ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > เครื่องมือการดำรงชีพ


ตอบกลับ
 
คำสั่งเพิ่มเติม เรียบเรียงคำตอบ
09-30-2007, 02:20 AM   #1 (permalink)
ผู้ช่วยผู้ใหญ่บ้านมหา
 
 
ความเยือกเย็น บั้งลันดักเอี่ยน(ปลาไหล)

บั้งลันดักเอี่ยน(ปลาไหล)



บั้งลันดักเอี่ยน เป็นเครื่องมือชนิดหนึ่งของชาวบ้าน ใช้สำหรับดักเอี่ยน(ปลาไหล) เฮ็ดมาจากกระบอกไม้ไผ่ การเฮ็ดบั้งลันดักเอี่ยน(ปลาไหล)นั้นต้องหาไม้ไผ่ลำใหญ่ ๆ โดยตัดไว้ประมาณ 3 – 4 ปล้อง ให้เหลือข้อไม้ไผ่ไว้ด้านหนึ่ง เพื่อเฮ็ดเป็นก้นลัน ไม่ให้เอี่ยน(ปลาไหล)หนีออกไปได้ ใช้ท่อนไม้หรือมีดทะลวงไม้ไผ่ด้นในให้เป็นรูทะลุถึงกัน เว้นไว้เฉพาะข้อไม้ไผ่ที่เฮ็ดเป็นก้นเท่านั้น การเฮ็ดบั้งลันในช่วงนี้มีลักษณะคือกระบอกน้ำ ใช้มีดกรีดลำไม้ไผ่ส่วนปล้องที่เป็นก้นให้เป็นร่องเล็ก ๆ ทะลุเนื้อไม้ไผ่ มีความกว้างประมาณ 1 เซนติเมตร อาจกรีดเป็นร่อง 3 – 4 ร่อง การกรีดร่องหรือเจาะร่องกระบอกไม้ไผ่แบบนี้ เพื่อที่จะให้กลิ่นเหยื่อที่ใช้ดักเอี่ยน(ปลาไหล)กระจายไปในน้ำในบริเวณนั้นได้สะดวก สิล่อให้ปลาไหลเข้าลันได้ดี
ด้านปากลันสานงาด้วยไม้ไผ่เอาไว้ เจาะรูกระบอกไม้ไผ่ให้ทะลุถึงก้นทั้ง 2 ด้าน เดือยสลักยาวเสียบผ่านงาเพื่อยึดงาและใช้ปักดินเพื่อยึดลันในเวลาดักนำ




วิธีดักเอี่ยน(ปลาไหล) เหยื่อล่อเอี่ยน(ปลาไหล)ให้เข้าไปกิน ทุบหอยให้แตก ทุบกระดองปูให้แหลก หรือสับตัวปลาให้เป็นต่อนน้อยๆ แล้วกะนำไปใส่ไว้ในบั้งลัน นำงาที่สานมาปิดไว้ที่ปากลัน โดยใช้ไม้สลักสอดใส่ในรูกันบ่ให้งาหลุด การดักกะเอาลันไปไว้ในน้ำลึกประมาณท่วมหัวเข่า ให้ลันอยู่ในแนวนอนกับพื้นดิน มักสิดักลันในบริเวณน้ำขุ่น ๆ เมื่อเอี่ยนได้กลิ่นเหยื่อที่ล่อไว้ในลัน เอี่ยนกะสิหาหนทางเข้าไปกินเหยื่อ ยามตอนเช้าเอากะไปกู้ลันที่ดักเอาไว้ คันมีเอี่ยนติดอยู่ในลัน กะดึงสลักไม้ที่ขัดงาออกแล้วกะดึงงาออกมายกปากกระบอกลันใส่ในฮูข้อง เอี่ยนกะะร่วงลงไปในข้องพอดี เสร็จแล้วเฮากะเอาไปต้มเปรต อ่อม แกง ป่น ผัดเผ็ด ตามใจชอบ

บั้งลันสมัยใหม่

เป็นการประยุกต์ให้เข้ากับสมัยใหม่ กะใช้ท่อ PVC แทนไม้ไผ่แต่กะใช้หลักการอันเดียวกัน เป็นภูมิปัญญาท้องถิ่นครับ







ปล. เวลาไปใส่บั้งลันอย่าลืมหมายไว้นำเด้อ เดี๋ยวสิหาบ่พ้อ
 
09-30-2007, 02:25 AM   #2 (permalink)
Super Moderator
มาตรฐาน

โอ่ววแจ่ม มากๆ ..บ่เคยเห็นจ๊ากเทื่อ เคยเห็นตะแบบที่เพิ่นเอาเหล็กไปจิ้มหาเอาในขิตม นั่นแมะ ..ขอบคุณอ้ายภูไทหลาย เอามาสูกันเบิ่ง
 
09-30-2007, 03:39 AM   #3 (permalink)
ผู้ช่วยผู้ใหญ่บ้านมหา
มาตรฐาน

บ้านสาวไก่น้อยใช้อิหยังดักเอี่ยนหละ ใช้ตุ้มติ อยู่บ้านเขาบ่ค่อยใช้ตุ้มเพราะต้องเสียเวลามานั่งสานกั่วสิได้อันหนึ่งใช้เวลาโดนโพ้ดครับ
 
09-30-2007, 03:52 AM   #4 (permalink)
Super Moderator
มาตรฐาน

บ่ค่อยรู้เรื่องแนวหาอยู่หากินดอกอ้ายเอ้ย ..จักเพิ่นเอาหยังดักยุบ้านกะดาย เห็นตะอิพ่อเลายาก เลากะไปตลาดโลด 555+ ที่เคยเห็นกะที่เพิ่นเอาเหล็กไปจิ้มๆ หาในขิตมนั่นแมะ ตุ้มใส่ปลาไหลกะจ๊ากเป็นแนวได่ ..ใหญ่ย้อนกินข้าวสื่อๆยังว่า 555+
 
09-30-2007, 09:46 AM   #5 (permalink)
ผู้ช่วยผู้ใหญ่บ้านมหา
ความเยือกเย็น

ตุ้มดักเอี่ยนแบบต่างๆ
มาเบิ่งเอาครับสาวไก่น้อย




อันนี้เหล็กแทงเอี่ยน

 
09-30-2007, 01:38 PM   #6 (permalink)
ร่วมถ่ายทอดความรู้สู่สังคม
มาตรฐาน

เอี่ยนคือโตใหญ่แท้ มาให้ป่นจักโตแนเด้อ
ก้อยนำ แกล้มเหล้า
สิเฮ็ดสู่ไทบ้าน มหากินนี่หละ
นีหละครับภูมิปัญญาอิสาน เก่งขนาดเนาะคนอิสานเฮา
 
09-30-2007, 01:42 PM   #7 (permalink)
Administrative
มาตรฐาน

ทางบ้านติ๋มขะเจ้าใช้เหล็กไปหาแทงเอี่ยน แต่ติ๋มกินบ่ได้ กินยามใด๋เลือดดังไหลยามนั่น บ่ฮู้ว่าแพ้หยัง
 
09-30-2007, 10:51 PM   #8 (permalink)
ร่วมถ่ายทอดความรู้สู่สังคม
มาตรฐาน

ที่เจ้าเอิ้น ตุ้ม บ้านตูข่อย เอิ้น อี่จู้

ส่วนว่าตุ้ม บ้านข่อยใช้เอิ้น ตุ้มดักปลา อันใหญ่ๆยาวๆเป็นสิบเมตร เอาไปใส่ขวงลำน้ำ ได้ปลาเป็นหาบ
 
09-30-2007, 10:57 PM   #9 (permalink)
นักการภารโรง
มาตรฐาน

เว้านำเอี่ยนนิ ต้มใส่ใบบักขามอ่อนนั้นแล่ว แนวมันถืกกัน

ซดฮ้อนๆ...บู๊ว....เบิดความแซบอยู่หม่องนิ
 
10-03-2007, 03:30 PM   #10 (permalink)
ฝ่ายบริหารระดับสูง
มาตรฐาน

แสดงว่าพี่บ่าวก็ชอบแบบเดียวกันกับผมเด้นี้ อิอิๆๆแต่ผมมีสูตรเด็ดกว่านั้นคือ "ปลาไหลนึ่ง" ครับผม จิ้มแจ่วพลิกจี่ไฟสุดยอดอิหลีครับ เดี๋ยวช่วงว่างสินําเสนอดอกครับ
 
10-03-2007, 05:19 PM   #11 (permalink)
นักการภารโรง
มาตรฐาน

เว้านำนึ่งเอี่ยนนิ หยังบ่ทันเคยกินเด้ออาว....บ่เห็นแม่ออกเอาไปจังหันจักเทื่อ
 
10-03-2007, 05:47 PM   #12 (permalink)
Super Moderator
มาตรฐาน

เมิดคำเว่านำไทอุบล แหล่วว...นึ่งเอี่ยน พะนะ ฮ่าๆๆๆ....โอยยเกิดได่ใหญ่มากะหัวตะเคยได้ยิน 55+ สิบ่คาวปานหยังติอ้าย..
 
10-03-2007, 05:49 PM   #13 (permalink)
ผู้ช่วยผู้ใหญ่บ้านมหา
มาตรฐาน

ต้มเปรตเบิ่งเด้...เน๊าะ....ซดน้ำฮ้อนๆgoodgood
 
10-03-2007, 07:30 PM   #14 (permalink)
ฝ่ายบริหารระดับสูง
มาตรฐาน

ฮ่า ฮ่า ฮ่า ไทกาสินบ่อเคยกินนึ่งเอี่ยน นึ่งเอี่ยนก็คล้ายกับนึ่งปลาทั่วไปแระน้อง เครื่องเทศดับคาวก็มีตะไคร้ใบมะกรูดคือกันกับนึ่งปลาทั่วไปฮั่นละ ที่สําคัญนึ่งทั้งตัวเด้อ.....ได้ข่าวว่าอยากไปอยู่ทางศรีเมืองใหม่แม่นบ่อ เดี๋ยวก็ได้กินแล้วละน้องนึ่งเอี่ยน อิอิๆๆ
 
10-04-2007, 11:43 PM   #15 (permalink)
ร่วมถ่ายทอดความรู้สู่สังคม
มาตรฐาน

นอกจากนึ่งเอียน ที่เพิ่งสิเคยได่ยินแล้ว ตั้งแต่เกิดมาได่ใหญ่ซ่ำนี่ อยู่ทางเมืองกะสินกะเพิ่งเคยเห็นแนวดักเอียนนี่หล่ะค่ะ อย่าสิว่ากันเด้อ บ่เคยได่ยินบ่เคยได่เห็นอีหลี แล้วกะบ่เคยกินนำ เห็นแล้วย้านพร้อมพู้นแล้วค่ะ แต่ว่าเคยมีผู้เว้าให่อยู่ว่าเกิดมาเสียชาติเกิดพะนะ ที่บ่กินเอียน กะย้านเน๊าะ มันคืองูแหมอ้าย

เอื้อยไก่น้อย อยู่ยางตลาด อยู่บ้านหยังเอื้อย มีหมู่อยู่พู้นหลายคนอยู่เด้ ที่เข้ามาเรียนในเมืองกะสินแหม นางอยู่เมืองกะสินจ้า ทางทุ่งสีเมือง
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > เครื่องมือการดำรงชีพ

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว


หัวข้อที่คล้ายกัน
หัวข้อ ผู้เริ่มหัวข้อ ฟอรั่ม ตอบกลับ กระทู้ล่าสุด
ปลาไหล(เอี่ยน) bandit เมนูแปลก อาหารป่า(18 up) 23 11-22-2006 09:00 PM



เวลาทั้งหมดอยู่ในเขตเวลา GMT +7 และเวลาในขณะนี้คือ 04:22 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม