หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

ทองคำผญาย่อย

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    ทองคำผญาย่อย

    หนีไปโดนบ่เห็นหน้า คอยแต่ฟังความจา ผญาต้านของน้องพี่
    แสนอุกใจเอานี่ เจ้าผู้มีความฮู้ เพิ่นจาต้านจ่ายกลอน
    อ่านแต่คำออดอ้อน เบิ่งเพิ่นป่อนเข้าหากัน
    ฟังแต่คำลำพัน ผู้บ่าวจากับสาวน้อย
    ฟังคำหวานจ้อยๆ เพิ่นต้อยส่งเป็นคำจา
    แม่นบ่เข้ามาหา แต่หากนำทุกคำเว่า
    อดบ่ได้เลยเข้า มาจานำหมวดหมู่ท่าน
    ฝากบทกลอนผลงาน เป็นผญาบอกเล่า จาต้านต่อกัน แหน่เด้อ

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ไปไสมานอท่านจารย์ทองคำคนเก่า
    สังบ่มากล่าวเว้าผญาเค้าคือเก่าหลัง
    หรือมีหยังการหยุ่งลุงอาถามหาข่าว
    พวกผู้สาวแตกวื้นวื้นเขาอยากทื้นจ่ายกลอน
    เขาสะออนผญาสร้อยบทสำออยอ้อยอิ่น
    พากันจ้อนต่งสิ่นสินำก้นแล่นตาม
    เขาหละถามหาเจ้าว่าไปเซาอยู่ไสหน่อ
    ข้อยเลยตอบว่าบ่พ้อดนแล้วหล่ะอีนาง
    ย้านแม่นเลาบ่ว่างคาลูกอ่อนคนที่สาม
    หรือแม่นหลงเมียงามผู้ปลายกะเป็นได้
    เขาสงสัยหลายแท้เจ้าลองแปลแก้เบิ่ง
    หมู่ข้อยถ้าดนเหิงเจ้ามาแล้วมื้อนี้ลองไขซี้เบิ่งดู๊

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    สุขสำบายดีลําจารย์ทองคำคนส่า
    หายไปดนบ่เห็นหน่าบ่อเห็นมายามพี่น้อง
    หือขัดข้องแนวได๋ ..เซายากไป่น้องานการ
    อย่าสุหายไปนาน..คนเหมิดบ้านเขาถามหา..นั้นแหลว


    อนุญาติ..อาจหาญมาจาต่อเว่านำอาจารย์ผญาอิกคนเด้อจ้า..รับเอาเป็นศิษย์อิกจักคนนำแน่ะ(เนาะ อ้ายศรี)..ยังเว่าผญาบ่เก่ง พอได่แน่ะแต่กลอน กะอดสลาอ่านเอาเด้อค่ะ..

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    พี่น้องเอ้ย
    บ่าวทองคำคนผู้ฮ้าย มาจาจ่ายผญาสาร
    หายไปนานพอสมควร แต่หากยังคนิงพ้อ
    ผมนี่เนาว์แห่งห้อง สารคามบ้านผมอยู่ พี่แล้ว
    ยังบ่มีฮอดชู้ เมืยซ้อนจักอยู่ใส
    อาวทิศศรีลาวว่าให้ ว่าไปเลี้ยงแต่บุตตา
    มันบ่คาแนวสัง เป็นจริงคือเว่า
    จดเอาไว้เด้อเจ้า อีเมลกระผมว่า
    Sompong_ti@hotmail ดอกเจ้า คันอยากเว่าให้แอดมา
    คันแม่นอยู่ใกล้หน้า อยากมาหากะบ่ว่า
    มอสารคามนี่ล่ะน้า มาโลดหากสิเห็น
    ยังเป็นบ่าวส่ำน้อย บ่ทันแก่กายแกง
    เถิงยามแลงยังนอนทุกข์ อุกใจบ่เซาได้
    คันสาวใด๋หลูโตนอ้าย ให้มาจาเบิ่งจักหน่อย
    ย้านแต่ส่ำน้ำอ้อย หวานแม้งกว่าน้ำตาล พี่เอ้ย

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    บ่าวทองคำมาจาต้านอ้างเอ้ยเผยใจ
    ว่าบ่ทันมีไผส่วนว่าใจกะยังว่าง
    ทองคำเอ้ย จั้งแม่นหลายเหลือล้น
    สาวงามมนุษย์โลกไปทางใด๋กะพ้อ
    หลายล้นหมู่ผู้สาว
    มีเงินหลายเขาแห่งห่าวเอิ่นใส่อยู่แซวๆ
    แล่นนำหลังเป็นแถวให้เลือกเอาโลดเด้อเจ้า

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    พี่น้องเอ้ย
    บ่าวทองคำคนผู้ฮ้าย มาจาจ่ายผญาสาร
    หายไปนานพอสมควร แต่หากยังคนิงพ้อ
    ผมนี่เนาว์แห่งห้อง สารคามบ้านผมอยู่ พี่แล้ว
    ยังบ่มีฮอดชู้ เมืยซ้อนจักอยู่ใส
    อาวทิศศรีลาวว่าให้ ว่าไปเลี้ยงแต่บุตตา
    มันบ่คาแนวสัง เป็นจริงคือเว่า
    จดเอาไว้เด้อเจ้า อีเมลกระผมว่า
    Sompong_ti@hotmail ดอกเจ้า คันอยากเว่าให้แอดมา
    คันแม่นอยู่ใกล้หน้า อยากมาหากะบ่ว่า
    มอสารคามนี่ล่ะน้า มาโลดหากสิเห็น
    ยังเป็นบ่าวส่ำน้อย บ่ทันแก่กายแกง
    เถิงยามแลงยังนอนทุกข์ อุกใจบ่เซาได้
    คันสาวใด๋หลูโตนอ้าย ให้มาจาเบิ่งจักหน่อย
    ย้านแต่ส่ำน้ำอ้อย หวานแม้งกว่าน้ำตาล พี่เอ้ย

    ....ฮ่วย ฟังความเว้า บ่ทันแก่กายแกง
    มาแสลงในหูยามอ่านดูมันใจแป้ว
    คือจั่งแซวคนเถ่าผมดอกเถ่าแท้นอห่า
    เทิงอยากหัวฮ่าๆคนผีบ้าสังว่าไป
    เพิ่นคนไคหนุ่มแหน่นคงมีแฟนอยู่เป็นโหง่น
    ตาเหลือตนแต่ข้อยบ่คองต้อยเพิ่นผู้ได๋
    หากินไปตามมื้อคือเฮือเฟือแต่ฝั่ง
    บ่มีหวังคือจั่งเจ้าแนวคนเถ่าเพิ่นบ่แล นั้นแหลว อิ อิ อิ

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    บ่ได่ติเด้ออ้าย บ่ได่ฮ่ายเด้ออุ่น
    สำเป็นบุญน้องซําได่เว่านำคุณอ้าย
    บ่ได่หมายซมซ้อนเอามาคอนหาบบ่า
    ย่อนคนฮักอ้ายหนา คนสิจาเกี้ยวเว่า นำอ้ายเจ้ากะแม่นหลาย
    อดไว่อยู่เด้อใจ..ย่านมักอ้ายซายเฒ่า
    ฟังคารมอ้ายเว่า..ทุกแลงเซ่าได่คึดนำ..พุ่นแหลว

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    น้องสาวเอ้ย
    เห็นว่าเฒ่ากะเฒ่าเวียกเฒ่างาน
    บ่แม่นเฒ่าขี้ค้านคานอยู่แจฝา
    เฒ่ากะเฒ่าปัญญามีความสามารถ
    เฒ่ากะเฒ่าฉลาดเฮียนฮู้สุอย่าง
    บ่แม่นเฒ่าฮ้างๆกวนลูกกวนหลาน
    บ่แม่นเฒ่ารำคราญเอาดีแต่จ่ม
    นี่แม่นเฒ่านิยมสมเป็นผู่ใหญ่
    ไผอยากอยู่เฮือนใหญ่มีรถคันงาม
    ให้เจ้าพยายามมามักบ่าวเฒ่าสาเด้อน้อง


    อิอิ ผญาเมา

  9. #9
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    บัดมาเว่ากันเรื่องเฒ่าเด้บาดเนี่ย
    บ่ได้ตั้งใจเด้ออ้าย
    เพิ่นว่าเฒ่ากะหากเฒ่าแต่แข่ว บักแอวกะยังหนุ่ม
    เฒ่ากะเฒ่าตั้งแต่เสื้อและผ้า กายาหนังเนื้อ
    ส่วนว่าใจบักอ้าย หมุ่มป้ออยู่เลิง
    เลี้ยงช้างเฒ่า ขายงาได้กินค่า นั้นเด้
    เลี้ยงช้างน้อย ตายจ้อยค่าบ่ยัง
    อย่าเหลือใจเจ้าของเฒ่า คนสิเอาเขายังคอง ดอกตี้
    คนสิจองเขายังแนมอยู่เรื่อย แต่เพิ่นนั้นหากเล่นโต
    ซาหยังเด็กหนุ่มน้อย คือกระผมคารมหน่อย
    ซ่างสิเทียมดั่งอ้าย ผู้ความฮู้เจ้าหากหลาย
    เว่าสาวใด๋จนหลงหล่ม ติดคารมกว่าคนหนุ่ม พุ้นตั้ว
    อย่าอิจฉาผมเถาะอ้าย หาสาวเว่ายังบ่มี อ้ายเอ้ย

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    บ่าวทองคำคนโก้เอ้ย
    ข้อยหากพาโลเล่นแจมผญาให้มันม่วน
    พอได้ซวนหมู่พี่น้องมาลองเว้าให้ม่านใจ
    พอได้หยับเข้าใกล้เอาบ่าไร่ซูนคีง
    บ่คนิงคิงเคียงหมู่สหายดอกเด้อท่าน
    อย่ารำคราญโตข้อยผู้คอยเติมผญาย่อย
    ข้อยหากเป็นบ่าวน้อยบ่ทันเฒ่าคือดังจา ดอกเด้อ
    ยังบ่ทันเก่งกล้าคำผญายังเขินขาด
    อนุญาติเว้าเล่นนำเจ้าผู้ป่องใสแน่ถ่อน ท่านเอ้ย