กำลังแสดงผล 1 ถึง 10 จากทั้งหมด 10

หัวข้อ: ชีวิตฮ้างฮ้าง

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    โกรธแล้วน่ะ ชีวิตฮ้างฮ้าง

    เกิดมาพอซ้ำนี้บ่มีดีนำบ้านเพิ่นเกินว่าทุกข์ยากฮ้ายแลงเซ้าขาดเขิน
    เงินบ่มีในแบ้งค์ใบแดงกะเขินขาดวาสนาขี้ฮ้ายอายบ้านหมู่เพิ่นหยัน
    เพิ่นอยู่เฮือนสามซั้นโตหมอบอยู่คือกบบ่มีไผพานพบเฮือนซ้ำเถียงนาน้อย
    คอยแต่วันสิเพม้างฝนตกมาพอส้นอยู่หลังคามุงหญ้าเหี้ยนฝาแอ้มกะแม่นตอง
    อาศัยเพิ่งพี่น้องเขาบ่หล้ำแลเห็นจักแม่นเวรหรือกรรมเพิ่งไผบ่มีได้
    ไทเฮือนไกลเฮือนใกล้บ่มีไผเอิ้นถามข่าวจักว่าหนาวและฮ้อนเป็นหน้าหน่ายสะอาง
    ชีวิตพอฮ้างฮ้างไปตามหว่างชินชะตาวาสนาของโตหากซ่ำพอเพียงนี้
    ข้าวบ่มีสิกลอกหม้อไปขอกินนำหลวงพ่อพอแต่ยืนอยู่ได้แสนซั้นเวทนา พี่น้องเอ้ย


    อิอิ จากนิทานเรื่องท้าวกำพร้า
    จงเอาชนะในความยาก มิฉะนั้นความยากจะชนะท่าน

  2. #2
    ร่วมถ่ายทอดความรู้สู่สังคม สัญลักษณ์ของ ฟากฟ้า
    วันที่สมัคร
    Apr 2007
    กระทู้
    516
    อ่านแล่วกะม่วนดีอยู่ แต่เสียดายเว่าผญาบ่เป็นจ้า
    บ่ซั่นต่อแล่ว อิอิ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    โอ้หน๋ออ้ายเอ้ย..
    บัดถ่าเรือรถฮ้างคือจั่งส่างแปลงซ่อม..แท้หน๋อ
    ชีวิตเฮากะสะท้อนทุกบทตอนคือจั่งสอน
    บ่ได่หนีม้มย่อน ..เบิ่งเอาถ่อนพี่น้องเอ้ย..
    มองต่าง..อย่างปลง

  4. #4
    Super Moderator สัญลักษณ์ของ หมูน้อย
    วันที่สมัคร
    Jul 2007
    ที่อยู่
    เหนือสุดในสยาม
    กระทู้
    1,977
    บล็อก
    17
    เกิดมาทุกข์คักแท้ รถเบ้นส์แตร์กะบ่มี
    ขี่กันมาตั้งแต่น้อย ค่อยฮ้องเอิ้นบอกทางเอา
    ข้าวกะแพงแท้ๆ ขับรถแห่กินก๋วยเตี๋ยว
    เทียวกันไปรังสิต รถติดกะบ่ย่าน
    วนหาร้านขึ้นใหม่ ใจเบื่อหล้ายว่าเจ้าเก่า
    ออกเดินทางตั้งแต่เซ้า แล่นปานเต่าน๊อรถข่อย
    เข้าไปซอยข้างฟิวเจอร์ ว่าสิเจอก๋วยเตี๋ยวเรือ
    หาจนเบื่อ ฮอดบ่พ้อเลยได้ขอข้าววัดกิน...พี่น้องเอ้ยยยยยย
    "รัก" และ "กำลังใจ" ฉันมีไว้เพื่อแบ่งปัน

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    เจนนางเอ้ย
    จ่มว่ารถเบ้นส์ฮ้างแล่นนำทางบ่สะดวกสั้นบ้อนางอาศัยพวกอยู่ข้างคอยเอิ้นส่งทาง
    ถึงแม่นมันสิฮ้างกะพาแล่นบ่มีหยุดไปจนสุดหนทางที่หมายอยู่เด้อน้อง
    ข้าวของแพงกะปานนั้นเหมิดสุอันบ่มีหย่อนบ้านเมืองเกิดเดือดฮ้านของใช้ค่าสูง
    นับแต่มื้อสิยุ่งสินค้าค่าราคาแพงแม่นสิมีใบแดงจ่ายไปบ่พอมื้อ
    ข้าวสารถงเคยได้ซื้อผัดแปลเปลี่ยนเป็นกิโลผักหมากโมหมากแตงถั่งากะปานนั้น
    สารพันของใช้เป็นปัจจัยอาศัยเพิ่งมันหากแพงพรวดพุ้งบ่มีมื้อว่าสิถอย
    ของเล็กๆน้อยๆราคาลื่นเหลือหลายของเคยขายมีกำไรผัดลดลงเหลือน้อย
    ได้แต่คอยคอยแล้งรัฐบาลประกาศส่งให้ปวงชนชาติเชื้อประหยัดใช้อย่าจ่ายเกิน
    จงเอาชนะในความยาก มิฉะนั้นความยากจะชนะท่าน

  6. #6
    ดูแลตรวจสอบเนื้อหา สัญลักษณ์ของ หนุ่มเมืองกาญจน์
    วันที่สมัคร
    Dec 2007
    กระทู้
    565
    โป้ยเอ๋ย...เจ้าผู้สูงโถกโท่ยโ..ใหญ่ปานสาก
    เจ้าผู้ดากโต้นโต้นปานบัดโต่นคาเครือ
    น่าหลูโตนเป็นตาเหลือคือจั่งเบือหมาน้อย
    อ้ายเอ้ย..อันเขาว่า.....
    "เมื่อมั่งมีหมู่มิตรมุ่งหมายมอง
    เมื่อหม่นหมองมิตรมองเหมือนหมูหมา
    มั่งมีหมดหมู่มิตรไม่มองมา
    แม้มอดม้วยแม้หมูหมาไม่มามอง"
    ว่าซั่นเนาะ
    จั่งได๋กะให้ถืกเลขเร็วๆเด้ออ้ายเด้อ
    อันถืกแล้วมาให้กู้จั๊กพันแหน่เด้อสิต้มไก่สู่กินดอก::)

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    โอ้ยเนาะ ชัง คนย่องเด้ข้อยแฮ่งเป็นคนมักย่อง

    แนวหมู่กินพอหาได้อันหมู่ตายมันหายาก
    รำบากหลายแท้ ๆ ภายพื้นปัฐพี ท่านเอ้ย
    คันบ่มีเงินใช้ไปทางใด๋กะอึดหมู่
    กระเป๋าเงินจ่อยแห่งบ่มีแท้หมู่สหาย
    บ่อยากเว้าพื้นฮ้ายมวลมนุษย์โลกา
    บ่ว่าหญิงหรือซายกะดั่งเดียวกันแท้ อาวเอ้ย
    จงเอาชนะในความยาก มิฉะนั้นความยากจะชนะท่าน

  8. #8
    Super Moderator สัญลักษณ์ของ หมูน้อย
    วันที่สมัคร
    Jul 2007
    ที่อยู่
    เหนือสุดในสยาม
    กระทู้
    1,977
    บล็อก
    17
    อ้าย.....เอ้ย
    ....อันหมู่กินนั้นพอหาได้ครั้นต้มไก่สู่เพิ่นกิน
    เห็นหน้ากันฟ้าวซวนรินหล้าขาวแพ่งใส่ปาก
    กินอิ่มแล้วพากันฮากซ่วงแล้วกะแม่นลื้ม
    ....แต่หมู่ตายนั้นหายากฮ้องจนว่าปากสีกเถิงหู
    บ่มีไผ๋มาเหลียวดูปานควายตู้ยืนตากแดดเซาฮาบๆ ฮมบ่มี
    ยามทุกข์ยากหมู่หลบลี้หนีหน้าปานว่าซัง
    อุกอั่งใจหลายแท้ๆปานถืกแหย่ใส่ป่าไผ่
    เป็นจั่งได๋น๊อหมู่พวกคือบ่งวกเหลียวเบิ่งกัน....
    "รัก" และ "กำลังใจ" ฉันมีไว้เพื่อแบ่งปัน

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    ผญาจ่มตั้วนี อิอิ

    กะซ่างมันเถาะหล้าอยู่คนเดียวกะตามซ่างใช้ชีวิตฮ้างๆหากสุขล้นอยู่สบาย
    เอาแต่พออยู่ได้กินอยู่กะพอใจบ่มีไผพานพบกะบ่ตายดอกเด้อน้อง
    มีเงินทองพันล้านหลงลืมโตหากมีมากมัวเมาหาจ่ายซื้อแหงนหน้าอยู่ดาว
    บัดยามเจ็บป่วยไข้ภัยโรคาบังเบียดฮอดยามมรมาดเมี้ยนเงินนั้นซ่อยบ่ไหว
    มนุษย์ในโลกไต้ไผเด้อน้อสิทนอยู่บาดเถิงคราวมาฮอดแล้วกะตายแท้ดั่งกัน แท้แหล่ว
    จงเอาชนะในความยาก มิฉะนั้นความยากจะชนะท่าน

  10. #10
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    พบปะพูดคุย

    สาวได๋น้อ สิมาซ่อยซ่อมซ่อยแซม...โธ่ ซีวิตฮ่างๆ
    ...ปักไว้หน่าแข้งเบิ่งดู้...
    [radio]http://www.hotlinkfiles.com/files/1319331_vzsue/____________________________1_020748.mp3[/radio]

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •