หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

ซอกพ้อ(ค้นพบ)เลยเอามาให้อ่าน

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ซอกพ้อ(ค้นพบ)เลยเอามาให้อ่าน

    @ นะเมตตา โมกรุณา พุทปราณี ธายินดียะเอ็นดูโอมอุอะมะมะอะอุ เอหิจิตตังเอหิจิตตัง ลมพระพายไปพัดเอาดวงจิตอี....มาใส่จิตข้าปิยังมะมะ ลมพระพายพัดจิตข้าไปใส่จิตเขา โอมอิตถีมหาอิตถีสะหมติด ฯ
    @ โอมทอบๆ กูสิทอบขี้เผิ่งให้เป็นแมงจุดจี่และแมงวันผันไปทางอากาศ ไม้ล้มพาดหักมุ่นเพพัง สังคะเสติทอบๆ นะเป็นจิต โมเป็นใจ ขี้เผิ่งกูไปอย่ามีเสียงค่อย ให้ต่อยให้ตำ จำจิตจำใจ เฮฮนฮ้องไห้ อยู่บ่ได้แล่นมา นะติดๆ
    @ โอมระงับจับจิตจับใจ ละไลละลอกออกเป็นตัว หัวมันแข็งกูสิทอบ โอมอุนะอะ พระพุทธจำจิต พระธรรมจำใจ พระสังฆ์ให้มา มึงบ่มาอกแตกใจเพเฮฮนฮ้องไห้ อยู่บ่ได้แล่นมา มึงบ่มาให้คีงมึงฮ้อนคือไฟ มึงบ่มาให้ใจมึงกวยคืออู่ อยู่บ่ได้เป็นบ้าแล่นมา มึงบ่มากูสิใซ้ผีตาปู่ไปใส่คามึงมา มึงบ่มากูสิใซ้ผีปู่ตาไปผูกศอกมึงมา ได้ยินกูปากให้มึงมา ได้เสียงกูจาให้มึงแล่น โอมพะยะงะขามึงมา อะนะอะมะมะติดๆ
    @ บังบิดบังบน แผ่นดินและแผ่นหญ้า แผ่นฟ้าพญาดาว พญาขาวพญาหงอก แสนขอกฟ้าและแม่คงคามาบังตนกู ๓พญานาคอันอยู่ในฮูมาบังตนกู ๓พญาเสืออันอยู่ในเทิงภูและปากถ้ำมาบังตนกู ๓นางหนุ่มเหน้ามาบังตนกู ๙ฮ้อยท้าวและขอคำมาบังตนกู มาบังทั้งแข้งมาบังทั้งขากู ๔เถ่ามาบังข้าวกูสิกิน มาบังตีนกูสิเหยียบ มาบังน้ำกูสิอาบ กูจักผาบดอกไม้และขี้เผิ่งทั้งหลาย โอมกะจะกะจาย สะหายยะวะฯ
    @ โอมสิทธิฟ้าแม่นครูบากูแข็งกว่าทองคำแพงแสนบนและแสนเมฆ ไผอยากเฮ็ดกูบ่มีได้ ไผอยากใส่ให้กูไข้กูบ่มีตาย ครูบากูมากกว่าทราย ครูบากูหลายกว่าน้ำท้องสมุทร ดุจจะดั่งฟ้าผ่าเมื่อกลางวัน โอมสิทธิมาบังสะหับ ฯ
    @ โฮมเพิกๆ กูสิเพิกฝูงหมู่เทวา เทวดามึงจับอยู่เค้าไม้ยอกูก็สิเพิก เทวดามึงจับอยู่หอไม้เปล้า กูก็สิเพิก ผีตาปู่มารักษาพระพุทธก็ว่าให้หนี ผีตายยายและย่าบ้านพระธรรมเจ้าก็ว่าให้หนี ธรณีและผีป่าพระสังฆเจ้าก็ว่าให้หนี อิติปิโสภะคะวา อะระหังสัมมา สัมพุทโธ ยันทุนนิมิตตัง การันกาเรติ อะวะโตมะตังตัง มังมังสังสัง อะอุอิเอโอ พุทโธพุทธัสกำจัดออกไป อย่าเข้ามาใกล้เสนามลฑล ธรรมโมธรรมมัดกำจัดออกไป อย่าเข้ามาใกล้เสนามลฑล สังโฆสังฆัสกำจัดออกไป อย่าเข้ามาใกล้เสนามลฑล พุทธังปัญจักขามิ ธรรมมังปัญจักขามิ สังฆังปัญจักขามิ ติตะโอมสะหมเพิก ฯ


    @ คาย ขัน ๕ เงิน ๑๐ สลึง เทียนเหล่มบาท ๑ คู่ ดอกไม้ขาว เหล้าก้อง ไข่หน่วย ซวย ๕ คะลำ ห้ามมิให้ลอดเครือกล้วย สาวไหม นั่งกี่ มิให้กินผักปลัง หมากน้ำเต้า ถ้าจะทำ ให้เสก ๓ ที เอาไว้ ๓ คืน เป็นตัวแล้วจึงปล่อยไป ฯฯฯ

    ปล. อันนี้คัดลอกมาจากของเก่าโบราณ เพื่อเป็นกรณีศึกษา ท่านผู้อ่านโปรดใช้วิจารณญาณเอาเด้อข่าน้อย


  2. #2
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,550
    บล็อก
    5
    ขอบคุณหลายๆจ้าที่นำมาให้อ่าน...แหม่นหยังหละจารย์ เห็นแต่ นะโมๆ ยายกะเทิงฮ่อนเทิงแหล่นหละย่านแมะเข่าวัดบ่ได้ดอก...ย่านมักครูบา อิอิอิ

  3. #3
    จักแม่นคาถาอีหยังดอกกะเลยบ่บอกเน๊าะ...ลดต้นกล้วยกะบ่ได้ถ้ามีใช่ไปตัดตองจังได๋สิได้ตองล่ะบัดเนี้ย..อิอิอิ

  4. #4
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    โอ้ว....ของดับของดีพี่น้องเอ๊ย...ถ้าท่องขึ้นใจ ความเสนียดจังไร บ่มาใกล้มายาม ถ้าท่องอยู่ซุยามได้ถามข่าวฮอดเทวดา...พี่น้องเอย...
    คึดเบิ่งพี่น้องเอ๊ย...ถ้าท่องเบิดซุคน...อีกบ่โดนเป็นมหาอำนาจ..พู้นแหล่ว...(บ่เชื่ออย่าลบหลู่)พะนะ..

  5. #5
    ศิลปิน นักร้อง นักแสดง สัญลักษณ์ของ หมอลำเอกชัยคนหล่อ
    วันที่สมัคร
    Feb 2008
    ที่อยู่
    สวิสเซอร์แลนด์หนุ่มเเดนดอกบัว
    กระทู้
    429
    ขอเชิญเหล่าเทพเจ้าซึ่งสถิตอยู่ในสวรรค์ชั้นกามภพก็ดี และภุมเทวดา
    ซึ่งสถิตอยู่ในวิมานยอดภูเขา และหุบผาในอากาศ ในเกาะ ในแว่นแคว้น
    ในบ้าน ในต้นพฤกษา และป่าชัฏในบ้านเรือนและในไร่ นาก็ดีและยักษ์
    คนธรรพ์ นาค ซึ่งสถิตอยู่ในน้ำบนบก และที่อื่น ไม่เรียบราบก็ดี อันอยู่ที่ใกล้เคียง
    จงมาประชุมพร้อมกันในที่นี้ คำใดเป็นของพระมุนี ท่านสาธุชนทั้งหลาย
    จงสดับคำของข้าพเจ้านั้นดูก่อนท่านผู้เจริญทั้งหลาย กาลนี้เป็นกาลฟังธรรม
    ดูก่อนท่านผู้เจริญทั้งหลาย กาลนี้เป็นกาลฟังธรรม ดูก่อนท่านผู้เจริญทั้งหลาย
    กาลนี้เป็นการฟังธรรม แม้บุตรทั้งหลายของเธอเป็นอันมาก มีนามว่า
    อินทร์ มีกำลังมาก มีฤทธิ์ มีอานุภาพ มีรัศมี มียศ ยินดีมุ่งมาประทับอยู่
    ท้าวกุรุเวร ผู้อยู่ทางทิศอุดร ปกครองอยู่ซึ่งทิศนั้น เป็นอธิบดีของพวกคนยักษ์
    เธอเป็นมหาราชา มียศ แม้มีบุตรทั้งหลาย ของเธอเป็นอันมาก มีนามว่า
    อินทร์ มีกำลังมาก มีฤทธิ์ มีอานุภาพ มีรัศมี มียศ ประทับอยู่
    ท้าวธตรฐเป็นใหญ่ทิศบูรพา ท้าววิรุฬหกเป็นใหญ่ทิศทักษิณ
    ท้าววิรูปักษ์เป็นใหญ่ทิศปัจฉิม ท้าวกุเวรเป็นใหญ่ทิศอุดร มหาราชทั้ง ๔ นั้น
    ยังทิศทั้ง ๔ โดยรอบ ให้รุ่งเรืองประทับอยู่

    อันข้าน้อย เอกชัย พรมหล่อ จะได้อัญเชิญมนต์พระคาถานี้ไปสถิตย์ กาย วาจา ใจ ของข้าพเจ้า
    ด้วยฤทธานุภาพเเห่งมนต์พระคาถานี้ ขอให้ข้าพเจ้า ได้ใช้มนต์พระคาถาผูกนี้ ได้ผลดั่งใจหมายคิดด้วยเถิด
    โอม สะโหม ติด

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กระทู้ต้นฉบับโดยคุณ nuzing
    ขอบคุณหลายๆจ้าที่นำมาให้อ่าน...แหม่นหยังหละจารย์ เห็นแต่ นะโมๆ ยายกะเทิงฮ่อนเทิงแหล่นหละย่านแมะเข่าวัดบ่ได้ดอก...ย่านมักครูบา อิอิอิ
    ขออนุญาตอ้างถึงซะดอก ซังแม่ใหญ่หนูส่อโพด คาถานี้เพิ่นใช้เสกดอกไม้เป็นแมลงภู่ หรือแมลงวัน แล้วส่งไปตำผู้สาว..อื๊อฮึ เข้าใจบ่ บาดนี้ อิ อิ

  7. #7
    เสกแมลงภู่ แมลงวันไปตำผุสาวแล้วสิเกิดหยังขึ้นละบาดนิหัวหน้า

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ตำแล้วกะแล่น โอ๊ะเหมารถมาหาเจ้านั้นหล่ะอาวธี อิ อิ อิ

  9. #9
    มันแม่นอีหลีติหัวหน้า สิเสกไปตำจักมื้อละคนเนาะ คือสิม่วนกุ๊บตี้เนาะ >:d

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อิหลีนี้หล่ะ แต่ต้องเสกให้มันเป็นโตแมลงก่อนเด้อ คันบ่เป็นเจ้ากะแล่นตำเอาเองโลด เหอ ๆ ๆ