..อันนิสูตรของเดี้ยนเองค่ะ..
วัสดุ
-ปลาซาบะ
-ซีอิ้วหวาน(โชยุ)
-นําตาลก้อน
-เหล้า(สำหรับใส่อาหารเด้อจ้า บ่แม่นรีเจนซีเด้อ้ายเซียง อุอุ)
-มิริง(อันนิ บ่มีกะบ่ใส่กะได่จ้า เป็นเครื่องปรุงอาหารของญป.ที่ให้ควมหวานแทนน้ามตาลสำหรับคนที่บ่ค่อยมักน้ามตาล และขณะเดียวกันกะดับกลิ่นคาวได่อิกนำจ้า )
-โชงะ(คล้ายๆขิงบ้านเฮานิล่ะจ้า)บดละเอียด แล่วแต่มัก บ่ใส่กะได่ แต่เดี้ยนมักเฮ้ดให้กลิ่นดีนำจ้า..
วิธีทำ
-ต้มน้ามให้เดือด ใส่ปลาซาบะลงไป น้ามบ่ต้องหลายเอาแค่สำท่อนปลาจ้า
-เติมขิงบดละเอียดลง
-เติมโชยุ/น้ามตาลก้อน/เหล้า/มิริง
-ค่อยลดไฟลง ต้มเคี่ยวไปทีละน้อย คอยชิมรสนำ เติมรสเอามักเค็ม หวาน
-เคี่ยวไฟอ่อนๆกลับชิ้นปลาอย่างระวัง น้ามลดแล่วกะจัดการเสริฟฮ่อนๆราดกะข้าวสวยโลด ปล.ปลาทะเลเนื้อขาว สิมีคุณสมบัติบำรุงสมอง กินหลายๆเด้อค่ะเพิ่มควมฉลาดเนาะ..อิอิ..
Bookmarks