หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 24

หัวข้อ: ผญา.....สารรัก

  1. #1
    บ่าวสายฟ้า
    Guest

    ผญา.....สารรัก

    อ่านเป็น ทำนองภาษาอีสาน[color=blue][b]

    จาก ที่อุกอั่งเอ้า แสนโศกในมโน วันที่โศกาทุกข์ อั่งพระทัยฝันเพ้อ เดือนละเมอถึงเจ้าจันโทบ่ใสแจ่ม พ.ศ.แฮม " ห่างซ้อน นอนไห้ห่วงหา
    เถิง. แม่จันทนาเนื้อ หน้ามน คนคิดฮอด
    สารนี้ชื่อว่า อักษรใช้ ลายเซ็นนำส่ง .
    เพื่อประสงค์ข่าวข้อ ขอซ้อนฮ่วมพระมัย .
    ก็จึ่งแปลงสารใช้ เขียนผญาแต้มแต่ง .
    มาแสดงต่อน้อง ยามแค้นคลั่งกระหาย .
    โอน้อ?เจ้าผู้จันทนาเนื้อ แก้มอ่อนๆ ละมัยผิว เฮียมเอ้ย .
    ขอให้แยงผญาเถิง บ่าวพี่ชายปางนี้ .
    เจ้าผู้จันทจรแจ้ง พี่จงใจสมสวาท .
    นับแต่พ้อพบน้อง บ่มีมื้อสิหล่ายลืม ได้แหล่ว .
    อันแต่ในมโนอ้าย ทลายลงล้มล่าว .
    แสนสาวมานั่งล้อม บ่ปานน้องผู้อยู่ไกล .
    เทื่อนี้ พี่จึงลิขิตข้อ ขอขอดพระทัยฮัก .
    ขอให้กูณาผาย โผดเฮียมยามแค้น .
    คันสิขังมโนไว้ อกสิเพพังมุ่น เอาแหล่ว .
    พี่จึงปูนแต่งแต้ม กลอนแก้ข่าวสาร .
    ขอให้นางคราญน้อง ยอฉลองเทียมเนตร .
    " หลิงหล่ำสารสอดฮู้ ประสงค์แจ้งฮอดชาย แด่ท่อน
     พี่พ่องกลัด พ่องกลุ้ม หลงฮูปละเมอเถิง .
    ว่าสิปองเอาอวน ยอดนางมานอนซ้อน .
    ขอให้ดวงสมรแก้ว กลมเกลียว ฮักห่อ พี่ถ่อน .
    ผายโผดอ้าย ผู้โทนโท่อยู่เดียว .
    พี่นี่ หวังกอดเกี้ยว ผกายกอด กรกวม .
    ผิว่าสมความหมาย สิชื่นชมสมเยื้อน .
    พี่สิเพียรสมสร้าง สะพานทองเที่ยวไต่ .
    สองฝ่ายก้ำ ให้เป็นแป้นแผ่นเดียว .
    เจ้าผู้ศรีเสลียวสร้อย ยอยผมดำให้นำเลี่ยม เฮียมแม้ .
    พี่กะตั้งต่อน้อง หมายหมั่นชั่วชีวัง .
    ....พี่นี้ ขันอาสาตั้ง ถวายดอมเด็ดเดี่ยว .
    มักเพื่อสมสู่สร้าง สินสร้อยซ่อยปอง .
    พี่นี่ฮักฮูปน้อง นมนานสุดซั่ว จริงแหล้ว .
    หาสังปูนเปรียบด้าม เสมอเผี้ยงบ่มี พี่แหล่ว .
    ผัดแต่ลงโลกหล้า เอากำเนิดในมนุษย์ มานี้ .
    พี่บ่ทันเคยฮัก ผู้ได๋ปานน้อง .
    ผัดแต่ครองตนสร้าง พสุธาเมืองลุ่ม .
    บ่เคยฝักไฝ่ฝั่น กระสันดิ้นต่อไผ .
    เทื่อนี้ พบภาพน้อง ละเมอป่วงหลงใหล .
    ขอแก่สายใจอวน ฮ่ำคะนิงหวนฮู้ .
    เจ้าผู้ตู๋หลูต้น ทองไทยพิฑูรเทศ เฮียมเอย .
    อดเจ้าผายผ่อเยี่ยม กระแสสิ่งสอดสาร พี่ท่อน .
    พี่นี่ ฮักนาถน้อง หลงฮูปละเมอหา .
    ผิวบ่สมเจตนา สิมิ่งมรณาเมี้ยน .
    อดให้สงสารถ่อน สายสมรเทียมเตร เฮียมเอ้ย
    . สงสารชายกำพร้า มาเว้าเหนี่ยววอน .
    พี่นี่ จรจวบน้อง มาพานพบจอมขวัญ .
    คือจั่ง กาดำพบ จวบนางลุนน้อย
    . อันว่า สมเสลาสร้อย นางลุนผัดฮักห่อ
    กาดำ นั่น . ยังได้เกาะกอดเกี้ยว ผสมฝั่นฮ่วมกัน .
    คึดเบิ่ง เงาะฮูปฮ้าย ใบ้บ้ากะทาชาย
    . ยังได้ชมแซมสอง รจนานางน้อย .
    ขอให้ สมเสลาสร้อย พิจารณ์ใจแจ้งแจบ ดูถ่อน .
    อย่าให้ ฮักพี่นั้น ฮามฮ้างเคิ่งทาง .
    โอน้อ.. ขอให้กก กอดเกี้ยว ก้านก่าย กร-กวัด .
    ยามเมื่อ สองเฮาพลัด พรากแฮมฮามซ้อน .
    พี่ขอวอนเถิงไท้ พระอินทราปองซ่อย แน่แหม๋ .
    ขอให้ ชักจ่องน่าว สองเฮาให้ฮ่วมกัน .
    พี่นี้หากตั้งต่อน้อง ตรงเที่ยงเป็นสัตย์ .
    ขอให้ สายแนนซัก ฮ่วมสองเสน่ห์ซ้อน .
    พี่จัก วอนเอาน้อง นางแพงเทียมภางค์ .
    ปฏิบัติแนบข้าง เตียงมุ้งม่านเดียว
    . เจ้าผู้ศรีเฉลียวสร้อย เสมอพรพรหมแต่ง พี่เอย .
    อ้ายมักใคร่ขอขอดหมั้น นำน้องชั่วชีวัง .
    พี่นี่ หวังสมสร้าง เสน่หาปองปลูก .
    ทุกข์คอบว่ามาบ่ได้ กลัวน้องบ่ปากนำ .
    พี่นี้ ฮักยิ่งล้ำ เสมอหินถมแผ่น .
    คันบ่สมเพชอ้าย อิดูหน้าหุ่นพลอย .
    ย้านแต่ เหลือแฮงห้าม หัวใจสิมามุ่นทะลาย แหล่ว .
    ขอให้ ใจน้องหล่า นางน้องซ่อยปอง แน่ถ่อน .
    โอน้อ..ให้ซ่อยปักซ่อยป้อง ดับโศกละลายทุกข์ พี่นี่
    . อย่าได้ เมินตาเฉย บ่คะนิงหวนฮู้ .
    พี่ เทียมดังนาวาน้อย ลอยนทีกลางแก่ง .
    มีแต่ ฟองฟาดเบื้อง สิจมหมิ่งแค่วัง .
    ขอให้ นงนางน้อย หลิงดูยามยาก
    . ต้านตอบถ้อย ผอวนอ้ายผู้อยู่คอย แด่ถ้อน .
    พี่ กะหวังทราบข้อ ไขต่อกระแสสาร .
    ขอให้ ภิญโญญาณ สอดแสวงเถิงอ้าย .
    พี่หมาย มาเป็นข้า ทาสาแสนชาติ .
    ให้นาง ไขวาทเบื้อง ผญาฮู้ส่องญาณ แม่เด้อ .
    แยงไป ก้ำฝ่ายบ้าน ภูมิถิ่นดินสถิต .
    อดให้ ยอแยงคิด ใคร่กระแสสารอ้าย .
    อย่าให้ เสียสูญฮ้าง ฮามชมสารสวาท .
    พี่สิ คอยอ่านเอื้อม แยงสิ่งหล่ำสาร
    . เจ้าผู้ จันทร์เพ็ญแจ้ง ปุณณมีเพ็งภาคย์
    . แม่นสิ ลำบากบ้าง อย่าลืมโต้ตอบสาร พี่เดอ
    โอกาสท้าย ถวายมอบความฮัก
    นางหากพอใจสอง อยู่ชมสมซ้อน
    ขอให้กูณาต้านแถลงสารตอบพี่
    คันบ่มีห่วงอ้ายให้บายถิ่มใส่กระโถน นั่นเน้อ

    ปล.จำได่เบิดนี้ สุดยอดครับสุดยอด

  2. #2
    บ่าวสายฟ้า
    Guest

    Re: ผญา.....สารรัก

    ยาวขนาด เลยพี่น้อง

  3. #3
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148

    Re: ผญา.....สารรัก

    ถ้าซิมามัวแต่ท่องอยู่นี้.....เขาเอาไปกินก่อนเด้อ Re: ผญา.....สารรัก Re: ผญา.....สารรัก
    ขอบพระคุณสมาชิกและทีมงานที่เคารพรักทุกท่าน

  4. #4
    บ่าวสายฟ้า
    Guest

    Re: ผญา.....สารรัก

    เว้าอัดใส่เทปให้ไปเปิดฟังเลยท่าน...ฮ้าๆๆๆๆ

  5. #5
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148

    Re: ผญา.....สารรัก

    สมัยเป็นบ่าวแวง..ขี่จักรยานไปคุยสาวนี่ ถ่องคาถามหานิยมไปนำ ไทบ้านเผิ่นถามกะบ่เว้านำ
    ย่านคาถาหลุย ...ผู้เฒ่าเผิ่นบอกว่าเอานวดสีปากแล้ว ไผถามอย่าเว้า "ยกเว้นผู้สาวผู้ซิปคุย"
    เว้าสู่กันฟังสันดอกหว่า...
    ขอบพระคุณสมาชิกและทีมงานที่เคารพรักทุกท่าน

  6. #6
    บ่าวสายฟ้า
    Guest

    Re: ผญา.....สารรัก

    ติ๊..........

  7. #7
    PJ Nan
    Guest

    Re: ผญา.....สารรัก

    โอ๊ย ผญา หรือ จ.ม.ข่าวละเนี่ย

  8. #8
    ดูแลตรวจสอบเนื้อหา สัญลักษณ์ของ ดอกหญ้า
    วันที่สมัคร
    Dec 2006
    กระทู้
    755

    Re: ผญา.....สารรัก

    ป๊าดดด ซัวซิอ่านจบ ผู้สาวซิบ่นอนหลับก่อนตี้จ้า มายาวแท้
    อิอิอิ

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: ผญา.....สารรัก

    Re: ผญา.....สารรัก กระทู้ต้นฉบับโดยคุณ +☺♫บ่าวคนเดิมๆ+
    สมัยเป็นบ่าวแวง..ขี่จักรยานไปคุยสาวนี่ ถ่องคาถามหานิยมไปนำ ไทบ้านเผิ่นถามกะบ่เว้านำ
    ย่านคาถาหลุย ...ผู้เฒ่าเผิ่นบอกว่าเอานวดสีปากแล้ว ไผถามอย่าเว้า "ยกเว้นผู้สาวผู้ซิไปคุย"
    เว้าสู่กันฟังสันดอกหว่า...
    น้านนนนเล่นของ......เดะบาดนิ......
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  10. #10
    PJ Nan
    Guest

    Re: ผญา.....สารรัก

    โห เล่นของ อีหลี ป้ะๆๆ

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •