กำลังแสดงผล 1 ถึง 6 จากทั้งหมด 6

หัวข้อ: .....ฮู้บ่....ว่าคิดฮอด

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    .....ฮู้บ่....ว่าคิดฮอด

    ฮู้บ่น้อคิดฮอดเจ้า ยามได๋เหงาเบิ่งรูปถ่าย ได้แต่คอยบรรยาย เอาสายตายส่งเว้า กับคอยเว้าไส่แต่ลม
    ได้เห็นผมได้เห็นหน้า หยิบรูปมาแล้วยิ้มไส่ ถึงเมื่อเจ้าอยู่ไกล กะยังไกล้หัวใจอ้าย เป็นสุขฮ้ายบาดคิดเห็น
    ยามส่งหน้าทะเล้น หรือยามเล่นนำกันหม่วน ยามเจ้ากวนจนว่ายุ่ง เพลงลูกทุ่งร้องไส่กัน
    นอนหลับฝันอยากเห็นหน้า ยามหลับตาคิดฮอดคัก ฮู้แน่บ้อสุดที่รัก เว้าคักคัก คิดฮอดเจ้า จนกินข้าวกะบ่ลง
    เหลียวเบิ่งวงเส้นขอบฟ้า ยามแลงมายิ้มไปไส่ ว่าขอบฟ้าไกลไกล คนของใจอยู่ทางพุ้น ในใจวุ่นบาดคิดนำ
    ได้ฟังลำกลอนได๋ห่าว หรือลำยาวจ้าวทางล่อง ถ้ากลอนได๋คิดฮอดน้อง อ้ายหลงฮ้องไส่สุยามที่รักเอย


    ฮู้บ่...ว่าอ้ายคิดฮอด

    เพลงประกอบ : มนต์แคน แก่นคูณ ชุด 3 สร้างฝันด้วยกันบ่ (วางแผงจำหน่าย 25 มีนาคม 2548)
    [music]jolo/Hits/Think%20about%20you.wma[/music]

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3
    คึดฮอดหลาย.... ยามเหงาได้ตะนั่งแนมรูปถ่าย กายกะบ่ได้แตะ
    ได้แต่แปะรูปถ่ายไว้เทิ่งหัวนอน เอาไว้ฝัน ก่อนสิตื่นขึ้นมื้อใหม่
    ไว้เป็นกำลังใจ ..ให้สู้ฝัน.. เพื่อวันของเรา พะน๊า พะนะ
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ฮู้บ่หล่ายอดสง่าคนดี
    อ้ายหากมีใจจิตคิดเถิงแต่นางน้อง
    บ่หมายปองสิเป็นซู้หวังซูซ้อนบ่อน
    ขอคึดฮอดฮ่ำฮอนฝากบทกลอนได้อ่านเหล่นคึดเห็นพ้อแต่ก่อนหลัง
    บ่หวังหมายจอดยั้งเทียมท่าสะเภาหลวง ดอกนา
    บ่หมายเด็ดดมดวงดอกบุปผาสวรรค์ซั้น
    คึดฮอดกันกะเพียงได้เอาใจนี้ฝากส่ง
    จุดประสงค์มีท่อนั้นสัมพันธ์เกี้ยวบ่อก่ายเกิน
    แม่นว่าบ่ได้เอิ้นว่าที่ฮักกะตามที
    แต่ขอมีใจจิตคิดนำกะพอแล้ว
    พอเป็นแนวยาไว้ฮูใจที่มันฮั่ว พอได้ตั๋วหยอกเว้าให้หายเศร้าอั่งมะโน แท้แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ควมทางใจมันยากฮ่าย คึดไปหลายบ่ออยากเอ่ย
    อยู่ไปเลยเพียงแต่กาย ทางในนั่นเฝ้าฝันหา
    อ้ายผู่เพ็ญเดือนจ้า น้องนั่นหน๋าคือเทียนส่อง
    หมู่ดาวเดือนอยู่เทิ้งล้อม ได่ห่อหอมอ้อมข่วมอ้าย
    บ่อเป็นหยังดอกเด้อซาย บ่อคึดบายดอกจันทร์เด่น
    เพียงสู่มื้อได่ส่องเห็น กะอยู่เย็นใจแล่ว..ปะสาแนวคนใจซือ..นี่แหลว..
    มองต่าง..อย่างปลง

  5. #5
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412
    คึดฮอดเจ้าเด้ เจ้าผุงามตาเหล่ เจ้าผุไคขาเป๋ เจ้าคนสวยนำตาปลิ้น...
    ::)::)

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    นั่งกอดเข้าคือคนบ้าซ้ำเมายาเป็นบ้าป้วง
    คือจั้งทรวงสิแตกม้างบ่มีมื้ออยู่สบาย
    ตั้งแต่น้องพรากอ้ายกายกะจ่อยโซผอม
    ย้านแต่ตรอมใจตายคิดหลายบ่วายเว้น
    จักว่าเป็นอี่หยังแหล่วแนวว่าใจมันคิดฮอด
    ย้านแต่จอดท่อนี้กายาเศร้าดอกล่าเลือง
    บ่มีมื้อปลดเปลื้องใจอ้ายเงี่ยงคนิงหา
    ย้านแต่กายาดับม้วยมรณาเมี้ยน นางเอ้ย...
    จงเอาชนะในความยาก มิฉะนั้นความยากจะชนะท่าน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •