[Radio]jolo/Paya/Gooddream.wma[/Radio]
เห็นว่ามิดเงียบจ้อย ใจกะคอยเว้าคือเก่า อ้ายยังคิดฮอดเจ้า เหมือนแลงเซ้ามื้อผ่านมา
ได้นั่งเหลียวมองฟ้า เบิ่งเมฆาเห็นดาวส่อง ปานว่าตานวถน้อง คือเจ้าจ้องเข้าไส่กัน
เกินใจฝันสิเห็นหน้า อยากโทรหาไปถามข่าว อยากทวนความสิเว้า ว่าฮักเจ้าคือเก่าเด้อ
เติมแรงใจบ่ให้เก้อ รักเสมอบ่ให้หล่น ยิ้มส่งดลหัวใจเจ้า ยามสิเข้าดอกบ่อนนอน
ฝากคำวอนไว้นำหล่า อย่าทิ่มป๋าใจที่ห่วง อย่าคิดควงผู้ไหม่เย้ย คนเคยเว้าผู้ห่างไกล
เป็นจั่งได๋ในคืนนี้ ก่อนราตรีสิข้ามผ่าน อ้ายขอวานเว้าสั้น ๆ ว่าฝันดี..ที่รักเอย
อันขออภัยไว้นำผุอ่านแน่เด้อครับ แนวอื่นกะจักแม่นสิเขียนจั่งได๋หล่ะ กะเลยขอว่าเขียนแนวนี้หล่ะเนาะ จักหวานซ่ำได๋กะพิจารณาเอากันเองซะเนาะ หนุ่มน้อยเขียนผญา ซั่นดอกหว๋า อย่าว่ากันเด้อ ลุงศรี ลุงยุทธ เอ๊ย สิว่าแนวอื่น กะบ่หาเว้านำหมุ่ บักพากมันหนิกะดาย สิว่าหล่ะ ฮ่า ๆ ๆ
Bookmarks