คอร์ดพิณ....(สิเกิดหยังขึ้นเมื่อพิณเล่นคอร์ดได้ อ้าวเชิญเลยพี่น้อง)

[มือพิณน้องใหม่]

ก่อนอื่อนกะขอกราบ สวัสดีพี่น้องบ้านมหาเฮาซุคนเด้อครับ หลังจากที่ โตกระผมเองได้หายจากการตั้งกระทู้ไปตั้งดน มื่อนี่กะกลับมาแล้ว มา

พร้อมกับของฝากที่สิมอบให้....
มื่อนี่สิขอกล่าวเรื่องราวความเป็นไป ของกระทู้นี่....หลังจากที่ผมได้จับบายพิณมาลูบมาคลำแล้ว (อิอิ..ลูบคลำ แต่บ่ค่อยได้

เล่น) กะเลยอยากเอาประสบการณ์มาโส สู่พี่น้องบ้านมหาผู้มักพิณฟัง เป็นประสบการณ์อันน้อยนิดแต่กะมีความตั้งใจที่สิถ่ายทอด...
เรื่องของเรื่องกะคือว่า มื่อหนึ่งผมไปตลาดไปซื้อซุปหน่อไม่ มานั่งกินอยู่ห้องยามแลง(เอ เกี่ยวกันบ่นี่) บัดยามกินแล้วกะมานั่งคิด

ว่า เอ....พิณนี่มีเอกลักษณ์ของมันยุเนาะเสียงกะหม่วน เสียงกะพริ้ว ฟังยามได๋กะคิดฮอดบ้านฟังยามได๋กะอยากฟ้อน...เฮ้อ สุดแต่สิ

สาธยายไป
แล้วลางคนกะสิถามว่า "ฮ่วยแม่นหยังนี่คือจั่งจ่มอยู่ผุเดียวตกลงสิเอาจั่งได๋นี่" เดี๋ยวก่อน โสบ่ทันแล้ว ต่อๆ...
ผมกะเลยมีความคิดว่า เอ..หากว่าตะเฮาแหวกแนวเอาพิณเล่นเป็นอีกสไตล์หนึ่ง สิเป็นแนวได๋น้อ คิดเบิ่งแล้วกะสิเห็นว่า ลายพิณ

กะมีคนเอากีตาร์มาเล่น.....อืมเอาล่ะ เป็นหยังเฮาสิเอา พิณมาเล่นคอร์ดคือกีตาร์บ่ได้ ฮั่นแน่...ผมกะเลยมานั่งแกะคอร์ด แล้วกะอัด

ออกมาโพสท์ให้พี่น้องเฮาได้ฟังกัน (ซึ่งบ่สามารถแกะออกมาได้ทุกคอร์ด แล้วกะคอร์ดที่ได้มา อาจจะมีโน๊ตบ่ครบ อันเนื่องมาจาก ข้อจำกัดเรื่องเสียงของพิณ)..แล้วกะ เขียนมาเป็นคอร์ดนำ จากความตั้งใจจริง ถึงแม้ว่ามันอาจสิมีข้อบกพร่องตรงได๋ ผมกะยินดีรับฟังคำ

ปรึกษาจากท่านที่ชำนาญและมีประสบการณ์ทุกคนครับ.....อ่ะ....ฮอดยามนี่แล้ว เชิญชมครับพี่น้อง



[WMA]http://s.anumat.googlepages.com/Am.wma[/WMA]





[WMA]http://www.baanpinthai.com/data/Pin/sound/Bb.wma [/WMA]



[WMA]http://s.anumat.googlepages.com/Bm.wma[/WMA]



[WMA]http://www.baanpinthai.com/data/Pin/sound/C.wma [/WMA]



[WMA]http://s.anumat.googlepages.com/C.wma[/WMA]



[WMA]http://s.anumat.googlepages.com/Dm.wma[/WMA]



[WMA]http://s.anumat.googlepages.com/E.wma[/WMA]



[WMA]http://www.baanpinthai.com/data/Pin/sound/Em.wma [/WMA]



[WMA]http://s.anumat.googlepages.com/F.wma[/WMA]



[WMA]http://s.anumat.googlepages.com/G.wma[/WMA]



[WMA]http://s.anumat.googlepages.com/Gm.wma[/WMA]

บันทึกเสียงและเรียบเรียงโดย..มือพิณน้องใหม่
www.baanmaha.com