ซิ้นหลอด สูตรโบราณ

[ฅนภูไท]

ซิ้นหลอด สูตรโบราณ

ซิ้นหลอดเป็นวิธีการถนอมอาหารอีกอย่างหนึ่งซึ่งเป็นภูมิปัญญาของชาวอีสานบ้านเฮา สามารถสิเก็บไว้กินได้โดนๆ การเฮ็ดซิ้นหลอดกะมีหลายสูตรแตกต่างกันไปตามแต่หละท้องถิ่น มื้อนี้ฅนภูไทขอเสนอการเฮ็ดซิ้นหลอดสูตรโบราณซึ้งเป็นสูตรทางบ้านฅนภูไทเอง สืบทอดกันมาตั้งแต่โบราณ มาเบิ่งวิธีเฮ็ดกันเลยครับ



เมื่อได้เนื้อมาเฮากะเอามาแหล่ให้เป็นเส้นๆ สิใช้เนื้องัว หรือเนื้อหมูกะได้แล้วแต่มัก ใส่กระเทียม เกลือ ข้าวเหนียว ลงไป คลุกเคล้าให้เข้ากัน หมักทิ้มไว้จัก 1-2 ชั่วโมง



พอหมักได้ที่ดีแล้วเฮากะใส่กระด้งแล้วเอาไปตากแดด สิใช้ตอกฮ้อยแล้วเอาไปแขวนใส่ราวตากแดดกะได้ ตามแต่สะดวก



ตากให้แห้งจนได้ที่ แล้วเก็บไว้เฮ็ดกินยามต้องการ สิทอด ย่าง หรือป่นกะแล้วแต่มัก 8)



ส่วนฅนภูไทสะดวกทอดเพราะคร้านติดเตาถ่าน กะแซบคือกัน 8)



ทอดกินกับตำบักหุง กะแซบไปอีกแบบ 8)(t

ส่วนป่นซิ้นหลอดฅนภูไทสินำเสนอในโอกาสต่อไป