ขอถามพี่น้องแหน่เด้อบาดหนี่...ใบแมงลักเก็บแบบใด๋ให ้อยู่ได้นาน?

[ติ๋ม เปอร์โย]

คือว่าติ๋มได้โทรฯสั่งใบผักอิตู่มาจากไทย เทือนี่โชคดีได้จ้า..ถ้าสั่งต้องสั่ง1กิโลกรัม ทางร้านค่อยสิเอามาให้
แต่ผักอิตู่เป็นผักนำเข้า..แต่กะอยู่กับด่านตรวจนำว่าสิตรวจละเอียดบ่ เทือนี่ผ่านจ้าได้มาให้ติ๋ม1กิโลกรัม
ทีนี่อยากรู้วิธีเก็บจ้า ว่าเฮ็ดจังใด๋ให้ผักเน่าช้าที่สุด...ส่วนหนึ่งได้แบ่งให้เพื่อนๆคนไทยนำกันเอาไปกินซ่อยแล้วจ้า
ขอบคุณพี่ๆน้องๆที่สิเข้ามาแนะนำจ้า...เพราะติ๋มบ่เคยได้มาหลายปานนี่จักเทือ
ส่วนพริกนั่นกะสั่งมาคือกัน ติ๋มสิล้างแช่แข็งจ้า ส่วนหนึ่งกะแบ่งเพื่อนๆคือกัน เป็นโล เผ็ดๆ ไผสิกินเบิด

เพื่อว่าบ่ให้เสียว่าเป็นกระทู้อาหาร มีแกงหน่อไม้มาฝากจ้า เฮ้ดคือแกงหน่อไม้ทั่วไปหละจ้า
แกงหน่อไม้ติ๋มใส่หลายอย่างอิหลีมี หน่อไม้ น้ำใบยานาง ผักหวาน ชะอม(ผักขา)ผักอิตู่ เห็ดหอมสด ปีกไก่
เครื่องแกงกะ พริกแห้ง หอมแดง ข้าวเบือ ตะไคร้ กระเทียมโขลกโลด แล้วกะเครื่อปรุงรส ทอนี่หละจ้า แซบคัก8)

[หล่อร้อยเมตร]

เห็นแต่ผุลังคนเผิ่นเอากระดาษมาห่อครับจั่งใส่ตู้เย็น บ่เคยเก็บจักเทื่อเคยแต่กิน ::)

[nuzing]

ขอเพิ่มเติมบ่าวหล่อจ้าผักอีตู่บ่ต้องล้างห่อโลด เอากระดาษหนังสือพิมพิมพ์ห่อหนาๆเก็บเข้าตู้เย็นถ้ากิ่งมันยาวกะสิตัดแต่งให้มันห่อง่ายๆ กะพออยุ่ได้โดนอีกจักหน่อยถ้ามีฮากหล่าเอาไปปลูกชำในกระถางหรือลงดินข้างบ้าน (อยู่ใกล้ยายสิไปปลูกให้โลด ฟรีหล่า )

[ติ๋ม เปอร์โย]

ขอบคุณหลายๆที่แนะนำจ้าคุณยายกับอ้ายฮัก...คุณยายมาปลูกให้แหน่จ้าหนูสิได้เซาสั่งเขา โพดสาแม่นได้กินยาก
แต่กินแล้วกะแซบคัก หอมนำ...แกงหน่อไม้นั่นเกือบบ่ได้กินกะยังว่ายาย..แกงใส่ผักขา คนอยู่นำเว่า
อิหยัง พึ่งซื้อมามื้อนี่มาเสียเร็วแท้ผักเจ้า...อย่ากินเด้อ..เหม็นคัก ท้องเสียมายามคืนลำบากเด๋ พะนะ
หนูกะกินคือเก่าแหล่วคุณยายเอ้ย ผักขาเนาะ...อิอิ

[ศรีสะท้าน]

มาสิยากหละนาง หาแก้วสูงๆ หรือขวดกาแฟเก่าๆ ใส่น้ำลงไปจักเคิ่งหนึ่ง ตักก้านใบแมงลัก(ผักอิตู่)ให้เฉียงเรียบร้อย อย่าให้แตกหรือซ้ำ ลงแช่ไว้ในน้ำนั้นหล่ะ ดีบ่ดีป่งฮอดฮากพู้นตั๊ว สิบ่อยู่ได้เป็นเดือนบ่ คันสิก๋าเก็บเป็นเดือน กะตัดเอายอดให้ได้จักสองปล้อง เสียบใส่กระบะทรายซุ่มน้ำเอาโลด พอออกฮากกะจั่งย้ายไปปลูกโลด อิ อิ อิ (สูตรอีแม่อยู่เฮือน)

[นิลมณีหยก]

แต่ว่าพี่ติ๋มน้องว่าเฮ็ดคือบักพริกกะได้เด้เอื้อย ล้างแล้วกะเด็ดใบกับยอดมันรวมกันแล้วกะใส่ตะแกรงให้มันสะเด็ดน้ำกะเอาเข้าช่องแข็งคือบักพริก เพราะว่าน้องเคยเอาผักอีเลิศเข้าช่องแข็งเอาไว้ถ่าอ่อมใส่น้องงัว มันกะยังหอมคือเก่าอยู่แมะเอื้อยกินได้โดนพร้อมบ่มีเน่า

[เพียงลมพัดผ่าน]

ตากแห้งไว้คือผักกะแยงนิน่าจะได้น่ะผมคิดว่า คิดนะคับคิด

[ติ๋ม เปอร์โย]

ขอบคุณทุกคำแนะนำจ้า...รับรองว่าสิแบ่งเฮ็ดนำทุกคำตอบจ้า...กะหลายโพดเนาะผักอิตู่เป็นโล..อิอิ

[ตรี ศรีเมืองใหม่]

เอาไปลองปลูกเบิ่งบ่อขึ้นติ๊น้อง..เดิ่นบ้านเจ้าคือจั่งมีอยู่ ถ้ามันหนาวแฮงก็ดังไฟให้มัน อิอิๆๆ

[มั่วหน่าฮ่าน]

ส่างมาสิคึดยากปานนั้น...ซื้อมาทอได๋กะใส่แกงให้เบิด...จบ ใส่เบิดแล้วกะบ่มีของเหลือ..บ่ต้องคึดยากเวลาเก็บเวลาเมี้ยน...