ไก่ย่าง เขาสวนกวาง พะนะว่า

[ติ๋ม เปอร์โย]

---

รายละเอียด

มีคนให้สูตรมาจ้า จักเพิ่นได้มาแต่ไส ทางนี่กะอยากลองของ เฮ็ดซั่นแหล่ว อิอิ
เริ่มโลด ไก่ 1 โต ล้างดีๆ สับคอ สับก้นถิ่มไป แนวบ่กินเนาะ แล้วกะผ่าหน้าอกไก่ คือในรูปหั่นหละจ้า
รากผักชี+กระเทียม+พริกไทยเม็ด ตำให้ละเอียด เทน้ำต้มสุกใส่นิดหน่อย ปรุงรส
เกลือ น้ำตาลทรายนิดหน่อย งาขาว ผงชูรสนิดหน่อย ตักมาหมักไก่ให้ทั่ว





แล้วจัดการยัดลงใส่ถุงปิดปาก(ถุง อิอิ)แช่ไว้ในตู้เย็น1คืนกะได้ แต่ติ๋ม6ชั่วโมงพอ เฮ็ดกินแลงเนาะ



แล้วนำเข้าย่างในเตาอบ ไฟ200องศาC เอาทางท้องอบก่อน30นาที แล้วกะอบทางหลัง45นาที
หรือให้สุกเหลืองหั่นหละจ้า



สับใส่จาน กินกับข้าวเหนียว ตำหมากหุ่ง แซบยามหิวอยู่ อิอิ
เชิญแซบจ้า ไผมักไก่ย่าง (เสียดายบ่ได้ย่างไฟเตาถ่าน)

[pui.lab]

ขอจักชิ้นแ๊น๊เด้อสาวติ๋ม ยังบ่ได้กินเข่าแลงเลย คิ คิ

[ตรี ศรีเมืองใหม่]

เป็นตาแซบแท้ ซื้อมาฝากแหน่เด้อจักโต ขาขึ้นมาจากอุดรซิติ้ อิอิๆๆ(ไก่ย่างเขาสวนกวาง)

[บ่าวดอนโบม]

มีร้านหนึ่งอยู่แถว สี่แยกบางนา ร้านนี้กะใช้ได้ยุครับ

แซบหลายยยยยยยยยยย

เอื้อยติ๋ม..มาจักโตแน่เอื้อยใส่เที่ยงพอดีกับส้มตำ...น้ำลายไหล...

[มั่วหน่าฮ่าน]

เฮ็ดเป็นตาแซบอยู่...แล้วมันแซบบ่หล่ะ อิอิอิ..

[ข้าวปาด]

ข้าวเหนียวฮอ้นๆๆเนาะสาวติ๋ม เว่ามาอยากแล่วล่ะ:)

[ชายหล่ามาดามศรี]

กินนำแน่เด้อคัฟเอื้อยติ๋ม เอาตำส้มมานำพร้อม ให้อ้ายหล่อไปเอาข้าวเหนียวอยู่ ตามมานำก้น แต่ก่อนอื่นขอบักดาวแดงนำเเน่เด้อเอื้อย ฮ่าๆๆๆ ขาดบ่ได้เด่วรสชาติเปลี่ยน

[ติ๋ม เปอร์โย]

ตามสบายจ้าเจ๊
ได้เลยจ้าอ้ายเซียง สั่งตำปูปลาร้ามาถ่าโลดอ้าย
แม่นอยู่จ้าหนุ่มบ้านดอน แต่อยู่เขาสวนกวางแซบที่สุด บ่เชื่อลองแวะกินเบิ่งเด้อจ้า
คนเฮ็ดแซบ เฮ็ดจังใด๋กะแซบ สาวลูซี่มายามติ๋มเด้อหน้าฮ้อนนี่สิเฮ็ดสู่กินจ้า

อันนี่เอามาฝากน้องน้ำตาลกับน้องชายหล่าเด้อจ้า
น้องชายหล่าอยากดาวแดงบ้อ มาๆเฮือนเอื้อยบ่อึดน้องหล่ามาโลด

[sompoi]

โอ้วว.. พลาดเมนูนี่ได่จังได๋..คนอุดร..หักบ่ได่ผ่านเขาสวนกวางจักเทือ (บ่ได่กลับรถดนหล่าเอ้ย..)เที่ยวนิล่ะ..คือสิติดรถไปนำอยู่ดอกติ๋ม คันกลับตรงกัน เป็นตาม่วนเว่ยล่ะเนาะ..คนหลายๆคือสิป่านทัวร์ลงพุ่นแล่ว แวะแต่ละเทือ ..ฮ่าๆๆ..

[หมูหวาน]

เอื่อยติ๋ม มาเฮ็ดแนวมักแท้ ไก่ย่างเนาะ กะข้าวเหนียว แซบๆๆค่ะ::):g

[Sweet_M]

เหมียวขอปีกเด้อจ้าพี่ติ๋ม มักอีหลี