กำลังแสดงผล 1 ถึง 5 จากทั้งหมด 5

จำใจจาก

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    จำใจจาก

    อ้ายสิจำจากน้องนางนาดนวลถวิล
    ย้านมันเป็นมลทินด่างดำกรรมต้อง
    ย้านเจ้าหมองศรีเศร่าคนเขาเพิ่นสิส่า
    จำจากลาอีน้องหนีเนาหม่องแห่งตน

    ไกลจากพ้นฝากแต่คนิงหา
    คิดถึงวันเวลาเคยปากจาคราวพู้น
    บุญของอ้ายชายศรีบ่ดีเด่น
    มีแต่เวรตื่มซ้ำกรรมต้องจ่องหา

    เมื้อใหม่หน้ายามพบประสบเจอ
    ย้านแต่เผลอทายทักดั่งฮู้จักแต่คราวกี้
    ใจอยากหนีให้มันม้มจากสังคมที่เคยม่วน
    แต่มาคิดคนึงหวน ภารกิจสืบสร้างทางบ้านท่านมหา

  2. #2
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    จุ๊ ๆๆๆๆๆๆๆๆๆๆๆ ย๊ะอ้ายศรี มาโศกฯ แท้ ...น้องหล่าสิไห่..นำ

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    น้ำตานองอาบหน้าได้ยินคำวาจาผอวนอ้ายเอิ้นสั่ง
    หรั่งน้ำตาอาบแก้มได้ยินอ้ายเอิ้นสั่งลา
    น้องฮักอ้ายซ้ำฟ้าสังสิจากไกลหนีแสนโศกีในอกฮ่ำฮอนนำอ้าย
    มาเสียดายแท้น้อนี่อ้ายทิตศรีสิไกลจากหากบ่สมเภทหน้าอี่นางน้องแน่บ่ซาย
    เป็นอี่หยังน้ออ้ายซายผู้ดีล้ำค่าเวทนาให้สะอื่นอาลัยโอ้อ่าวคนิง อ้ายเอ้ย

  4. #4
    ธีรวัฒน์ ผู้เจริญ
    Guest
    สิจากไปใส่นอพี่น้อง

  5. #5
    ร่วมถ่ายทอดความรู้สู่สังคม สัญลักษณ์ของ โด้ไดอารี่
    วันที่สมัคร
    Feb 2008
    ที่อยู่
    Manchester, Uk
    กระทู้
    739

    โกรธแล้วน่ะ อย่าฟ้าวจาก

    อย่าฟ้าวจาก


    อย่าพึ่งลาพี่น้องพ้องเพื่อนเฮือนมหา

    ยังบ่เหมิดเวลาอย่าสิส่าหนีจากน้อง

    อ้ายบ่าวศรีสะท้านวานอ้ายให้อยู่ก่อน

    ให้อ้ายนอนยุหนี่ อย่าไปลี้ให้ยุงกัด เด้ออ้ายเดอ

    ส่วนหนูโด้โตนี้แม้กายพลีบ่หนีจาก

    บ่ฮ่อนพรากพี่น้องหอห่องหม่องยุเซา ดอกพี่เอย

    อย่าฟ้าวจาก


Tags for this Thread