ลาบนกเป็ด
มื้อนี้ฅนภูไทไปหาเลาะท่งมาพอดีไปพ้อนกเป็ดเล่นน้ำอยู่ในหนองเลยเอาหนังสติ๊กยิง ฟลุ๊กขนาดได้มาสองโตเลยสิเอามาลาบสู่พี่น้องเฮากิน แนวหากินยากอีกแล้วครับมาเบิ่งวิธีเฮ็ดกันเลย
หน้าตานกเป็ดกะเป็นจั่งซี้หละ คล้ายๆกับเป็ดแต่โตน้อยกว่า
ทีนี้เฮากะจัดการเลาะเอาแต่เนื้อ สับให้ละเอียดแล้วกะใส่น้ำบักนาว เกลือ ลงไป
แล้วเฮากะปั้นน้ำมันออก น้ำที่ปั้นออกอย่าทิ้มเด้อเก็บเอาไว้คั่วใส่ลาบ
ส่วนกระดูกเฮากะเอาไปต้ม ต้มหนังกับเครื่องในไว้ซอยใส่ลาบนำ
พอน้ำต้มเดือดเฮากะเอามาลวกเนื้อนกเป็ด ลวกจักสองน้ำเด้อ
เอาน้ำที่เฮาได้จากการปั้นออกจากเนื้อไปคั่วให้สุก แล้วเอาไปคลุกเคล้ากับเนื้อที่สิลาบ เครื่องในที่สุกแล้วเฮากะเอามาซอย
ทิ้มไว้ให้เย็น แล้วทีนี้เฮากะมาปรุงกันเลย ใส่พริกป่น ข้าวคั่ว ข่าอ่อนสับ ใบมะกรูดซอย ต้นหอม ผักชี ผักชีฝรั่ง แล้วกะสาระแหน่ ลงไป คลุกเคล้าให้เขากัน ปรุงรสตามใจชอบ
ตักลาบใส่จาน ตักต้มใส่ถ้วย เสริฟพร้อม ผักเม็ก ผักติ้ว ข้าวเหนียว 8) ก่อนลงมือกินลาบนกเป็ด ควรสิเป๊กบักสองซาวจักสองกรึ๊บก่อนเด้อครับ
เอามาให้เบิ่งชัดๆอีกที ว่าเป็นตาแซ๊บขนาดได๋ ::)
Bookmarks