อ่อมฮวก
ฮวก หรือลูกอ๊อด คือลูกกบลูกเขียดตอนยังน้อย คนอีสานนิยมกินเพราะมีรสชาดอร่อย คนอีสานนิยมนำมารับประทาน เฮ็ดกินได้หลายแนว บ่ว่าสิเป็นแกง อ่อม หรือว่าหมก คุณค่าทางอาหารกะหลายบ่ว่าสิเป็นแคลเซี่ยม โปรตีน ฯลฯ มื้อนี้ฅนภูไทสิอ่อมฮวกสู่กินเด้อ ยามนี้ฝนตกน้ำขังนำหนองนำไฮ่นากบกะมาวางไข่ แล้วกะเจริญเติบโตเป็นลูกอ๊อดหรือว่าฮวก เวลาเอามาเฮ็ดกินกะสังเกตแหน่เด้อ อย่าเอาฮวกขี้คันคากมากินโดยเด็ดขาด มันสิเบื่อ เหอๆ มาเบิ่งวิธีเฮ็ดกันเลย
นี่หละครับหน้าตาฮวกหรือว่าลูกอ๊อด พอเฮาไปซ่อนมาได้เฮากะเอามาบีบขี้มันออกให้เบิ้ดก่อน แล้วกะล้างน้ำให้สะอาด
ทีนี้เฮากะเอาหม้อขึ้นตั้งไฟใส่น้ำพออุ๊จุ๊ อย่าใส่น้ำหลายมันสิล่วงน้ำ พอน้ำเดือดใส่ฮวก ใส่บักพริก ตะไคร้ลงไป พอฮวกสุกกะใส่ผักอีตู่ ต้นหอม ผักอีเลิดลงไป ปรุงรสตามใจชอบ
ตักใส่ถ้วยเสริฟพร้อมข้าวเหนียว (t สิได้กลิ่นหอมผักอีเลิด เอาข้าวเหนียวลงจ้ำ (t
นี่หละครับเมนูเด็ดอีกเมนูหนึ่งของคนอีสานบ้านเฮา แต่ว่าอย่ากินมันหลายเด้อจ่งไว้ให้มันใหญ่แหน่ ซั่นเฮากะสิบ่ได้กินฮวกอีกเด้ ::)
Bookmarks