มาบัดนี้ศรีอยากซวนพระคุณท่านไปงานตระการถิ่น
กาฬสินธุ์บ้านไก่น้อยกับทั้งข้อยแม่นบ่าวศรี
อันว่าตั้งแต่กี้พระยาใหญ่ชัยสุนทร
เพิ่นพาหลอนไพร่พลจากโนนเวียงจันทน์ก้ำ
เพิ่นพานำมาแจ้งแถลงการณ์ต้านว่า
แด่สมเด็จพระพุทธยอดฟ้าคราวนั้นแต่เดิม
เมืองกาสินกะจั่งเริ่มสร้างแต่งแปลงหอ
เพิ่นจั่งยอหลักเมืองแก่งส้มโฮงลงตั้ง
เพินได้ฝังหลักหมั่นสำคัญน้ำปาวเก่า
ต่อมาเด้อเลยกล่าวเว้าปาวนั้นแม่นะที
ตั้งแต่กี้บ่มีดอกคูคัน บ่มีปันสับเสือนเขื่อนนะทีแนวน้ำ
ยังสีดำนะทีก้นเป็นโคลนน้ำซุ่ม
มีฮอดปลากุ่มบ้อนปนแข้แกว่งหาง
เพิ่นกะเลยกล่าวอ้างเอาดินดีสีก่ำ
ใส่เป็นนามต่อซ้ำ กาฬสินธ์นี้ต่อมา..ท่านเอ๋ยยยย
ปล. โอ๊ยยย ซั่วสิแต่งให้ได้ จะแม่นบังคับกัน ให้เวลาสิบนาที พะนะ น้องสาวข้อยแมะพี่น้อง จะแม่นมันเขี่ยวขอดคักหลาย เกือบตาย...พักก่อน เดี๋ยวต่อให้ใหม่..หืยยย
Bookmarks