เนื้อย่างน้ำตก แบบอินเตอร์

[ติ๋ม เปอร์โย]

อันดับแรกกะหาเนื้องัวก่อนหละพี่น้อง...บ่ได้กินมา2เดือนแล้วจ้าเนื้องัว...
แต่มื้อนี่นัดคนมาคุยธุระกะเลยย่างเนื้อสะเต็กเลี้ยงเขาจ้า..
แต่อย่างที่บอกติ๋มกินอาหารฝรั่งบ่ติด...เนื้อย่างสะเต็กชิ้นของเจ้าของกะเลยกลายพันธุ์





เป็นน้ำตกจานนี่หละจ้า
เครื่องปรุงเนื้องัวตามแต่กำลังสิหาได้จ้าหั่นเป็นชิ้นหนาๆจักหน่อย หมักน้ำปลาดีนำนิดเดียวจ้า พอหอม
นำไปย่างไฟแรงๆก่อนทั้งสองด้าน...แล้วกะย่างต่อบ่ต้องให้สุกเบิดเด้อจ้า...
เอาพอข้างในออกสีชมพูกะพอเนาะ...จัดการหั่นเป็นชิ้นเล็กๆตามมักจ้า..ใส่ชามไว้โลด
แล้วต่อไปกะซอยหอมต่างๆไว้เลยจ้ามี หอมแดง ผักชีฝรั่ง ต้นหอม ผักชี ใบสะระแหน่
ปรุงรสด้วยน้ำหมากนาว น้ำปลา ใส่หอมแดง พริกป่น ข้าวคั่ว...หอมที่หั่นไว้ทุกอย่าง
คนเร็วๆ...เทลงใส่จาน...คั่นบ่แน่ใจกะชิมเบิ่งก่อนกะได้จ้า...



ยกเสริ์ฟกับผักสด ผักลวก...ติ๋มกินกับข้าวหุงฮ่อนๆจ้า
มาเด้อพี่ๆ น้องๆสู่คนกินข้าวนำกันจ้า แบบนี่หละอยู่ต่างบ้านต่างเมืองอาจสิบ่ครบสูตรปานใด๋เนาะ
แต่กะพอกินได้..ย่อนว่าหิว

มาเด้ออ้ายหล่อ..มาล้างถ้วยซ่อยแหน่..อย่าฟ้าวกินเด้อเจ้า โทษฐานบ่เห็นหลายมื้อ...