มื่อนี่สิพาไปก่นแย้เด้อพี่น้อง ไปกันจัก 3 คนกำลังพอดี ถ้ามีหมาไปนำแห่งดีหลาย...(แย้มันย่านหมา ส่วนหมามักไล่แย้..)
- ได้แย้มาพอสมควรสำหรับแล้วแลง..กะทำการสังหารซะโดยการทุบหัว..ตอนที่ทุบหัวกะท่อง..สัพเพ สัตตา อะเวรา โหนตุ..ตุ...ตุ สัตว์ทั้งหลาย....
- ต่อจากนั่นกะลอกภาพยนต์(หนัง)ของมันออก..พร้อมกับผ่าตัดหน่าท้องเอาอุจจาระของแย้ออกให้เบิด..ถ้าไผมักขมแบบแหยๆ กะบ่ต้องเอาออก..ฮ่าๆๆๆ
- นำแย้ที่ผ่านการผ่าตัดไปล้าง...แล้วเอาไปย่างไฟพอสุก จากนั่นกะนำมาฟักให้ละเอียด ถ้าบ่ละเอียดกะเอาไปตำเอาโลด..เพื่อให้กระดูกมันมุ่น
- ต้มน้ำปลาแดกพอประมาณ เอาน้ำปลาแดกที่ต้มแล้วมาคนกับเนื้อแย้ (คำเตือน)อย่าใส่น้ำหลายมันสิเละ..และอาจสิเค็มจากน้ำปลาแดก
- คั่วพริกแห้ง คั่วข้าวคั่ว ตำแหลกๆ หอมๆ เทลงคนใส่กันในครก มักเผ็ดกะใส่หลายๆ
- สับหมากม่วง(มะม่วง) เอาแบบส้มๆ สับให้เป็นเส้นฝอยๆ แล้วกะใส่ลงไปในครก
- ซอยหัวหอม หอมต้ม ผักชี ใบหมากกรูด คนให้เข้ากัน เติมรสด้วยผงนัวจักหน่อย
- สุดท้ายลองชิมเบิ่ง..ถ้าแซบกะยกออกมาเอิ้นหมู่มากิน..ถ้าบ่แซบกะเอิ้นหมาโตที่ไปจับซ่อยมากิน..อิอิอิ
อ้างข้อความนี้
Bookmarks