หมกหน่อไม้
มื้อนี้ฅนภูไทสิเฮ็ดหมกหน่อสู่กินเด้อครับ เมนูหน่อไม้ฅนภูไทมักหลาย มาเบิ่งวิธีเฮ็ดกันเลย อย่าลืมอ่อมหน่อไม้ให้จืดก่อนเด้อ
พอต้มหน่อไม้จืดดีแล้วเฮากะปั้นเอาน้ำออก แล้วเอามาตำ (แล้วแต่คนมักบ่ตำกะได้)
เอาหน่อไม้ใส่หม้อ ใส่ น้ำยานาง ผักอีตู่ ผักสะแงะ หมูสามชั้น ข้าวเบือ ลงไป ปรุงรสด้วยน้ำปลาแดก คลุกเคล้าให้เข้ากัน
ตักใส่ใบตอง ทำการห่อมักห่อน้อยห่อใหญ่ กะแล้วแต่มัก งามหรือบ่งามกะแล้วแต่ฝีมือเด้อครับ
ส่วนฅนภูไทงามสุดกะส่ำนี้หละ จัดการเอาใส่ซึ่งไปนึ่งให้สุก
พอสุกแล้วแกะใส่จานเสริฟพร้อมข้าวเหนียว 8)(t
หมกหน่อไม้อีกสูตรหนึ่ง ใส่กะทินำกะแซบไปอีกแบบเด้อ ลองเฮ็ดกินเบิ่งครับ 8) :g
Bookmarks