หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

ซิ้นหลอด สูตรโบราณ

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น ซิ้นหลอด สูตรโบราณ


    ซิ้นหลอด สูตรโบราณ

    ซิ้นหลอดเป็นวิธีการถนอมอาหารอีกอย่างหนึ่งซึ่งเป็นภูมิปัญญาของชาวอีสานบ้านเฮา สามารถสิเก็บไว้กินได้โดนๆ การเฮ็ดซิ้นหลอดกะมีหลายสูตรแตกต่างกันไปตามแต่หละท้องถิ่น มื้อนี้ฅนภูไทขอเสนอการเฮ็ดซิ้นหลอดสูตรโบราณซึ้งเป็นสูตรทางบ้านฅนภูไทเอง สืบทอดกันมาตั้งแต่โบราณ มาเบิ่งวิธีเฮ็ดกันเลยครับ

    ซิ้นหลอด สูตรโบราณ

    เมื่อได้เนื้อมาเฮากะเอามาแหล่ให้เป็นเส้นๆ สิใช้เนื้องัว หรือเนื้อหมูกะได้แล้วแต่มัก ใส่กระเทียม เกลือ ข้าวเหนียว ลงไป คลุกเคล้าให้เข้ากัน หมักทิ้มไว้จัก 1-2 ชั่วโมง

    ซิ้นหลอด สูตรโบราณ

    พอหมักได้ที่ดีแล้วเฮากะใส่กระด้งแล้วเอาไปตากแดด สิใช้ตอกฮ้อยแล้วเอาไปแขวนใส่ราวตากแดดกะได้ ตามแต่สะดวก

    ซิ้นหลอด สูตรโบราณ

    ตากให้แห้งจนได้ที่ แล้วเก็บไว้เฮ็ดกินยามต้องการ สิทอด ย่าง หรือป่นกะแล้วแต่มัก 8)

    ซิ้นหลอด สูตรโบราณ

    ส่วนฅนภูไทสะดวกทอดเพราะคร้านติดเตาถ่าน กะแซบคือกัน 8)

    ซิ้นหลอด สูตรโบราณ

    ทอดกินกับตำบักหุง กะแซบไปอีกแบบ 8)(t


    ส่วนป่นซิ้นหลอดฅนภูไทสินำเสนอในโอกาสต่อไป


  2. #2
    ร่วมถ่ายทอดความรู้สู่สังคม สัญลักษณ์ของ ขุนสุราพ่าย
    วันที่สมัคร
    Nov 2007
    กระทู้
    197

    พบปะพูดคุย เป็นตาแซ่บแท้หล่ะ...

    ถ้าน้องหล่าไปยาม เฮ็ดเป็นกับแกล้มสู่กินแหน่เด้ออ้าย กินกับข้าวเหนียวฮ้อนๆ เนาะเป็นตาแซ่บฮ้าย ::)

  3. #3
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    โหยยย ไปหาซื้อเนื้อก่อนเด้อ...เป็นกับแกล้มอย่างดี...

  4. #4
    ร่วมถ่ายทอดความรู้สู่สังคม สัญลักษณ์ของ โด้ไดอารี่
    วันที่สมัคร
    Feb 2008
    ที่อยู่
    Manchester, Uk
    กระทู้
    739
    ทางนี้กะจอบแต่สิเมาเน๊าะ ซื้อมาหลายๆแนะละ สิขอจักต่อนสองต่อน

  5. #5
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    มาเป็นตาแซ่บแท้น้ออ้าย....จักสองชิ้นแน่ อิอิ

  6. #6
    ดวงจำปา
    Guest
    ถ้าจะเปรียบเทียบปัจจุบันนี่กะคงสิแมนเนื้อแดดเดียวตากแห้งบ่อนอจ้า น่าแซบเนาะ 8)

  7. #7
    55++แนะนำไปทั่วหลายเถาะพ่อครัว ป่นซี้นหลอด บ่เคยได้ยินจักเทือ ทอด ปิ้ง กี่ ซั่นคือ..
    มักกินคือกันหละจ้า...แต่สูตรที่ติ๋มเฮ็ดสิออกทางดัดแปลงจักหน่อยจ้า ใส่งาลงไปหมักนำ บางเทือกะตำฮากผักชีใส่พ้อม::)
    ที่จริงสูตรที่เฒ่าแม่สอนมากะมีเครื่องปรุงทออ้ายเฮ็ดหั่นหละ...แต่ติ๋มสิมาเฮ็ดออกทางหลื่นๆความผู้เฒ่าจักหน่อยนะจ้า...อิอิ

  8. #8
    หนุ่มเมืองสาเกตนคร
    Guest
    ตำบักหุ่งกับทอดซี้นมันกะสุดยอดแล้วอ้าย

  9. #9
    sincewin
    Guest
    อ้ายๆๆ มาสางเอามาลงยั่วน้ำลายกันแท่ ขอเติมนิดหนึ่งคับสำหรับท่านที่เอาชิ้นหมามาเฮ็ดให้แอบตากเด้อคับ อย่าเอามาตากแบบเปิดเผย มันสิบ่ได้กิน ( มีประสบการณ์มาแล้ว ) สิตายย้อนว่าเอามาอวดกันนี่ล่ะ

  10. #10
    devas
    Guest
    แม่นอิหลีครับ ตำป่นกาแซบใส่น้ำปลาร้า หอมซิ้นงัว กั้วกับกลิ่นปลาแดก จ้ำกับผักนางฮางญ้าบ้านเฮาแซบแบบปาหยัด อิอิ


Tags for this Thread