มากินเมี่ยงบักม่วงน้อยนำกันครับ
บักม่วงน้อยเป็นสายพันธุ์ทางอิสานบ้านเฮา มีรสเปรี้ยวจัดจ้าน หมากดิบมันเฮาเอามากินเมี่ยงแจ่วปลาแดกตวง แล้วกะเอาใส่ก้อยกะปอม ส่วนหมากสุกเฮากะเอามาบ่ายโบกข้าวเหนียว 8) ยามนี้บักน้อยกำลังใหญ่หน่วยพอคำ ฅนภูไทเอางัวไปล่ามอยู่นาเลยเก็บเอามาสู่พี่น้องบ้านมหากินเมี่ยง ต้องกินหลายๆคนเด้อมันจั่งแซบมาๆมากินนำกันครับ
บักม่วงน้อยหน่วยกำลังดีเหมาะสำหรับกินเมี่ยง
ปาดหัวแช่น้ำให้ยางมันออกแล้วกะผ่าเคิ่งเอาในมันออก
จัดการเฮ็ดแจ่วปลาแดกตวงใส่ถ้วยใส่ผักพริกป่น ข้าวคั่ว น้ำตาล ผงชูรสลงไป สิใส่หอมแดงซอยลงไปนำกะได้ เว้ามาน้ำลายไหล
เอาบักม่วงน้อยที่ผ่าเคิ่งคุ้ยแจ่วปลาแดกแล้วโม้มเบิ้ดเลย ซิ๊ดดด..8)8)8)
Bookmarks