ป่นเห็ดไค (เห็ดตะไคร)

[ฅนภูไท]

ป่นเห็ดไค (เห็ดตะไคร)

เห็ดไค มีลักษณะ คล้ายเห็ดก่อ ดอกสิใหญ่แข็งและกรอบ มีสีขาวปนเทา เวลาย่างสิมีกลิ่นหอมฮ่วยฮวย ชอบขึ้นตามจอมปลวก เห็ดไคส่วนหลายมักสิเอามาป่นบ่นิยมเอามาแกง ทางเหนือเอิ้นเห็ดหล่ม ทางภาคกลางเอิ้นเห็ดตะไคร ส่วนเรื่องราคากะรองจากเห็ดปลวก ปัจจุบันประมาณ กก.ละ300-350 มาเบิ่งป่นเห็นไคสูตรฅนภูไทกันเลยครับ



หน้าตาเห็ดไคกะเป็นจั่งซี้หละ ก่อนเอาไปย่างต้องทำความสะอาดให้คักๆ บ่ซั่นมันสิแหย๋ขี้ดิน



จัดการติดเตาย่างเลยครับ เวลาย่างสิได้กลิ่นหอมของเห็ดไค หอมไปสามบ้านสี่บ้านพุ่นหละ อย่าหลงชิมดู๊หลายเด้อมันสิบ่พอป่น




ทีนี้เฮากะมาป่นกันเลย ตำบักพริกกระเทียมหัวผักบั๋วให้ละเอียด แล้วใส่เห็ดลงไปตำให้ละเอียดอีกที แกะเนื้อปลาใส่ลงไป ตำให้เข้ากัน




มาถึงขั้นตอนนี้เฮากะใส่ต่อนปลาแดก ต้นหอมผักชี ลงไป ตำให้เข้ากันปรุงรสตามใจชอบ



ตักใส่ถ้วยเตรียมยกไปกินได้ ถ้าไผบ่มักแห้งกะใส่น้ำต้มปลาแดกลงไปกะได้เด้อครับ แซบคือกัน



เสริฟพร้อม ผักพราย ผักกาดย่า ข้าวเหนียวฮ้อนๆ (t(t ได้หน่อไม้ต้มนำแฮ่งคัก ::)

[หมูหวาน]

เป็นตาแซบ เนาะ แต่ว่ามักแกง หลายกว่า แมะอ้าย 555+ มันได้ซดน้ำ สั้นดอกหว๊า ::)::)

[ไม่สวยแต่เร้าใจ]

เห็ดแพงกั่วเนื้อพุ่นติ้ โอ้ยอยาก

[ขุนสุราพ่าย]

ป่นกะเคยกินยุอ้าย แต่ว่าผักนี้ตี้ ผักพราย ผักกาด น้องหล่ายังบ่เคยชิมเลย ::)

[ติ๊กต็อค]

เว้ามาละ...หิวข้าวแลง

[ฝนหลวง]

เป็นตาแซบคัก.....สีกปาแดกเนาะ บู้ยน้ำลายหยังคอยไหลน้อบาดทินี่

[แมวเหมียวพลัดถิ่น]

ทำระไรก็หน้ากินไปหมดเลยค่ะ :g:g:g

[TDOM]

บ่ได้กินนานแล้ว เห็ดไคหายาก อยากกินนำเด้

[khonsurin]

ทางนี้เห็ดหลาย ว่าแล้วก็จะไปป่นเห็ดกินเอาดอกจ้า ทางนี้มีแต่เห็ดขอนขาวหลายจ้า

[บ่าวบ้านนอก]

คือใส่ปลาแดกต่อนใหญ่แท้ เป็นตาจ่ำฮ้าย