ชุมชนบ้านมหา > ลูกทุ่งหมอลำอิสาน > ฟังหมอลำ-Molum > สาธิต ทองจันทร์


ตอบกลับ
 
คำสั่งเพิ่มเติม เรียบเรียงคำตอบ
03-11-2008, 09:57 PM   #1 (permalink)
ดูแลตรวจสอบเนื้อหา
 
รูปส่วนตัว หนุ่มอุดร
 
New 4Shared ลำล่องผิดหวัง - สาธิต ทองจันทร์ (เนื้อเพลง)

ลำล่องผิดหวัง - สาธิต ทองจันทร์ (เนื้อเพลง)

ลำล่อง ผิดหวัง – สาธิต ทองจันทร์(เนื้อเพลง)

ได้ยินฟ้าฮ้องป้าง ก้ำฝ่ายพายัพ
เมฆลาโยนแหวน.. แล่นคองอยู่ทางพุ้น
รามสูรบายขวานขว้าง เป็นทางเอ่ย... แจ้ง จางปาง
เมฆมันบางทางฝ่ายใต้ หนีไปค่อนฝ่ายอุดร
ทหารนอนจับปืนจ้อ ทางอรัญด้านทางต่ำ
เขมรดำแตกม้าง ขนย้ายเข้าเพิ่งไทย
เวียกนำหลายเข้ามาวุ่น อยู่ตามศูนย์นับบ่ก่วย
ฝนบ่ห่วยหยาดจากฟ้า ดินแห้งก่องละแหง
เหมือนดังคนกลั่นแกล้ง แย้งแบ่ง ชาวมนุษย์
สุดอาลัย อาวรณ์ อา..วรณ์... ได้ข่าวมาทุกแล้งเช้า
ละมองท่งนาเห็นข้าว ดินแหงแล้งกิ่นๆ
ดินอีสานขาดน้ำ เดือนห้ากะบ่ปาน
พี่ชายนอนอยู่บ้าน ใจยังห่วงชายแดน
ทั้งคนิ้งนำแฟน นำแฟน.. ผู้แต่งงานไปแล้ว
แผลหัวใจยังเป็นแป้ว ไหลซึมเอ่ยฮอดกระดูก
ถูกยามซ่วยเป็นผู้แพ้.. มวยแชมป์ล้มใส่มุม
ดวงใจแสนซิกลุ้ม บ่มีที่ทางระบาย
บรรยายเป็นกลอนลำ จากใจพี่ลำร้อง
ขอฝากเสียงของอ้าย ..จากใจจริงที่ลึกซึ้ง ฝากไปถึงคนหนึ่ง
ผู้มีแฟนอยู่แล้ว เห็นอ้ายบ่เอ่ยนาม
บ่อาจคิดล่วงข้าม เขตข่ายประเพณี
เดือนหกปีกลายมา หม่อมพระนางได้ลาอ้าย..
พอปานตายเสียถิ่ม บ่เห็นกัน ฮู้แต่ข่าว ...โอ้ย... น้อ
ละนอนแต่ความปวดร้าว น้ำตาเปื้อนแม่นใส่หมอน
มื้อได่เมฆตั้งก้อน ฟ้ามันล่วงซีหึดๆ
คิดไปเห็นคราวหลังบ่อนเฮาสาบานไว้
ไผตั๋วกันผีตำไส้พ้อหา...แหน่แหม...
ฟ้าผ่าเจ้ารับได้ ไฟ้ไหม้เจ้ารับเอา
แม่นผู้ได่แหล่วละเว้า..ซั่งง่ายให้ชายหวัง
ตั้งสติเลือนราง อ่อนเอนอยู่คือไว้
ใจเฮาตรงกันแล้ว บ่มีไผซิมาย้าด ฟ้าบ่อาจกีดกั้น เขาคั่นส่วนซิปีน
คำนี้ยังบ่สิ้น ยังก้องอยู่ในหู.. ฮู้หว่ามีผัวชม ...ผัวชม
อยากข่มใจให้ลืมน้อง บาดมองไปทางข้าง เตียงนอนบ่อนอ้ายอยู่
พี่มองดูแม่นรูปเจ้า คือซิเว้าต่อพี่ชาย
บ่อนพี่คิดฮอดฮ้าย เดือนสิบผ่ายกายมา
ฝนซิลาวังหนอง สั่งคนองเทิงฟ้า
น้ำตาป่นกับน้ำ สายฝนพร่ำซ้ำเหลือที
โอยน้อ... ละฝนยังมีมื้อโค้ง ห่ำเอิ่นแผ่นไตร
เธอจากไปแต่วันนั้น มื้อสิบค่ำเดือนหก
ถึงตกกลายมานาน มานาน... บ่าวพี่ชายยังจำได้
โลกมันหมุนไปเรื่อย พี่ชายคอยเจ้าซิต่าว
มื้อได่อกปวดร้าว น้ำตาเปื้อนใส่หมอน
คั่นมื้อได่คู่ซ้อน เขาเปิดหน่ายแหมนหมาง
นางอย่าลืม..คนทุกข์ ห่วงนำบ่มายหม้าง
วงแขนชายสองข้าง ประสงค์กางถ่าเจ้าอยู่
ผู้เพิ่นตี้ว่าฮ้ายใจอ้ายบ่ปล่อยวาง
ซิขอเอาน้ำล้าง บ่ให้หม่นหมองสี
ล้างราคี..แนวหมอง ให้ผ่องงามคือเค้า
กินขนมนางลืมข้าว กินของเมาลืมน้ำท่า
ได้เป็นนาไหฮ่ง อย่าลืมกล้าข้าวอิงโพน
หอยแกงด่นสุกแล้ว สาวนาอย่าลืมจูบ
ข้าวใหม่หม่าฮอดแล้ว อย่าหวางเว้นป่ากอย
คั่นได้กินลาบก้อย อย่าลืมแจ่วแพ้วพัก
เด้อนางเด่อ กินพาเงินพาคำ อย่าซะลืมกะเบียนฮ้าง
พี่ชายลำนี่..เด่อ ผิดทั้งกายทั้งร่าง จิตใจเอ่ยบ่คือเก่า
ดื่มสุรายาเมา สูบฮอดยา..เล่นฮอดไพ่ ไผเว้าได้แต่ซัง
กลอนลำหยังแต่กลอนเกี้ยว กลอนประชันอ้ายบ่ท่อง
ในสมองมืดแปดด้าน เตือนได้กะบ่จำ
เสียงลำจางบ่สุดซ้าว เสียงลำทางยาวใจอ้ายแว
จำคำเดียว...เป็นผู้แพ้
มวยน้อยขึ้น ...บ่อ..แข่งไผ ตรมในใน...หือ..เอ่ย ละหนา...

----------------------------------

แก้ไขครั้งสุดท้ายโดย admin; 05-17-2015 เมื่อ 09:26 PM เหตุผล: เพิ่มเนื้อกลอนลำ
 
03-13-2008, 04:22 AM   #2 (permalink)
แบ่งปันความรู้และประสบการณ์
ดูวีดีโอ YouTube ออนไลน์ ม่วน

ม่วนคัก หาฟังมาดนแล่วเด้อ :g:g
 
04-08-2008, 11:27 AM   #3 (permalink)
ร่วมถ่ายทอดความรู้สู่สังคม
พี่น้องบ้านใกล้ข่อยตั้ว ม่วนคักน้านิดเอ้ย
 
04-08-2008, 11:34 AM   #4 (permalink)
แบ่งปันความรู้และประสบการณ์
ม่วนครับม่วน มักฟังสาธิตคือกันหละ 8) :g
 
05-31-2008, 06:48 PM   #5 (permalink)
chaiter
Guest
สุดยอดของหมอลำผู้ได๋ฟังแล้วบ่ม่วนสิงึดหลายครับบอร์ดบ้านมหานี่มีแต่ผู้มีวัฒนธรรมสูงครับเว้าจากันอ่อนโยน
ภาษาสละสลวยครับบ่เว้าจากันหยาบคายคือจังบอร์ดทั่วๆไป
 
07-10-2008, 08:52 PM   #6 (permalink)
แบ่งปันความรู้และประสบการณ์
มักหลายครับ..ม่วนหลาย
 
07-24-2008, 05:13 PM   #7 (permalink)
ลาวพเนจร ณ อุบล
Guest
ขอบคุณหลายๆ เด้อ ที่เอามาฝาก

ได้ยินเสียงฟ้าฮ้องป้าง..ซางมาคิดฮอดน้อง นางหล่าผู้อยู่นา เด้นางเด่..
 
08-28-2008, 01:53 AM   #8 (permalink)
แบ่งปันความรู้และประสบการณ์
ดูวีดีโอ YouTube ออนไลน์

:gม่วนหลายจ้า ขอบคุณหลายๆๆ เด้อที่เอามาให้ฟัง
 
08-30-2008, 04:29 PM   #9 (permalink)
aunman
Guest
ม่วนคัก :g:g:g:g:g:g
 
09-16-2008, 11:42 PM   #10 (permalink)
ศึกษาหาความรู้
มักหลายๆเด้อครับ:g:g
 
ชุมชนบ้านมหา > ลูกทุ่งหมอลำอิสาน > ฟังหมอลำ-Molum > สาธิต ทองจันทร์

ตอบกลับ

ป้ายกำกับ
ผิดหวัง, ลำล่อง, ลำล่องสาธิต, สาธิต-ทองจันทร์
คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 03:21 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'