อยากบอกว่าหมู่คลายเหงาของตุ๊กกะคือเวปบ้านมหานี่หละ บางเที่ยนอนบ่หลับกะแวะเข้ามาบ้านมหายามพี่ยามน้อง บางเที่ยเล่นอินเตอร์เน็ตตั้งแต่ห้าโมงแลงจนฮอด
ห้าโมงเช้าของมื้อใหม่กะมี เว้าให้ฝารั่งฟังห่าลังคนจนเขาว่าเป็นบ้าเน็ต
ยามว่างนอนตื่นใหม่ แหกขี้ตากะฟ้าวมาเปิดคอมแล้วกะมาหาอ่านกระทู้ใหม่ๆ
ติดว่าแม่นยาเสพติดแต่ละมื้อละเว็นมื้อใด๋บ่ได้เข้นอนบ่หลับ
ดึงหูออกกะบ่ออกงึดเจ้าของคือกันหละ
บางเที่ยกะบ่มีหยังเฮ็ดกะเอาวีดีโอมาอัฟโหลดให้พี่น้องเบิ่งตางคนว่างงานเนาะ
บางเที่ยกะตั้งกระทู้ที่มีสาระบ้างไร้สาระบ้าง แต่กะอยากให้พี่น้องอ่าน
ยามตั้งไปแล้วคนตอบกะรู้สึกมีความสุขมากเวลาได้อ่านกระทู้ ได้ตอบกระทู้
พี่น้องในบ้านนี้กะเป็นกันเองมาก แล้วกะมาได้ฮู้จักน้องจักอ้ายหลายคนอยู่ในเวปนี้
กะได้คุยได้เว้ากันทางเอ็ม เฮ็ดให้สาวเพลงสุดท้ายคนนี้หายเหงา
สุดท้ายกะขอขอบคุณอ้าย ฅนภูไท ที่ได้สอนการโพสแต่แรกเนาะ
แล้วกะพี่ดีเจปอที่ได้สอนโพสหมอลำ มีสองอาจารย์นี่หละสอนให้กะดายค่อยโพสเป็น
อยากบอกว่าอ้ายฅนภูไทนี่น่าฮักที่สุด (ได้อ่านอย่าลอยเด้ออ้าย) ที่สอนให้คนปึกจนว่าโพสเป็นจนว่าเฮ็ดได้นั่นหละ พี่ดีเจปอนำเดวสิเคียด และกะขอขอบคุณพี่ๆ น้อง เพื่อนในบ้านมหานำเด้อจ้า
[FM]http://media.imeem.com/m/GcbAe8tS8-[/FM]
Bookmarks