ป๊ะ สิพาไปนอนนา หว่านปุ๋ยใส่ข้าว

[ติ๋ม เปอร์โย]

นาหม่องหนี่ไกลบ้านคัก50กิโลเมตรได้ ไปแต่ละเทือต้องได้นอนนา กะซั่นเฮ็ดเวียกบ่แล้ว


ที่ซื้อไกลกะย่อนออนซอนว่าขะเจ้าเฮ็ดนาได้ปีละ2ครั้งหนี่หละจ้าเลยหมั่นหลาย แนวเคยมีแต่นาทามกับนาโคกเนาะ


ข้าวกะบ่งามปานใด๋ดอกจ้า น้องอยู่เฮือนว่า ปุ๋ยจืดแล้วซ่อ กะเลยได้ไปซื้อปุ๋ยมาให้เขาหว่าน
4สอบจังทั่วนา แดดฮ้อน แต่ยามลมพัดเย็นดีคัก มักไปอยู่นาหลายกว่าอยู่บ้าน


ติ๋มเฮ็ดนาบ่เป็นดอก จอบขายแต่ข้าวหั่นหละ ::)

[ฅนภูไท]

ป้าดดดดดดด...น้องติ๋มเถียงนามาคักแท้ ดินดำน้ำชุมอยู่น้อ คักๆ เวลานอนเว็นลมพัดกลิ่นใบข้าวมาชื่นใจแท้ตั้วน้อ

[ไม่สวยแต่เร้าใจ]

ปานใด๋สิได้เกี่ยวล่ะเอื้อยข้าว ฮอดยามเกี่ยวเอิ่นแนเด้อ บ่เอานำหลายดอกเอาข้าวปัดลานจักสิบจักซาวสอบขายพอได้เที่ยวงานทุ่งศรีเมืองนำเพิ่นสื่อ ๆ ดอก เชียงยืนนี่กะบ่ไกลจากตำบลนาดีปานใด๋ เด้เนาะ

[นวรัตน์]

เถียงนายังขนาดนี้แล้วเฮือนเจ้ติ๋มสิขนาดใด๋น้อ 8)

[lukhin_inter]

.
.
บรรยากาศสุดยอดเลยจ้าเอื้อย..
.

.
เห็นนำอ้ายเพิ่นจ้า..เถียงนาคือใหญ่แท้ยะเอื้อย
ลูกหินกะนึกว่า ถ่ายภาพไปติดด้านหลังอนามัยตำบล...นั่นหน๊า

[หล่อร้อยเมตร]

เดือนหน้ากลับมาเกี่ยวเองเด้อ บ่มีไผ๋เกี่ยวเด๋น้องชายกะไปออดหลอดแล้ว ::)

[แป้งป๋อง]

ฮอดยามเฮ็ดนาแล้วเบาะจ้าเอื้อย หรือว่าเฮ็ดนาปรัง เขียวงามเนาะ เห็นแล้วสดชื่นหลาย:g

[ติ๋ม เปอร์โย]

เถียงนอนเด้อจ้า บ่แม่นเถียงนากะน้องๆเขามาอยู่นาหลายกว่าอยู่เฮือนเนาะ
ส่วนเฮือนนั่นหลังน้อยๆ ฮ่างๆจ้อย เดียวนี้บ่มีฮอดหลังคา อยากฮั่วดีหลายม้างซะ

เอ้า...กะว่าแมนเจ้ากับเฒ่าปิ๊กสิไปเกี่ยวให้บ่แม่นตี้อ้ายหล่อ กะซั่นข่อยกะบ่เฮ็ดหลายปานนี่จ้อย
กิ๊กเจ้าหลายๆเตินไปเกี่ยวข้าวให้แหน่เนาะ เห็นว่ากะดาย อิอิ
ข้าวนาปรังจ้าน้องแป้ง ตั้งท้องแล้วหละ เดือนหน้าคือสิได้เกี่ยวอยู่ เบิ่งทรง

[ธีรวัฒน์ ผู้เจริญ]

เถียงนาคืองามแท้นอ

[ติ๋ม เปอร์โย]

บาดทีหนี่สิได้มาขอแฮงพี่น้องบ้านมหาเด้อจ้า...ผู้ใด๋ว่างหลังปีใหม่ไปซ่อยล้อมฮั้วนาแหน่เด้อ...ไปนอนนาตากยุงนำกัน...อิอิ
เว้าอิหลี...หลักฮั้วประมาณ400หลัก...ดึงลวดหนาม4แถว...ต่อด้วยปลูกไผ่อินโด+ไผ่ไต้หวันอีก100กอ...
ไปบ้านหว่างหั่นกะไปเกี่ยวข้าวนาปลัง เฮ็ดสะพานข้ามไปนา ปลูกหมากพร้าวน้ำหอม20ต้น หมากนาว10ต้น หมากกรูด5ต้น หมากม่วง5ต้น
กลับมาฮอดบ้านจนไข้แตก โพดเวียก...หนี่หละเหตุผลที่ติ๋มไปหาเที่ยวทางใด๋บ่ได้กะดาย....