ครัวอีสานอินเตอร์...ลาบปลานิล...

[ติ๋ม เปอร์โย]

มื้อนี่หยุดงานอยู่บ้านจ้า...กะเลยคึดอยากกินลาบปลานิล...ไปร้านไทยได้ปลานิลมาโตหนึ่งจ้า
เกิดได้ใหญ่มากะบ่เคยลาบปลานิลจักเทือ...กะเลยถามอ้ายบ่าว กะได้ไอเดียว่าให้หั่นบางๆลวกพอสุก...ยามปรุงกะคนเบาๆเนื้อปลาสิเละ..พะนะว่า
ทำตามทันที...คั่นบ่ถามอ้ายบ่าว..ปานนี่ปังตอสับหมุ่นเบิดแล้ว55++ลาบเนาะ



เลาะเอาแต่เนื้อปลา กระดูกเอาไว้ต้มซดน้ำ หั่นเนื้อปลาบางๆ ต้มน้ำให้เดือดๆ ใส่เกลือเอาเนื้อปลาลงไปลวกพอสุก ใส่ถ้วยไว้
แล้วกะเอาตะไคร้ หอมใหส่หั่นลงใสหม้อ...ใส่กระดูกปลาลงไป
หั่นมาเตรียมเครื่องปรุงลาบ..หอมแดงซอย ผักชีฝรั่ง พรืกป่น ข้าวคั่ว น้ำปลา น้ำหมากนาว
ทั้งหมดใส่รวมกันในอ่างปรุง...ชิมเบิ่งให้ได้รสพอดี..ค่อยเทเนื้อปลาลงคลุกเบาๆ..ตักใส่จาน
โรยใบสะระแหน่ ผักชีสับ พริกทอด...



ปรุงน้ำต้มตามมักจ้า...ติ๋มใส่น้ำหมากขามเปียกนะ...คั่นรสดีแล้วกะใส่ต้นหอม ใบมะกรูดฉีก
ผักชีฝรั่ง ข้าวคั่ว ตักใส่ถ้วย ใส่ผักชีสับ พริกทอด..ถ้าบ่ส้มใส่น้ำหมากนาวได้จ้า
แซบยุ..แต่กินคนเดียว...คนข้างๆบ่ก้ากิน..ใช้ให้ติ๋มเจียวไข่ให้...ใส่หมากเขือเทศนำเด้อ ว่าซั่น
ติ๋มกะจัดการเจียวให้...ใช้ไข่5ฟอง..ย่านเขาบ่อิ่มแหม๋....



ถ่ายรูปอยากมืดจักหน่อยจ้า...มาเด้อพี่น้องเอ้ย กินข้าวนำกัน กินซ่อยแหน่
ขอบคุณไอเดียสูตรจาก อ้ายบ่าวคนเดิมจ้า...สุดยอดทางแซบ...อิอิอิ

[Sweet_M]

มาแล้วจ้าพี่ติ๋ม น้องหล่ามานั่งหน้าก่อนหมู่แล้ว ไผมาช้านั่งหลังเด้อ 5555555

[หล่อร้อยเมตร]

ขาดป๋องเขียวๆเนาะ สงสัยบ่ค่อยเจริญอาหาร

[pui.lab]

กินนำแน๊สาวติ๋มหมดยัง เดี๋ยวไปหยิบตราสิงห์มาหนึ่งป๋อง (t

[ไม่สวยแต่เร้าใจ]

ข้าวเหนียวฮ้อน ๆ คุ้ยลาบปลานิล หอมข้าวขั้ว โอ้ย... คิดฮอดบ้านแฮง

[nuzing]

ระหว่างไข่เจียวกับลาบปลานิลไผสิชิดไผลงน้อคำคืนนี้ ไข่เจียวพะนะ จะแหม่นหลานเขยบ่ฮู่จักของแซบของนัวน้อ ::)

[ติ๋ม เปอร์โย]

คั่นติ๋มเลิกกินแล้ว กะอย่าถามหาหลายกระป๋องเขียวๆนั่น...กลับมากินอีกกะได้เด๋....

::) ให้กินมาเป็น10ฮังเลยจ้าคุณยายประสาไข่...ไสสิสู้พลังข้าวเหนียวหนูเดียวหนี่...55+ คุ้ย คุย..อิอิ

[นิลมณีหยก]

เป็นตาแซบแท้เจ๊ ให้กินนำแน่เด้อชิมซื่อๆดอกคำเดียว อิอิอิๆๆๆๆๆๆๆๆๆ

[ข้าวปาด]

อยากนำอีกแล้วสาวติ๋มเอ๋ย

[ขอโทษที่คิดถึง...เด็กดื้อ]

เด็กน้อยกะเข้าใจว่าเวลาลาบปลาต้องสับอย่างเดียว...ซอยเป็นต่อนบาง ๆ เข้าท่าเน๊าะ...อ้าวแบบนี้ต้องลองแล่วล่ะ...ให้อ้ายพลเฮ็ดให้กินก่อนนะ.... ป๊าดดดดดดด คนเดียวกินไข่ 5 หน่วยเลยติเอื้อยติ๋มจ๋า...บำรุงเพื่อสุขภาพติจ๊ะ ::)