+ต้มส้มปลาทู+

[sompoi]

คึดอยากซดน้ามแกงส้มๆ หาปลาช่อนบ่อได่ เอาปลาทูสดนิล่ะเนาะพี่น้อง..

ได้มาสองโต สดๆ ..


จัดการล้างนอก ล้างใน แล่ว..ตัดครีบ หั่นท่อน

เครื่องปรุง
-หลักๆ กะตามภาพเลยจ้า ตะไคร้ ข่า ใบมะกรูด พริกหั่น๓-๔เม็ด
-เห็ด (อิหยังบุ ภาษาไทยบ่ฮู้เอิ้นหยัง)คั่นบ้านเฮากะเอาเห็ดนางฟ้ากะได่เนาะ
-หัวหอมใหญ่ น้ามมะขามเปียก มะเขือเทศ สอง สาม

วิธีทำ
-ง่ายๆ ต้มน้ามให้เดือด เอาปลาลง ตามด้วยเครื่องแกงที่หั่นเตรียมไว่แล่ว
-ตามด้วย เกลือ น้ามมะขามเปียก ขะน้อยใส่น้ามปลาร้านำ (อิอิ)ผักทั้งหลายจ้า..
-ต้มสักพักพอปลา และผักสุก ปรุงรส ตามชอบจ้า..

ออกมาได่ฉะนี้...อุอุ..

[เจ้าซายน้อย]

แนะ...เอามาล่อไห่กันอยากอีกหล่ะ....
อยากกินนั่นอยากกินนี่ กะบ่ม่ม มาม่าคือเก่าหล่ะผุข่ากะดาย ::)

[หวานน้อย]

เป็นตากินแท้เด อิจฉาคนเฮ็ดกับข้าวเป็นเนาะ
อีหล่ากะเฮ็ดบ่เป็น จ๊ะ
ถ้าจอมันส่งมีกลิ่หอมได้นนำ น้ำลายคือสิไหลซวดๆๆๆ เนาะ

[นวรัตน์]

เอื้อยส้มป่อยขอข้าวสวยร้อนๆนำแน่จักจานหิวแล่ว 8) :)

[sompoi]

แถมไข่เจียวฮ่อนๆนำอิกจักจานเด้อ น้องนวรัตน์ ..อุอุ..หยับให้เจ้าซายน้อย กับน้องหวาน นั่งนำแน่ะเด้อล่ะ..อย่าม่มแต่ผุเดียวหลาย..ฮ่าๆๆ

[ไก่น้อย]

ตาเเซบตั่วหละเนาะ เพิ่นเอิ่น ต้มยำสันดอก เจ๊กะดาย(เบิ่งจากเครื่องปรุง)ว่าเเล้วกะหิวเเล้วหละ .. :g

[devas]

หาก่องเข่า ก่อน ๕๕๕๕๕๕๕๕๕๕๕๕๕๕ นั่งอ่านกิน กะเอาดอก มีแจ่วนำ คือสิคัก:g

[ติ๋ม เปอร์โย]

อากาศหนาวๆ ซดน้ำแกงฮ่อนๆคือสิอุ่นเนาะพี่มิก...หิวข้าวเด้...ไปหาหมากสีดามากินแทนก่อน

[บ่าวดอนโบม]

อ่านเบิ่งตอนแลกเข้าใจว่าแมน ตำส้มปลาทู
กะมานั่งคิดยุว่ามันตำแนวด๋าย.......พะนะ

มาอ่านเบิ่งใหม่ต้มส้มปลาทูพะนะว่า อิอิอิ......::)

[หมูหวาน]

ตาแซ่บเนาะ เอื่อยส้ม ขอน้ำต้ม อีกหน่อย แน่เอื่อย น้ำน่อย โพดเนาะนั้น ::):g:g