หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หลูโตนเจ้าของเด้

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    หลูโตนเจ้าของเด้

    อุกระทมขมแค้นแสนโศกาน้ำตาหลั่ง
    ความหวังพังมอดม้วยน้ำตาย่อยหลั่งไหล
    เจ็บทางกายพอทนได้เจ็บหัวใจกลั่นบ่อยู่
    ความอดสูคับแค้นมาโฮมแหน่นอยู่ว่างใจ
    ลืมบ่ลงปลงบ่ได้ใจฮ่วนคนิงหา
    คิดขึ้นมายามใด๋คือจั่งไฟเผาเหนื้อ
    เหลือใจหลายเด้หล้าเวลากลายเจ้าแปลเปลี่ยน
    เคยมาเวียนแวะเว้าเจ้าลืมสิ้นบ่อ่าวหา
    ซ่างเฮ็ดลงแท้น้อหล้าคำว่จาเคยเว้าต่อ
    บ่หวลเห็นคิดพ้อความเว้าแต่เก่าหลัง
    คือจั่งไปหวั่งหวั่งบ่หันหลังเหลียวส่อง
    บ่สมอ้ายฮักน้องคองถ้าว่าสิเห็น นางเอ้ย

  2. #2
    ข่อยมีวิธีอ้ายโป้ยเอ้ย บ่เกิน 3 มื้อ รับรองว่านางนั้นสิกลับมาหาท่านแนนอน
    1. ให้เจ้าหาเงินได้ 10 ล้าน ภายในมื้ออื่น
    2. ให้เจ้าเอาเงิน3 ล้าน ไปซื้อรถเก๋งคันใหญ่ๆ
    3. เหลือจากนั้นกะซื้อ ทอง เพชร ไว้ แล้วบอกว่าสิให้กับผู้สิแต่งงานนำ
    ท่อนี่หล่ะ ...ตะว่า ไปหาทางได๋บอกกระผมนำแหน่เด้อ ค่าได้คนเคิ่ง

  3. #3
    อ้ายจารย์...ติ๋มสังเกตเบิ่งเจ้าแล้วจ่ม จ่มมาหลายมื้อแล้ว...เจ้าเป็นหยังพี่ ผิดหวังซ้ำเฒ่าซั่นตี้อ้าย
    มาซ่างบ่ฮู้จักความแท้พี่ น้องจุ้มนี่แหม๋::) (รวมผู้เว้าอยู่หนี่หละนำ...อิอิ)
    คั่นหลูโตนเจ้าของกะฮักเจ้าของให้หลายกว่าฮักคนอื่นโลดจ้าอ้าย...ยามเจ้าทุกข์ใจมาบ่มีไผปลอบเจ้าได้ดีทอโตเจ้าเอง..ฮักเจ้าของหลายๆเด้ออ้ายจารย์เด้อ เป็นกำลังใจให้จ้าอ้าย8)

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    กระทู้ต้นฉบับโดยคุณ หนุ่มเมืองกาญจน์
    ข่อยมีวิธีอ้ายโป้ยเอ้ย บ่เกิน 3 มื้อ รับรองว่านางนั้นสิกลับมาหาท่านแนนอน
    1. ให้เจ้าหาเงินได้ 10 ล้าน ภายในมื้ออื่น
    2. ให้เจ้าเอาเงิน3 ล้าน ไปซื้อรถเก๋งคันใหญ่ๆ
    3. เหลือจากนั้นกะซื้อ ทอง เพชร ไว้ แล้วบอกว่าสิให้กับผู้สิแต่งงานนำ
    ท่อนี่หล่ะ ...ตะว่า ไปหาทางได๋บอกกระผมนำแหน่เด้อ ค่าได้คนเคิ่ง

    วิธีรวยทางลัดวะติท่าน อิอิ
    คันคือว่านี้มันกะสิบ่ได้ไปหาเอาแป้งไปขูดต้นโพธิ์ในวัดซะบ้อสั้น
    มื่อแลงนี่แมะเอาแค้นๆจักหกโตเนาะท่าน

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ติ๋มเอ้ยฟังเด้อหล้า เว้าเรื่องความฮักความผิดหวัง
    มันบ่ได้เลือกเฒ่าเลือกหนุ่มตั้วนาง
    แต่ว่าอ้ายบ่ทันเฒ่าเด้ ยังเป็นผู้บ่าวอยู่
    ปอดอ้อยซ้อยเสมออ้อยกลางกอ
    กาบกะบ่ห่อหน่อน้อยกะบ่ซอน
    ซู้สิซ้อนเมียอ้ายหากบ่มี นางเอ้ย

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    บ๋า..ไผ๋ไปเสื่อคารมคนเจ้าบทเจ้ากลอน ขี่อ้อนกะผ่องนั่น..เอื้อยว่า เล้าบ่เป็นหยังดอกติ๋ม..เล้ามักสร้างสีสันแต่ได๋อ้ายยุทธนั่น ..กะฟังเบิ่งแต่ฟิวส์เล้าแน่ะ..สาวได๋สิได่อาจมาหักอกเล้า..เนาะอ้าย..เนาะ..คริๆๆ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เป็นอิหยังนอท่านมหาการโป้ยก่าย
    มาคือเว้าบ่อนฮ้ายขยายข้อต่อความ เบิ่งดู
    อย่ากำกวมเก็บกดไว้ภายในให้ไขบอก
    เฮาสิซอกซ่อยแก้แปลปี้นปลอบประโลม
    สิขอโซมซูซ้วนใจพะอวนให้ม้มฝั่ง
    อย่าไปนั่งโศรกเศร้าคนสิเว้าใส่ใย
    ทำหัวใจให้แข็งกล้าทนอดสาให้ม้มฝั่ง
    อย่าไปนั่งโศรกเศร้าเด้อเจ้าหมู่สหาย


    ปล. โซม = พยุง / ซ้วน = ช้อน,รองรับ (กริยา)

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ศรีสะท้านทรวงเอ้ย
    ไปหาเลาะกินเหล้านำกันให้มันม้วน...เถาะหมอ
    เขาบ่งึดบ่ง้อไปหาเหล้าเพิ่งใจ
    ไปหากินคุ้มไต้เซ็นไว้ก่อนจักสามกลม
    เอาให้สมหัวใจจั้งสิลืมความแค้น
    แสนสิทรมานฮ้ายมันพอตายเขาหนีจาก
    หากบ่สมจั้งเว้าเขาลืมจ้อยบ่จ่มหาท่านเอ้ย
    เทิงพ้องหัวเยาะเย้ยแถมตื่มให้หนำใจ
    จักว่าเป็นสันใด๋ให้ค่อยฟังเอาเด้อท่าน
    มหาการเมาเหล้าเสียคนให้เขาซ่า
    ว่ามหาซ่ำบ้าเสียเส้นย้อนมักสาว ท่านเอ้ย

  9. #9
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    อิอิ....อาจารย์พี่เลี้ยงโป้ยจ๋า....จ่มอี้หยังกะด้อกะเดี้ย...ต่ายขี้ค้านปลอบแล้วเด้อ...::)
    หลูโตนเจ้าของพะนะ....ไปโดนผู้สาวใด๋ยิ้มใส่อีกน้อบาดนิ....พี่ชายอย่าสิใจง่ายหลายแหม๋....::)
    เอื้อยจารย์ส้มจ๋า...มาซอยกันแนเถาะ.....คือว่าสิพาต่ายแทคทีมปลอบเพิ้นติเอื้อย....::)

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    จั่งว่านี้หล่ะน้องไก่ โอ๊ะ น้องต่ายมาซ่างเสียเส้นยามเถ่าแท้ มหาการกะดาย โอ๊ยหน่ายย..อิ อิ อิ


    มหาเอ้ย เพิ่นว่าความฮักมาแล่นกุ้มคือกะสุ่มงุมตอ
    ความฮักมาพอๆดั่งกะทองุมไว้
    มันเป็นไลขัดข่อนเป็นกลอนขวางทางออก ซั้นแหลว
    บ่อาจบอกให้ได้ไขบ่แจ้งกระจ่างทรวง
    แนวคำลวงหลบลี้อันสตรีอย่าไปเซื่อ
    คือหมากเดื่อมีแมงหวี่เข้าซ้นเนาหม่นอยู่ใน ซั้นแหลว