บ่าวโป๊ย..ขี่ถี่ขี่เหนียวประจำหมู่บ้าน ได้ชื่อว่าเป็นนักต่อราคาเวลาซื้อของ จนว่าคนขายนี่บ่มีกำไรเลยกะมี จนร้านค้าในหมู่บ้านเขาบ่อยากขายของให้
มื้อหนึ่ง .. บ่าวโป๊ยเขาตลาดสิไปซื้อเสื้อกันหนาวจักโตมาใส่ ย่อนว่าเข้าหน้าหนาวแล้ว
ถืกใจเสื้อ ถามราคาว่า
น้อง เสื้อโตท่อไหนน้อครับ
200 บาท ครับ คนขายตอบ
ลดให้แหน่ จัก 170 เนาะน้อง
คนขายเห็นว่ายังมีกำไรเลยบอกเอา170 กะ 170
กะซั่นลดให้อ้ายอีกแนะ 120 เนาะน้อง
คนขายได้ยินถึงกับลมออกหู กะเลยเว่าประชดไปว่า ต่อปานนั่นกะเอาฟรีโลดเป็นหยังหล่ะ ฮ่วย!!
บ่าวโป๊ย..ได้ยินจั่งซั่น กะเลยบอกว่าสองโตได้บ่อน้อง
Bookmarks