อัศจรรย์ใจแข้หางยาวๆสังบ่ได้ฮองนั่ง
บัดกระตายหางแปๆกระแตหางก้อมๆกะยังได้นั่งฮอง

อัศจรรย์ใจม้อนกินแต่มอนสังมาเยี่ยว
บัดว่าไก่ผู้โจ้นกินน้ำเยี่ยวบ่เป็น

ไหมคำหยุ่งเต็มบุงบ่เห็นเงี่ยน
บัดน้องอำเงี่ยนไว้ผัดเห็นส้นค่าวา

แผ่นดินไข้สิเอาหยังมาตุ้มห่ม
แผ่นดินออกหมากไม้ยาแก้แม่นอี่หยัง

น้องอยู่เฮือนมุงหญ้าฝนตกมาสั่งฮั่ว
อ้ายผู้เลิกหญ้าไว้ฝนผัดข้างอยู่กลอน

อัศจรรย์ใจกุ้งขึ้นหลังภูฝิงแดด
อัศจรรย์นำกระต่ายน้อยแบกพร้าโต้ลงน้ำแซ่หนอง

กรรมสังโอ้โอทองสังมาแตก
บัดกระโป๋หมากพร้าวสังมาหมั่นกว่าโอ