หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

เขียนจดหมายหาผุสาว

  1. #1
    แบ่งปันความรู้และประสบการณ์ สัญลักษณ์ของ @@..มือพิณน้อย..@@
    วันที่สมัคร
    Nov 2007
    กระทู้
    96

    เขียนจดหมายหาผุสาว

    จาก ที่อุกอั่งเอ้า แสนโศกในมโน วันที่โศกาทุกข์ อั่งพระทัยฝันเพ้อ เดือนละเมอถึงเจ้าจันโทบ่ใสแจ่ม พ.ศ.แฮม " ห่างซ้อน นอนไห้ห่วงหา
    เถิง. แม่จันทนาเนื้อ หน้ามน คนคิดฮอด
    สารนี้ชื่อว่า อักษรใช้ ลายเซ็นนำส่ง . เพื่อประสงค์ข่าวข้อ ขอซ้อนฮ่วมพระมัย . ก็จึ่งแปลงสารใช้ เขียนผญาแต้มแต่ง . มาแสดงต่อน้อง ยามแค้นคลั่งกระหาย . โอน้อ?เจ้าผู้จันทนาเนื้อ แก้มอ่อนๆ ละมัยผิว เฮียมเอ้ย . ขอให้แยงผญาเถิง บ่าวพี่ชายปางนี้ . เจ้าผู้จันทจรแจ้ง พี่จงใจสมสวาท . นับแต่พ้อพบน้อง บ่มีมื้อสิหล่ายลืม ได้แหล่ว . อันแต่ในมโนอ้าย ทลายลงล้มล่าว . แสนสาวมานั่งล้อม บ่ปานน้องผู้อยู่ไกล . เทื่อนี้ พี่จึงลิขิตข้อ ขอขอดพระทัยฮัก . ขอให้กูณาผาย โผดเฮียมยามแค้น . คันสิขังมโนไว้ อกสิเพพังมุ่น เอาแหล่ว . พี่จึงปูนแต่งแต้ม กลอนแก้ข่าวสาร . ขอให้นางคราญน้อง ยอฉลองเทียมเนตร . " หลิงหล่ำสารสอดฮู้ ประสงค์แจ้งฮอดชาย แด่ท่อน
     พี่พ่องกลัด พ่องกลุ้ม หลงฮูปละเมอเถิง . ว่าสิปองเอาอวน ยอดนางมานอนซ้อน . ขอให้ดวงสมรแก้ว กลมเกลียว ฮักห่อ พี่ถ่อน . ผายโผดอ้าย ผู้โทนโท่อยู่เดียว . พี่นี่ หวังกอดเกี้ยว ผกายกอด กรกวม . ผิว่าสมความหมาย สิชื่นชมสมเยื้อน . พี่สิเพียรสมสร้าง สะพานทองเที่ยวไต่ . สองฝ่ายก้ำ ให้เป็นแป้นแผ่นเดียว . เจ้าผู้ศรีเสลียวสร้อย ยอยผมดำให้นำเลี่ยม เฮียมแม้ . พี่กะตั้งต่อน้อง หมายหมั่นชั่วชีวัง . พี่นี้ ขันอาสาตั้ง ถวายดอมเด็ดเดี่ยว . มักเพื่อสมสู่สร้าง สินสร้อยซ่อยปอง . พี่นี่ฮักฮูปน้อง นมนานสุดซั่ว จริงแหล้ว . หาสังปูนเปรียบด้าม เสมอเผี้ยงบ่มี พี่แหล่ว . ผัดแต่ลงโลกหล้า เอากำเนิดในมนุษย์ มานี้ . พี่บ่ทันเคยฮัก ผู้ได๋ปานน้อง . ผัดแต่ครองตนสร้าง พสุธาเมืองลุ่ม . บ่เคยฝักไฝ่ฝั่น กระสันดิ้นต่อไผ . เทื่อนี้ พบภาพน้อง ละเมอป่วงหลงใหล . ขอแก่สายใจอวน ฮ่ำคะนิงหวนฮู้ . เจ้าผู้ตู๋หลูต้น ทองไทยพิฑูรเทศ เฮียมเอย . อดเจ้าผายผ่อเยี่ยม กระแสสิ่งสอดสาร พี่ท่อน . พี่นี่ ฮักนาถน้อง หลงฮูปละเมอหา . ผิว์บ่สมเจตนา สิมิ่งมรณาเมี้ยน . อดให้สงสารถ่อน สายสมรเทียมเตร เฮียมเอ้ย . สงสารชายกำพร้า มาเว้าเหนี่ยววอน . พี่นี่ จรจวบน้อง มาพานพบจอมขวัญ . คือจั่ง กาดำพบ จวบนางลุนน้อย . อันว่า สมเสลาสร้อย นางลุนผัดฮักห่อ กาดำ นั่น . ยังได้เกาะกอดเกี้ยว ผสมฝั่นฮ่วมกัน . คึดเบิ่ง เงาะฮูปฮ้าย ใบ้บ้ากะทาชาย . ยังได้ชมแซมสอง รจนานางน้อย . ขอให้ สมเสลาสร้อย พิจารณ์ใจแจ้งแจบ ดูถ่อน . อย่าให้ ฮักพี่นั้น ฮามฮ้างเคิ่งทาง . โอน้อ.. ขอให้กก กอดเกี้ยว ก้านก่าย กร-กวัด . ยามเมื่อ สองเฮาพลัด พรากแฮมฮามซ้อน . พี่ขอวอนเถิงไท้ พระอินทราปองซ่อย แน่แหม๋ . ขอให้ ชักจ่องน่าว สองเฮาให้ฮ่วมกัน . พี่นี้หากตั้งต่อน้อง ตรงเที่ยงเป็นสัตย์ . ขอให้ สายแนนซัก ฮ่วมสองเสน่ห์ซ้อน . พี่จัก วอนเอาน้อง นางแพงเทียมภางค์ . ปฏิบัติแนบข้าง เตียงมุ้งม่านเดียว . เจ้าผู้ศรีเฉลียวสร้อย เสมอพรพรหมแต่ง พี่เอย . อ้ายมักใคร่ขอขอดหมั้น นำน้องชั่วชีวัง . พี่นี่ หวังสมสร้าง เสน่หาปองปลูก . ทุกข์คอบว่ามาบ่ได้ กลัวน้องบ่ปากนำ . พี่นี้ ฮักยิ่งล้ำ เสมอหินถมแผ่น . คันบ่สมเพชอ้าย อิดูหน้าหุ่นพลอย . ย้านแต่ เหลือแฮงห้าม หัวใจสิมามุ่นทะลาย แหล่ว . ขอให้ ใจน้องหล่า นางน้องซ่อยปอง แน่ถ่อน . โอน้อ..ให้ซ่อยปักซ่อยป้อง ดับโศกละลายทุกข์ พี่นี่ . อย่าได้ เมินตาเฉย บ่คะนิงหวนฮู้ . พี่ เทียมดังนาวาน้อย ลอยนทีกลางแก่ง . มีแต่ ฟองฟาดเบื้อง สิจมหมิ่งแค่วัง . ขอให้ นงนางน้อย หลิงดูยามยาก . ต้านตอบถ้อย ผอวนอ้ายผู้อยู่คอย แด่ถ้อน . พี่ กะหวังทราบข้อ ไขต่อกระแสสาร . ขอให้ ภิญโญญาณ สอดแสวงเถิงอ้าย . พี่หมาย มาเป็นข้า ทาสาแสนชาติ . ให้นาง ไขวาทเบื้อง ผญาฮู้ส่องญาณ แม่เด้อ . แยงไป ก้ำฝ่ายบ้าน ภูมิถิ่นดินสถิต . อดให้ ยอแยงคิด ใคร่กระแสสารอ้าย . อย่าให้ เสียสูญฮ้าง ฮามชมสารสวาท . พี่สิ คอยอ่านเอื้อม แยงสิ่งหล่ำสาร . เจ้าผู้ จันทร์เพ็ญแจ้ง ปุณณมีเพ็งภาคย์ . แม่นสิ ลำบากบ้าง อย่าลืมโต้ตอบสาร พี่เดอ
    โอกาสท้าย ถวายมอบความฮัก นางหากพอใจสอง อยู่ชมสมซ้อน ขอให้กูณาต้านแถลงสารตอบพี่คันบ่มีห่วงอ้ายให้บายถิ่ มใส่กระโถน นั่นเน้อ

  2. #2
    บ่าวผี
    Guest
    ผมชอบคุณมากๆเลย พูดได้ว่าถึงขั้นรักคุณเข้าแล้วนะ
    เวลาอยู่กับคุณทำให้ผมรู้สึกอบอุ่นมีความสุขอย่างบอกไม่ถูก
    เพราะฉะนั้นผมถึงเขียนจดหมายฉบับนี้ให้คุณ หวังว่าคุณจะยอมรับความรักของผม
    อยู่เคียงคู่ผมไปจนชั่วฟ้าดินสลาย…
    แต่ว่า คุณยังไม่ต้องรีบตอบผมก็ได้ ผมจะเล่าเรื่องบางเรื่องให้คุณฟังก่อน…
    เมื่อประมาณ 5 ปีที่แล้วได้มั้ง มีผู้หญิงผู้โชคดีคนหนึ่งดังเช่นคุณ
    ได้รับจดหมายรักจากผมฉบับหนึ่งเช่นเดียวกันกับคุณ…
    ในตอนนั้นเธอตอบผมว่า “ขอโทษนะ ฉันรู้สึกว่าคุณกับฉันไม่สามารถเป็นไปได้มากกว่าเพื่อน”
    ผมเสียใจมากเมื่อได้ยินคำตอบเช่นนี้ ผมจึงหั่นเธอออกเป็นท่อนๆเก็บไว้ในตู้เย็นที่บ้านผม…
    และก็ 4 ปีก่อน ผมหนีออกมาจากความเศร้าเมื่อ 5 ปีก่อนนั้นได้แล้ว
    และเขียนจดหมายหนึ่งฉบับให้แก่หญิงสาวผู้โชคดีอีกคนหนึ่ง…
    คำตอบของเธอคือ “ฉันมีแฟนอยู่แล้ว”
    ผมจึงนัดแฟนเธอออกมาเจรจากันตัวต่อตัว
    เมื่อเขาเผลอ ผมจึงใช้ก้อนอิฐทุบหัวเขาจนตายแล้วยัดไว้ในถังใส่ปูนซีเมนต์ทิ้งลงทะเลไป
    หลังจากนั้น ผมก็ใช้ยาพิษฆ่าเธอตาย แล้วแช่ฟอร์มาลีน เก็บร่างเธอไว้ในห้องใต้ดินบ้านผม…
    3 ปีก่อน ผมหาแฟนสาวได้คนนึง แต่ไม่นานเธอก็โวยวายขอเลิกกับผม
    ผมไม่ต้องการให้เธอจากไป จึงใช้เชือกรัดคอเธอตายแล้วผูกไว้ที่เพดานบ้านผม…
    หลังจากนั้น ผมรู้สึกว่าผมไม่เหมาะที่จะมีคนรักได้ จึงปิดหัวใจตัวเองไว้
    เวลาผ่านมาได้ 2 ปี ผมได้พบกับคุณ คุณได้เปิดหัวใจอันว้าเหว่ของผมแล้ว...
    ตอนนี้ คุณสามารถตัดสินใจตอบผมได้แล้ว

    คุณรักผมไหม?

  3. #3
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    พบปะพูดคุย

    เทื่อนั้นเผาจดหมายเก่าเจ้าไป
    เฝ้าแนมเบิ่งมันไหม้อย่างสะใจเทื่อละแผ่น
    อ่านเทื่อสุดท้ายในเปลวไฟกะยังแค้น
    ซ่างสุดแสนเธอทำกันได้ไง
    แรกเลยหนาไผเขียนมาหวานหยด
    สุดท้ายทรยศเฮ็ดไห่อ้ายใจสลาย
    อ่านจดหมายเจ้าอีกเทื่อในกองไฟ
    กะยังฮักบ่หายให้ตายถิ่ม...


    ปล..แปลงของเขาเอามามั่ว อิอิ

  4. #4
    แบ่งปันความรู้และประสบการณ์ สัญลักษณ์ของ แตงอ่อน
    วันที่สมัคร
    Mar 2007
    กระทู้
    141
    ..ผญา อั่นข้างบนคือเคยได่อ่านหม่องได๋มาแล่วนิล่ะ..
    ส่วนสองอันข้างล่างนิ..คือเป็นตาย่านแท่ะน้อ..
    ..บ่กล้าตอบแหล่ว..ไห้แทนได่บ่อ..ฮ่าๆๆๆ..
    แก้ไขครั้งสุดท้ายโดย แตงอ่อน; 19-03-2010 at 17:16.

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ดีครับดี ว่าไป อันที่ narin ว่ามาเป็นจดหมายรัก เกี้ยวพาราสี สมัยก่อนอีสานเฮาเอิ้นว่า สาน(สาร์น/สาร) ถ้าเป็นกลอนทางภาคกลางเพิ่นเอิ้นเพลงยาว ประมาณนี้หล่ะ แต่คันคัดลอกเพิ่นมากะขอความกรุณาอ้างอิงที่มาให้เพิ่นแหน่เด้อ เพื่อเป็นการให้เกียรติ และบ่ละเมิดลิขสิทธิ์ทางภูมิปัญญาของเพิ่น

  6. #6
    แบ่งปันความรู้และประสบการณ์ สัญลักษณ์ของ @@..มือพิณน้อย..@@
    วันที่สมัคร
    Nov 2007
    กระทู้
    96
    กระทู้ต้นฉบับโดยคุณ ศรีสะท้าน
    ดีครับดี ว่าไป อันที่ narin ว่ามาเป็นจดหมายรัก เกี้ยวพาราสี สมัยก่อนอีสานเฮาเอิ้นว่า สาน(สาร์น/สาร) ถ้าเป็นกลอนทางภาคกลางเพิ่นเอิ้นเพลงยาว ประมาณนี้หล่ะ แต่คันคัดลอกเพิ่นมากะขอความกรุณาอ้างอิงที่มาให้เพิ่นแหน่เด้อ เพื่อเป็นการให้เกียรติ และบ่ละเมิดลิขสิทธิ์ทางภูมิปัญญาของเพิ่น
    ครับผม เทื่อลุนก่อนน้อครบน้อ

  7. #7
    Paruidol
    Guest

    บ่เขียนกะคิดฮอดพุสาวคือกัน

    ฤดูผันวันหย้าย ฤดู๊.กายหย้ายที ได้34ขวบปีแต่ชายทนทุกข์อั้นกะสันดิ้นดันน๊ำ แสนระทมซ้ำถืกสาวข่มเหงใจน้ำตาไหลรินนองบ่เฮือดหายดอกพ๊อมื่อ..ฟังข่าวลือว่าสาวเจ้าเขาจับขังขุกขี่ไก่พอป่านใจสิขาดย่อน..มาโฮมท้อนแต่ก่อนเวร แท่น๊อออ ..สาวเอ๊ย..คิดฮอดหลาย

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    .........ขอลองเขียนสารเบิ่งกะเด้อหล้า..บัดนี้..........


    โอนอ สารนี้เขียนจากศรีมหาบ้านเป็นโวหารออกกล่าว
    คึดฮอดสาวผู้อยู่พู้นทางก้ำแก่วไกล
    อ้ายหากคึดอยากได้สายสวาทสัมพันธ์
    อย่าฟ้าวซังลืมกันก่ายเกินสะเทินฮ้าย
    อธิบายพอเป็นเบื้องอย่าเคืองแคนแค้นคั่ง
    วาจาจังที่กล่าวแจ้งแถลงข้ออย่าหม่อความ
    เถิงแม่นบ่อาจร่วมหมายฮ่วมเฮียงสอง
    อย่าได้หมองใจคิดขีดคลองให้หมองแป้ว
    อันคนเฮาคือแข่วแนวบนซนข้างล่าง
    สุดหาคำกล่าวอ้างมาได้ใส่กลอน

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ปร้าดด..อ้าย..เก่งคัก อายตอบเว่ย..ค้างไว่ก่อนเด้อ..

  10. #10
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,044
    บล็อก
    8
    จดหมายตอบจากผู้สาว
    ถึง อ้ายที่เคารพ รัก คิดถึง เดี๋ยวโทรหาน่ะ ::)