คั่วนกไก่นา

[ฅนภูไท]

คั่วนกไก่นา

มื้อนี้ฅนภูไท ไปนาเลาะเบิ่งน้ำในนาปลังเห้นนกไก่นาโตหนึ่งเลยเอาหนังสะติ๊กยิง บังเอิญยิงแม่น เหอๆ ได้มาโตหนึ่งเลยสิเอามาคั่วสู่พี่น้องบ้านมหากินกันครับ



เครื่องปรุงคืออ่อมทั่วไปนั่นหละ มีผักชีลาว ต้นหอม ตะไคร้ พริก ผักอีตู่



สับไก่ใส่หม้อ ใส่ตะไคร้ตำกับพริก น้ำปลาแดกลงไป ยกขึ้นตั้งไฟคั่วจนหอมแล้วจั่งเติมน้ำลงไป



พอน้ำเดือด นกสุกดีแล้วกะใส่ ผักชีลาว ต้นหอม ผักอีตู่ ปรุงรสตามใจชอบ ยกหม้อลง



ตักใส่จานเสริฟพร้อมข้าวเหนียวฮ้อนๆ 8)8)8)



ไผสิใส่หัวผักบั่ว ใส่บักเขือ นำกะแซบคือกันเด้อครับ หรือว่าสิลาบกะเข้าท่าคือกัน8)

[หล่อร้อยเมตร]

อยากนำเด้ขั่วนกไก่นาหว่านี่ มื่อหน้าลาบสู่กินแหน่เด้อเฒ่า::)

[Sweet_M]

อิจฉาๆ อยากกินเด้.....

[มั่วหน่าฮ่าน]

ป้าดดดส์...เฮ็ดจังได๋สิได้กินน้อบาดหนี่..เอาไก่บ้านแทนซะเน๊าะมันหาง่ายกว่ากันแม่ะ..ฮ่าๆๆ..

[lukhin_inter]

:)........หิว ๆๆๆๆๆๆๆๆๆๆๆๆๆๆ.....
อ้ายจ๊ะ...บ่เป็น......(((((หวัดนก)))))....แม่น บ่ ค๊า.....
...บ้านน้องขาดคนหุงข้าว....พะนะ.....

[ติ๋ม เปอร์โย]

อ้าวว...กะจังแม่นพาคั่วแนวหายากเนาะ หายากตั้ง3อย่าง หลักๆกะนก ผักชี ผักอิตู่
บ่มีแนวคั่ว กะมากลืนน้ำลาย แล้วซดกาแฟตาม2ถ้วย อิ่มแล้ว อิอิ

[บ่าวเมืองขอนแก่น]

คื่อเป็นตาแซบแถ่น้อ น้ำลายไหลแล่วหล่าครับ...8)

[ขอโทษที่คิดถึง...เด็กดื้อ]

เมนูอีหยังอีกน้อบัดนี้...คือเป็นตาแซบแท้
มื้อนี้ทำบาปตั้งแต่ขั้นตอนแรกเลยเป็นมือสังหาร
ด้วยหนังสะติ๊กอีกตางหาก....55555

เฮ็ดนำบ่ได้ดอกเมนูนี้ยิงหนังสะติ๊กบ่เป็นแม่น...55555
ปล. ใส่น้ำปลากลงไป ...น้ำปลาก...มันเป็นจังไดฮึคือบ่รู้จัก

เป็นตาแซบตัวะหละอ้าย..มาซดนำจักคำแนะอ้าย...

[ตุ๊กตาไล่ฝน]

ข้าวสวยฮ้อนๆ กับแกงคั่วเนาะ แซบได้ใจอีหลี เว้าแล้วกะอยากไปอยู่สกลแท้เด้ บ่อึดแนวกินแท้ๆ ::)

[บ่าวเปรม]

น้ำลายย้อยเลย 555

[ใจปลาซิว]

เป็นตาแซบแท้ อยากเลิกงานไปตลาดแล้วล่ะ

น่าสงสาร.....
แต่จะไม่กินก็เสียดาย..กินนำแน่:g

[รอย บุญเรือง]

หาแต่แนวกินหายากมาให้เบิ่งเนาะ

[บ่าวคนเดิม]

ซิมีเหลือให้เห็นบ่บุ๊ นกไก่นา สุมื้อนิ บ่แม่นโตสุดท้ายติครับท่านปอบ นอนยุนิ ฮ่าๆๆ