- ยายมาลา -

[ไม่สวยแต่เร้าใจ]

อย่าไปโดนเด้อยายหนู หมกฮวกคิดฮอด อย่าว่าหักดิบเถาะ หลอยมาจอบจักคาวกะได้ดอก อันเรื่องติดเน็ตข้อยกะเป็นคือกันหล่ะ จนได้ซื้อเครื่องเป็นของเจ้าของ แต่ข้อยสิหลอยมาเล่นยามลูกหลับเท่านั้น เพื่อคลายเครียดเนาะเวลาส่วนใหญ่กะมอบให้ลูกให้ผัวเหมิดแล้ว ขอเวลให้เจ้าของมื้อละสองชั่วโมงเท่านั้น อันเรื่องสั้นที่ยายเอามาลงให้อ่านมันคือตรงกับชีวิตจริงข้อยแท้ล่ะยาย บักหยองข้อยเล่นบักเอาเครื่องสำอางค์ข้อยแหล่วมาเล่น สิตีลูกกะบ่ได้ย่อนเจ้าของบ่เบิ่งลูกเอง เอาเป็นว่าคิดฮอดยายหนูคือเก่าจ้า

[pui.lab]

ยายค๊าในเมื่อรักบ้านมหาแล่วสิหนีไปไสหล่ะคะ ม่วนๆนำกั๋น ยายว่างวันไหนก็เข้ามาทักดีเจปุ้ยแน๊เด้อ
ปุ้ยแปลกใจหลายยิ่งรักบ้านมหาก็จะยิ่งหนีออกจากบ้านมหามานสวนทางกับใจอ่ะยาย หญิงงงคะ

[sompoi]

ส่วนของส้มเด้อยาย เอาเป็นว่าเข้าใจในจุดยืนของยาย และยอมรับในการตัดสินใจของยายจ้า สิถ่าแต่มื้อที่ยายสิหวนมา และคึดเถิงลูกหลานของยายสุคนอยู่คือเก่า และขออย่างเดียว อย่าลืม! ที่เคยเว่ากันไว่ว่า พาแลงปีหน่า ยายสิมาพ้อส้ม พร้อมกับไก่น้อยเนาะจ้า (t จุ้บๆๆ..

[พอกะเทิน]

ขอบคุณยายที่เตือนสติครับ เอาเป็นว่าผมสิบ่อให้เสียการงาน อยู่ที่ทำงานผมบ่อได้เล่นดอกครับ งานผมยาก แล้วกะผมบ่อได้นั่งโต๊ะ (นั่งเก้าอี้ตั๊ว) อิอิอิ ย้ายหม่อยหลายบ่อนครับ ตามเครื่องมือที่ใช้ งึดตั๊วเนาะคันได้เล่นเน็ตงานหลายกะด้อ อีกอย่างถ้าผมเข้าเน็ตอยู่ที่ทำงานมักสิหลับ จักเป็นหยังดอก อิอิอิ เป็นข้อดีให้ผมบ่อได้แชทที่ทำงาน