วันคืนเคลื่อนปีเดือนแถมถ่ายหลายขวบมื้อฤดูคล้อยเปลี่ยนไป
ตกมาในระหว่างนี้คือเป็นต่างในจิตสาระวนแนวคิดหากบ่คือคราวกี้
จักดีฮ้ายหลายอันพันอย่างเป็นกระเวิ้งกะว้างศรีเศร้าเก่าหมอง
คือมีแนวมาต้องบ่สมปองแปลกประหลาดอำนาจจิตอ่อนหล้าบ่คือกี่เก่าหลัง
คราวก่อนครั้งจิตกระซื่นยินดีมีแต่แนวสมหวังสู่อันเสมอด้าม
ยามมีใจหมองเศร้าพอบรรเทาได้อยู่ยังมีผู้ซ่อยแก่ใจกะแซ่มซึ่นบาน
จิตสะท้านไหวหวั่นเอกาปราถนาแนวหวังหากบ่สมมะโนแม้ง
แฮงอิตล้ากายาบ่คือเก่าข้าวและน้ำบ่หอมรื่นล่องคอ สาแหล่วพี่น้องเอ้ย
Bookmarks