ปลากระพงนึ่งมะนาว
มื้อนี้ฅนภูไทขอเสนอเมนูอาหารที่เป็นอินเตอร์บ้างเฮ็ดแต่เมนูพื้นบ้านอิสานเฮาหลายย่านพี่น้องบ้านมหาเบื่อ ปลากระพงนึ่งหมากนาวเป็นเมนูที่นิยมกินกัน มื้อนี้กะเลยสิขอเสนอวิธีเฮ็ดปลากระพงนึ่งมะนาวอีกสูตรหนึ่งเด้อ เป็นสูตรของฅนภูไทเอง มาเบิ่งวิธีเฮ็ดกันเลยครับ
ขั้นตอนแรกเอากะคัดเอาปลากระพงสดๆ มาถอดเกล็ดออกแล้วกะบั้ง เสร็จเฮากะเอาไปแช่น้ำเกลือกับน้ำส้มสายชูเพื่อดับกลิ่นคาวของปลาทิ้มไว้ประมาณยี่สิบนาที แล้วล้างออก
เครื่องปรุงกะมี ขิงหั่นฝอย เห็ดหอม หมูสามชั้น รากผักชี พริกขี้หนู กระเทียม มะนาว
หั่นกระเทียม รากผักชี พริกขี้หนู ใส่ลงไปขิ่งหั่นฝอย ใส่เห็ดหอม น้ำมันหอย น้ำปลา น้ำมะนาวลงไป หมักทิ้งไว้ 1-2 ชั่วโมง
น้ำมะนาวบ่ต้องใส่หลายปานได๋เด้อ ยังสิราดน้ำพริกอีกทีหนึ่งอยู่
เสร็จแล้วเฮากะเอาไปนึ่ง ตั้งไฟให้น้ำเดือดก่อนเด้อค่อยเอาปลาขึ้นไปนึ่ง
พอสุกดีแล้วเอากะมาราดน้ำพริกอีกทีกนึ่ง น้ำพริกกะเฮ็ดบ่ยาก หั่นพริกขี้หนู กระเทียม ผักชี ใส่น้ำปลาน้ำมะนาว แค่นี้เองครับ เสริฟกับข้าวสวยร้อนๆ หรือสิเสริฟเป็นกับแกล้มกะสุดยอดครับ 8)8)8)
Bookmarks