กาลครั้งหนึ่งมีหนุ่มผูนึงซือว่าไอ้ทิดขน จังได๋กะบ่รู้ แต่ก่อนลาวบ่ได้ซือนี่ดอก อาจซิซือคล้ายๆนี่หล่ะขะเจ้าเลยเอิ่นซือลาวเพี่ยนไป ไอ้ทิดขนเป็นคนบ้านนอกลาวเข้ามาเฮ็ดงานในเมือง ลาวได้ไปสมัครเป็นคนใช้บ้านเศรษฐีผูนึง ซึ่งในบ้านเศรษฐีกะอยู่นำกันสามคน เศรษฐีมีลูกสาวง๊ามงามอยู่ผูนึงเป็นสาวขึ่นใหม่ เศรษฐีปลูกบ้าน 3 ชั้น ลาวกะเลยให้
ลูกสาวอยู่ชั้นบนสุดเพื่อว่าถ้าไผ๋มาจีบลูกสาวต้องผ่านเศรษฐีและเมียไปก่อน
เมียลาวอยู่ชั้น2 ส่วนตัวลาวอยู่ชั้น1 ไอ้ทิดขนกะอยู่ห้องคนใช้ ไอ้ทิดคนเป็นคน
ขยันขันแข็งทำงานซอยท่านเศรษฐีมาเรื่อยๆ เห็นลูกสาวเศรษฐีเกิดหลงมักเฮ็ดจังได๋
ซิได้เว้านำ เศรษฐีมีแต่กันท่าทุกอย่างย่อนบ่สมกัน ตกดึกคืนนึงไอ้ทิดขนตัดสินใจ
ปีนหาลูกเศรษฐีย่อนความมักอย่างแฮง พอดีลูกสาวบัดทันได้นอน ไอ้ทิดขนปีนฮอดพอดี ลูกสาวเศรษฐีตกใจเห็นไอ้ทิดขนปีนขึ้นมาหาเจ้าของ เลยฮ้องบอกพ่อว่า
"พ่อๆขนขึ้นๆ "
ฝ่ายเศรษฐีกำลังนอนดีๆอยู่ลาวกะฮ้องบอกว่า เป็นธรรมดาลูกหนูโตเป็นสาวแล้ว
ขนขึ้นเป็นเรื่องธรรมชาติ ฝั่งไอ้ทิดขนตกใจผูสาวฮ้อง ลาวเลยตกลงมาชั้นสอง
เป็นชั้นเมียเศรษฐีอยู่ เมียเศรษฐีตกใจเห็นไอ้ทิดขน กะเลยฮ้องบอกเศรษฐีว่า
"เฒ่าๆขนหล่นๆ "
เศรษฐีซะลึมสะลือตื่นขึ่นบอกกับเมียว่า เป็นธรรมดาหล่ะเฒ่า
เฮาเฒ่าแล้วขนมันกะหล่นเป็นธรรมดาหล่ะ เมียเศรษฐีตอบ มันบ่แมนขนอั่นนั่น มันเป็น
บักทิดขน เศรษฐีพอได้ยินซำนั้นรีบขว้าปืนได้ไล่ยิงไอ้ทิดขนออกจากบ้านไป
จบซำนี่หล่ะครับผิดพลาดประการใดขอ อภัยด้วยน่ะครับ