ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน


ตอบกลับ
 
คำสั่งเพิ่มเติม เรียบเรียงคำตอบ
10-03-2007, 10:19 PM   #1 (permalink)
นักปราชญ์เมืองอีสาน
ศิลปินนักแต่ง ผญา
 
รูปส่วนตัว ศรีสะท้าน
 
@ ชมดอกไม้ @

@ ชมดอกไม้ @

@ ชมดอกไม้โดยดั่งภุมมะรี เกสรสีสอดซอนแซมซ้อน
ออนซอนก้านกกกวยกลีบก่อง คือดั่งนุททะนาทน้องนวลหน้าหนึ่งนาง
กลีบสะอาดอ้างอูมอิ่มพิมพ์สลวย ยามเมื่อลมมากวยกิ่งกอกางกั้น
ภุมมะรีฝวั่นอยากเฝือแฝงแยงยาด หากบ่ออาจโอบอุ้มคุมได้แต่ดม
หนีหลีกม้มหากโค้งต่าวคืนกลับ บ่อหอนจาระนัยนับเหนี่ยวนำนางน้อง
เวรกรรมข่องผยองบินโบยโบก บ่อเป็นแหลว หรือแม่นโซคส่ำซู้อีดูเด้ดังแมลง นั้นแหลวว ฯฯฯ

แก้ไขครั้งสุดท้ายโดย ศรีสะท้าน; 07-18-2009 เมื่อ 12:00 AM
 
10-03-2007, 10:35 PM   #2 (permalink)
เจ้าหน้าที่ประชาสัมพันธ์
นางต้องหาซื้อตํารา เจ้ารู้แม่นบ่อ้ายศรีวานางคือเว้าจังซี๊ อยากฮู้ความหมาย ซั่นดอก
 
10-04-2007, 07:48 AM   #3 (permalink)
นักปราชญ์เมืองอีสาน
ศิลปินนักแต่ง ผญา
อ้างถึง:
กระทู้ต้นฉบับโดยคุณ สาวบ้านนา
นางต้องหาซื้อตํารา เจ้ารู้แม่นบ่อ้ายศรีวานางคือเว้าจังซี๊ อยากฮู้ความหมาย ซั่นดอก


..........หื่อ !...........จักแม่นตำราหยังเพิ่นเนาะ ตำราเนื้อคู่บ่อ อิ อิ อิ.......
 
10-04-2007, 08:01 AM   #4 (permalink)
ท่องเวบ
มื่อเซ่าคือบ่เห็นแมงกะบี้ พึงมาเห็นตอนแลง เพิ่งออกจากดักแด้ตี้ คิ คิ
 
10-04-2007, 08:19 AM   #5 (permalink)
Super Moderator
อ้ายเอ้ย...จักสิชมดอกไม้ ดอกได่สิคือพี่
ดอกพะยอม ดอกปีบกลิ่น หอมกล้า บ้านนางหล่า นั่นบ่อมี
วางจำปี ทิ่มไว่กลิ่นไอ ยุหน้าจอ ได้แต่กลิ่นกะคิดพ้อ
คิดฮอดเจ้าผุอยู่ไกล อ้ายเอ้ย ...


 
10-04-2007, 08:19 PM   #6 (permalink)
นักปราชญ์เมืองอีสาน
ศิลปินนักแต่ง ผญา
@ จำปีปล้องไอละออง-อบกลิ่น หากหอมหิ่นทั่วเท่าหอมเข่าใส่ดัง
จิตต่อตั้งมะโนนอบนำถวาย โตพี่ชายหากหวนเห็นฮ่ำฮอนคนิงน้อง
ใจผยองยั้งบ่อกลัวหยังย้านหย่อน คึดนำอวนอ้อนต้อนนอนม้อยเมื่อยมะโน ฯฯฯ
 
10-04-2007, 08:41 PM   #7 (permalink)
ดูแลตรวจสอบเนื้อหา
ประทับใจหลายเด้ผญาอ้ายทิตศรี สุดยอดเลย


อุกอั้งเอ้าเอ้าอั้งในทรวง พออยากป๋าเมียหลวงไปอยู่นำเมียน้อยเด้ อิ อิ
 
10-04-2007, 09:05 PM   #8 (permalink)
นักปราชญ์เมืองอีสาน
ศิลปินนักแต่ง ผญา
@ ป๋าเมียเค้าหนีไปเอาเมียใหม่(พะนะ) คือจั่งไลละท้างมาลาฮ้างเฮี๋่ยวฮอม
ดึกอ้ออมป้อมวีใส่ลงดิน หากบ่อยินดีหอมดังเดิมคือเค้า
หนีไกลเจ้ามาลาดวงดอก สัพพะยอกหย่องเหล่นซมแล้วห่างหนี
ตั้งแต่กี้สังมาว่าหอมหวน เห็นสมควรมะโนนึกระลึกถึงบ่อนอเจ้า
จั่งได้ป๋ามาลาเค้าหนีไปเอาดวงใหม่ เห็นดอกไกลเซื่องส่นเลยลืมพ้นดอกเดิม แท้บ้อ ฯฯฯ
 
10-04-2007, 09:35 PM   #9 (permalink)
ดูแลตรวจสอบเนื้อหา
ขอแจมนำจักน่อยแน่เด้ออ้ายทิต

นวลนางหล้าเสน่หาเนื่ออุ่นบุญบ่พร้อมถนอมกลิ้งกล่อมสอง
นุดถะนาดน้องเนาอยู่แดนไกลในมโนหมายฮักกะล้ายลาลืมสิ้น
ใจถวิลหวังเอื้อเหลือประมาณสิได้ฮ่วมพวมสิได้อยู่ใกล้ใจเจ้าบ่อิดู
เลยได้เป็นแต่ซู้มาหดหู่ในหัวใจอุปมัยคือดวงจัทรกระแหงนจนคอตั้ง
เหมิดความหวังในใจแล้วบ่มีแนวสิคิดต่อพอพระทัยห์คักแล้วมันเป็นแป้วอยู่ว่างใจ เด้น้อ
 
10-05-2007, 12:14 AM   #10 (permalink)
เจ้าหน้าที่ประชาสัมพันธ์
อย่าวาจังซั่นจังซี๊ถ้อนไปหนําบ่เป็นแหลวแนวนี้ ความหมายกะหยังบ่จักเนาะ

ครั้นอ้ายโป้ยก่ายบ่บอกกะมึนตึบ
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ตอบกลับ

ป้ายกำกับ
ชมดอกไม้

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search

เวลาทั้งหมดอยู่ในเขตเวลา GMT +7 และเวลาในขณะนี้คือ 10:42 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม