หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

คิดฮอดกะสิอดเอา

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    คิดฮอดกะสิอดเอา

    บ่เป็นหยังดอกเด้อหล้าอย่ามาซาคนต้อยต่ำ
    ไปตามกรรมซาติเชื้อคนต้อยต่ำตระกูล
    บ่มีทุนเงินล้านเฮือนซานหลังบ่ใหญ่
    เฮ็ดไฮ่สวนพอสืบมื้อบ่รวยแบงค์ค่าสูง
    ขอให้นางมาดมุ่งอนาคตยังสดใส
    ให้เจ้ารวยสินทรัพย์นับเงินจนเหลือใซ้
    อ้ายเต็มใจบ่ขัดข้องแม่นมัวหมองสิอดอยู่
    บุญบ่ควรคู่น้องแม่นหมองเศร้ากะซ่างตาม
    บ่ได้คิดหวงห้ามย่อนว่าฮักนางหลาย
    แม่นเสียดายท่อชีวีอ้ายบ่มีขวางกั้น
    เหมาะสมกันแล้วเด้อน้องผู้เพิ่นคองถ้าเจ้าอยู่
    ผู้เพิ่นรวยลื่นล้นมีเงินใช้ให้จ่ายเกิน หล้าเอ้ย


    ไปสาหล้าแม่นน้ำตาสิย้อยปกๆกะสิอดเอาดอก

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ปร้าดดดดดด แม่นฟิวส์ด๋ายน้ออ้ายขะน้อย ..ซึ้งๆอ้าย..:g

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    คึดฮอดน้องนอนกระดานไม้แป้นปีก
    จีกปลาแดกบ่ายเข่าแลงเซ้าได้จ่มหา
    ยากะยาใบตองกล้วยแนวคนซวยทุกข์ยาก
    ปากแฮงหลายกะบ่อได้ไทบ้านเพิ่นสิหยัน
    อดสาดันอดสาสู่หากะปูหมากหอยจูบ
    ฮูปกะแสนฮ่างฮ้ายอยากอายเว้าย้านเพิ่นซัง
    แนวภูมิหลังโตมันด้อยบ่อหวังคอยได้เว้าเพิ่น
    เขานั้นแม่นหงส์เหิร โตกะเทินต่ำเตี้ยเฟียขึ้นกะบ่สูง
    ...คึดฮอดกะสิอดเอาดอก อึ๊ฮึ๊..ลงมันหม่องนี้หล่ะ บ่อลงยากคือลงส่างฮ้างดอก อิ อิ..

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ปร้าดดด สองปรมาจารย์แม่ะ..:g เพิ่นกำลังพากันมีควมลับ เอ้ย รัก เด่ะนิ ..บ่แม่นไวๆนิบ้อ ลาบวัวแม่ะไก่น้อย..ทางหนองคาย หือ ได๋น้ออ้ายเอ้ย..(t

  5. #5
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    คิดฮอดหลายจนอ้ายนอนสะเดิด
    ฝันไปเลยเถิดว่ารักเกิดปัญหา
    ฝันว่าผู้สาวเจ้าควงชายใหม่มา
    ตกใจผวาจนว่าคอตกหมอน

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    บุพพกรรมกาลใดน้อโอนอมาจำจ่อง
    อ้ายได้จากอีน้องนางหล่าค่าควร
    คะนิงหวนเห็นหน้าโสกาเกินสิกล่าว
    น้ำตาไหลหลั่งย้าวซาวข้างนั่งซง
    ไกลฮ้อยคดฮ้อยโค้งอ้ายยังส่งกะใจจิต
    สืบสัมพันธะไมมิตรห่วงหาบ่ลาฮ้าง
    เห็นหนทางเฮือนนางน้องผองสถานบ้านเจ้าอยู่
    แสนอดสูคึดฮอดแท้บ่แปรปี้นเปลี่ยนผัน นั้นแหลว

  7. #7
    น้ำตาล
    Guest
    555555555+.มาอ่านจ้า..แต่งบ่เป็นผญา...อิอิ..ขอเป็นผุอ่านดอก:g:g..สุดยอดเลยค่ะ 2 จารย์8)8)

  8. #8
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    ท่านอาจารย์ยังสุดยอดคือเก่า....8)8)
    เสียอย่างเดียวงานบ้านมหา คาแต่หวงเกิบ ( เห็นในฮูปดอกเด้อมันฟ้องแม๋)
    ส่วนพี่โป้ย...กะเศร้าอยู่บ่เซาจั๊กสิปลอบจั้งใด๋แล้ว...::)

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    หล้าต่ายนางเอ้ย
    จักแม่นเป็นจั้งใด๋หล้ายามอ้ายนอนหลับตาฝันเห็นแต่น้องต่าย
    แม่นเจ้าคิดฮอดอ้ายคืออ้ายคิดฮอดน้องเสมอด้ามดังกันบ่น้อ
    แนวโดนโดนจั้งได้พ้อบ่ได้ต่อเติมคำหวานเลยบ่บานทางใจคิดนำแต่นางน้อง
    อันความหมองความเศร้าบ่เบาบางความคิดฮอด
    เคยได้ออดแอ่วเว้าบ่เห็นเจ้าอ้ายห่วงหา นางเอ้ย

  10. #10
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    อ้ายเอ้ย....
    ขนาดว่าเป็นเพียงน้องสาว....ยังคึดฮอดพอปานนี้
    อยากฮู้เด้คนดี..ผู้สาวอ้ายสิปานใด๋
    คือสิคึดฮอดเพิ้นแฮงหลาย...จนพี่ชายได้แต่เพ้อ
    นอนละเมอซูแลงเซ้า....เก็บเอาเขาไปเข้าฝัน
    สิรำพันหาผู้ใด๋...น้องสาวอ้ายบ่เคยว่า
    อย่าสิหลงลืมวาจา....พามาให้ฮู้จักแน่...เด้ออ้ายยยย::);d