ชุมชนบ้านมหา > อาหารการกิน > ครัวบ้านมหา ชวนชิม > เมนูแปลก อาหารป่า(18 up)

ตอบกลับ
 
คำสั่งเพิ่มเติม เรียบเรียงคำตอบ
01-12-2008, 05:22 PM   #1 (permalink)
ผู้ช่วยผู้ใหญ่บ้านมหา
 
รูปส่วนตัว ฅนภูไท
 
ความเยือกเย็น อุกะปู (อ่อมปูนา)

อุกะปู (อ่อมปูนา)

ตอนช่วงบ่ายคนภูไทไปย้ายงัวไปล่ามไว้ตีนทุ่งเอาเสียมไปนำ กะเลยไปหาขุดกะปูได้มาหลายเติบกะเลยสิเฮ็ด อุกะปูสู่พี่น้องเฮากินแลง มาเบิ่งขึ้นตอนวิธีการเฮ็ดกันเลยครับ

อุกะปู (อ่อมปูนา)

พอได้ปูมาแล่วเฮากะเอาไปล้างให้สะอาด


อุกะปู (อ่อมปูนา)

เอากะปูไปตำให้ละเอียด ขั้นตอนนี้อาจสิโหดนิดๆแต่อย่าคิดอิหยังหลาย


อุกะปู (อ่อมปูนา)

พอกะปูละเอียดดีแล่วเฮากะเติมน้ำลงไป


อุกะปู (อ่อมปูนา)

นำมากรองคั้นเอาแต่น้ำ เฮ็ดแบบนี้จักสองถึงสามครั้งจนน้ำเริ่มใส

อุกะปู (อ่อมปูนา)

นำน้ำปูที่ได้ขึ้นตั้งไฟ เคี่ยวให้น้ำแห้ง

อุกะปู (อ่อมปูนา)

ใส่พริก ใส่ปลาแดกลงไป

อุกะปู (อ่อมปูนา)

ใส่ผักชีลาว ดอกผักบั่ว (ต้นหอม) ลงไป

อุกะปู (อ่อมปูนา)

ใส่ข้าวคั่ว ผักอีตู่ลงไป ปรุงรสตามใจชอบ ยกหม้อลง

อุกะปู (อ่อมปูนา)

ตักใส่ถ้วยเสริฟกำลังฮ้อนพร้อมข้าวเหนียว8)8)8)

อุกะปู (อ่อมปูนา)

ตามสูตรทางบ้านผมอิหลี เขาสิใส่กบใส่เขียดหรือใส่ปลานำเด้อครับ


ปล. เคี่ยวให่น้ำแค่นๆเด้อมันจั่งสิแซบสินัว
 
01-12-2008, 05:44 PM   #2 (permalink)
น้ำตาล
Guest
บ่ได่กินดนแล้ว..อ้ายภู..เห็นแล้วน้ำลายไหล...กินแลงพอดีเนาะนิ...::)
 
01-12-2008, 06:03 PM   #3 (permalink)
ผู้ช่วยผู้ใหญ่บ้านมหา
ได่ความรู้เมนูใหม่เนาะบ่าวภู.( เป็นตาเฮ็ดยาก) แต่มักนำอยู่พวกปูนิ ขอกินนำอย่างเดียวดอก..อุอุ..8)
 
01-12-2008, 06:20 PM   #4 (permalink)
ร่วมถ่ายทอดความรู้สู่สังคม
ปาดๆๆๆเมนูโปรดเลยนี่:g:g มักกินคัก ปีใหม่เมื่อบ้านตั้งใจคักว่าสิได่กิน แต่ว่ากะอดเพราะว่าบ่มีเด็กน้อยเอามาขายให้คือสู่ปี อยู่ตลาดกะหาบ่มี สงสัยเขาเล่นปีใหม่กันหมด
ขอบคุณอ้ายภูที่เอาให้น้ำลายไหลเด้อ ฮิๆๆๆ


แต่ว่าเห็นแม่อยู่เฮือนเพิ่นเฮ็ดเพิ่นแกะมันปูออกมาก่อน ใส่ถ้วยไว้ จากนั้นกะเอาโตปูไปตำแล้วกรองเอาน้ำ เคี่ยวมันปูให้มันๆๆๆเหลืองๆแล้วจังใส่น้ำปูทีหลัง ปรุงออกมาทั้งมันทั้งแซ่บ กินกับข้าวเหนียวฮ้อนๆๆๆๆ เอาอิหยังมาแลกกะบ่ยอมจ้า
 
01-12-2008, 06:40 PM   #5 (permalink)
ผู้ช่วยผู้ใหญ่บ้านมหา
...ที่สุรินทร์ จังหวัดที่ลูกหินอยู่ตอนนี้ก็มีคือกัน แต่ลูกหิน บ่แน่ใจว่ารสชาดจะคือกันอยู่บ่...ไหน อ้ายลองมาใช้ชิมหน่อย (อิอิ..หลอกกิน)..ทางสุรินทร์เขาเอิ้น "ระแวร์กะดาม" เอาปูสด ๆ มาตำ โหด ๆ คืออ้ายเฮ็ด ...คั่นน้ำ ใส่เครื่องปรุงคือกันนี้หละ... ลูกหินบ่เคยเฮ็ดเองดอกคะ บ่กล้าเบิ่งด้วย ....ย้าน ย้านหิวแฮง.....
 
01-12-2008, 07:41 PM   #6 (permalink)
Super Moderator
ปูน้อยพุหน้าสงสาร...
เป็นตาแซบแท้...อยากกินนำเด๋
 
01-13-2008, 04:51 AM   #7 (permalink)
Administrative
เคยกินอยู่เด้อเมนูนี่ แต่ตอนเป็นเด็กน้อย แต่บ่เคยลงมืออ่อมเองจ้าแม่เฮ็ดให้กิน
แต่เคยไปซ่อยแม่ขุดปูอยู่ เอาไม้ไปแทกเบิ่งฮูปูก่อนว่าเลิ๊กบ่ คั่นกายศอกไปแล้วติ๋มสิบ่ยอมขุดเลยหละ อิอิ ให้แม่มาขุด เอาเปรียบผู้เฒ่าคัก::)
 
01-13-2008, 05:31 AM   #8 (permalink)
wit
แบ่งปันความรู้และประสบการณ์
ออมกะปูเมนูเด็ด

สุดยอดเลยครับ เมนูนี่ถ่าพุได๋ได้กินแล้วสิติดใจ ยุบ้านกะสูตรเดียวกันนี่หละครับ แตวาถ่าเป็นไปได้กะลองไซบักแตงโมน้อยที่บอทันหวาน นำลองเบีงเด้อครับ สิได้รสชาติแซบไปอีกแบบนึงครับ 8) :g
 
01-13-2008, 07:37 AM   #9 (permalink)
ท่องเวบ
เคยกินค๊าตอนเป็นเด็กน่อย แต่ว่าที่บ้านเอิ้นว่าลาบปู ใส่พริกผง เฮ้ดคล้ายๆลาบหมู
 
01-13-2008, 08:33 AM   #10 (permalink)
ฝ่ายบริหารระดับสูง
ถูกต้องครับน้องปุ้ย..ทางอุบลฯ สิทําเป็นลาบกะปู ตําเอานําคือกันนี้ละ แต่บ่ออุ เอามาปรุงเป็นลาบแทน บางคนก็ทําเป็นลาบสุก บางคนก็ทําเป็นลาบดิบ โดยบ่อต้องตั้งไฟก็ได้ แล้วแต่คนมัก....เอ/คนภูไทนี้รู้เมนูเก่าๆเยอะเน๊าะครับ..ซึ่งคนสมัยทุกมื้อนี้น้อยคนนักที่สิรู้..ดีครับดี เอามานําเสนอเยอะๆเด้อครับ ของกินอิสานบ้านเฮา
 

ชุมชนบ้านมหา > อาหารการกิน > ครัวบ้านมหา ชวนชิม > เมนูแปลก อาหารป่า(18 up)

ตอบกลับ

ป้ายกำกับ
อุกะปู, อ่อมปูนา

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search

เวลาทั้งหมดอยู่ในเขตเวลา GMT +7 และเวลาในขณะนี้คือ 01:56 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม