพลงฟังบ่ได่...

[sompoi]

เพลงคือเป็นแนวนี้น้อเจ้ปุ้ย..ฟังบ่ได่จ้า ไผฟังได่บ่อ รายงานแน่ะ..

นี้แม่นรหัสอี่หยังครับ อ่านบ่ออกคือกันครับ

[ฟากฟ้า]

ซุมื้อนี้ จานเปิ้ม คือเปลี่ยนไป๋แท่น้อ

มักในใจเด้อ อย่าคิดเสียงดัง แมะ อิอิ

คงสิเป็นแบนั้นหละครับ เสียงดังบ่ได้ ผัวเพิ่นสิได้ยิน น่าเห็นใจเนาะครับ อิๆ

[ดอกสเลเต]

มักในความดีความงานเพิ่นเด้อ แล้วสิสบายใจ....

[โป้ยก่าย]

กระทู้ต้นฉบับโดยคุณ ~+*+ฟากฟ้า+*+~

ซุมื้อนี้ จานเปิ้ม คือเปลี่ยนไป๋แท่น้อ

บ่ได้เปลี่ยนไป๋เดอครับฟากฟ้า ผมกะคนผู้เก่านี้หละ แต่ว่าใจอาจสิเปลี่ยนไป๋ อิๆ