หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

ตำหมากยอศรีสะอื้น

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ตำหมากยอศรีสะอื้น


    ...ผู้ใดผะอืดผะอม เลือดลมบ่สะดวก ขมปากลิ้นเฝื่อน ผู้ข้ากะเลยเอาของว่างมาฝากมื้อนี้ ตำหมากยอศรีสะอื้น สูตรพ่อใหญ่ศรี อิ อิ อิ รับรองกินแล้วสิสะอื้นทรวง...

    วัสดุอุปกรณ์
    ๑. ครก สาก ช้อนบ่วง ( ล้างก่อนแหน่หล่ะ ครกกะดาย ผั่นสิเฮ็ดอึ๊จึ๊อยู่ )
    ๒.หมากยอเหิ่ม หรือสุกแต่บ่ทันเละ ๕ หน่วย (แล้วแต่สิกินหน่อยกินหลายคน) ถ้าคนเดียว กะประมาณ ๓-๔ หน่วย เพราะเนื้อมันหน่อย
    ๓.หมากม่วงดิบ ยี่ห้อใด๋กะได้ว่าแต่ส้ม ๑ หน่วย ถ้าเป็นหมากม่วงน้อยกะประมาณ ๑-๒ หน่วย
    ๔.หมากพริกแห้ง ๓ – ๕ หน่วย คั่วก่อนจักหน่อยกะได้
    ๕.กระเทียม ๑ กลีบ
    ๖.เกลือ ปลาแดก น้ำปลา ผงชูรส

    ตำหมากยอศรีสะอื้น

    ตำหมากยอศรีสะอื้น

    วิธีเฮ็ด
    ๑. ล้างหมากยอให้สะอาด ยำ(สับทั้งเปลือก ฝานเอาแต่เนื้อ
    ๒.หมากม่วงส้มฝานเปลือกล้าง ยำแล้วฝานเอา กะว่าพอให้ตัดเฝื่อนหมากยอ หรือให้ส้มจักหน่อยกะแล้วแต่มัก
    ๓.ตำหมากพริก กระเทียม เกลือ ให้แหลกพอประมาณ แต่ระวังอย่าฟ้าวใส่พริกหลายเพราะหมากยอบ่มักเผ็ด ใส่หน่อยๆกะสิเผ็ดแฮงกว่าแนวอื่น
    ๔.เอาหมากยอลงตำให้พอซ้ำ แล้วเอาหมากม่วงลงใส่ตำให้เข้ากัน
    ๕.ใส่น้ำปลาแดก น้ำปลา ผงชูรส ชิมเบิ่ง คันยังมีรสเฝื่อนหมากยอหลายกะเติมหมากม่วงลงไปอีก ชิมเบิ่งได้แล้ว ตักใส่จาน...แล้ว....


    ตำหมากยอศรีสะอื้น

    ตำหมากยอศรีสะอื้น

    ...เอาไปนั่งกินผู้เดียว...อย่าเอิ้นไผ อยากอายเขาเพราะว่าเทิงเผ็ดเทิงฮ้อน(หมากยอเป็นยาฮ้อน) จักน้ำหูนำตา ย้อยยามหย่างอยู่ อิ อิ แซ๊บแซบ กินยามบ่ายๆ แก้ง่วงดีปานหยัง
    หมายเหตุ ถ้าบ่มีหมากม่วงกะเอาแม่มดแดงคั่ว หรือหมากนาวใส่แทนกะได้ แต่สูตรนี้บ่ใส่มดแดง..ย้านบาป บ่อยากเอาชีวิตสัตว์เป็นร้อยเป็นพันมาสังเวยความอยากเจ้าของ เหอ ๆ ๆ (มีคนหลับตาซัง..ฮู้อยู่) หมากยอถ้านำมากินสดๆซื่อๆ มันกินยาก เพราะมีรสปร่า เฝื่อน แต่มีฤทธิ์ร้อน โบราณเพิ่นจั่งหาของส้มมาตัด ตำใส่พริกเขือเกลือปลาแดก เพื่อให้น่ากินขึ้น สำหรับสรรพคุณทางยา ไปหาซอกเบิ่งเอาเด้อคะรับ เพียงขอเน้นไปทางอาหารก่อน


  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ป๊าดดดดดดดดดดด เป็นบุญตานานๆอ้ายศรีจะเข้าครัวแม่ะ อ้ายๆผงชีรสใส่เบิ๊ดห่อบ่หล่ะ ::)

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ฮ่าๆๆ..อุตส่าห์หนีไปนั่งกินผุเดียวแหล่ว ยังมีคนนำไปพ้ออยู่เนาะ..แบบนี้แฮงเป็นตาอยากอายเด้ออ้าย..จอบลี้กินผุเดียวนิ หึยยยย...

  4. #4
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,550
    บล็อก
    5
    มิก / ป๊ย ตำบักยอเผิ่นกะเป็นตายุดอกเมนูประหยัดพอเพียงโพดพาโลไปเบิ่งเฮือนหอรอนางยายรับบ่ได้แหมะหล่าสิ้นเดือนนี่หว่าสิหลอยไปยามยุหว่าซ้านเบิ่งฝาเฮือนแล้วยายย่านพี่น้องไปจอบเบิ่งยายกินตำบักยอ::)

  5. #5
    ศิลปิน นักร้อง นักแสดง สัญลักษณ์ของ หมอลำเอกชัยคนหล่อ
    วันที่สมัคร
    Feb 2008
    ที่อยู่
    สวิสเซอร์แลนด์หนุ่มเเดนดอกบัว
    กระทู้
    429
    หม่องกินหม่องอยากเจ้ามะคือเป็นตาย่านเเถะอ้าย สิกินเเซบบ่อละคันข่อยไปกินนำ นั่น อึ๋ย!!!

  6. #6
    เฮือนอ้ายมาคือเฮือนเขยใหม่ พ่อเฒ่าไล่หนีแท้อ้าย...คือตูบต่อเล้าคัก...เฮ็ดคือเนาะคนอิหยัง...หึ๋ยยยยย...
    ตำหน่อยแท้หละอ้าย....เป็นตาแซบปานนี่ติ๋มซด3คำกะเบิดแล้ว...หน่ายเจ้าหลาย มาล่อให้น้ำลายไหลคัก......

  7. #7
    ร่วมถ่ายทอดความรู้สู่สังคม สัญลักษณ์ของ หนุ่มน้อยเมืองเพชร
    วันที่สมัคร
    Jun 2008
    กระทู้
    927
    เป็นสูตรยาชนิดหนึ่งใช่บ่อ จะลองไปเฮ็ดดู บ่อเคยได้กินจั๊กเทื่อ

    เว้าผิดเว้าถูกต้องขอพระอภัยมุณีด้วยเด้อคับ
    ::)

  8. #8

    ฟังเพลงที่เล่นด้วยแฟลท

    มักบักยอสุกกินกับเกลือ โอ๊ย! เว้ามาน้ำลายไหล... ยากกินจ้า...

    หึยยยยยยยย หม่องกินกะดาย...ลี่อยู่ลี่กินแท้เน๊าะ ::)::)

  9. #9
    ร่วมถ่ายทอดความรู้สู่สังคม สัญลักษณ์ของ jack_sarakham
    วันที่สมัคร
    Jun 2008
    ที่อยู่
    Germany
    กระทู้
    191

    น่ายคน

    แนวกินว่าแม่นคักแล้ว ภาพประกอบแหม่ซะมะเป็นตาซังแท่ บรรยากาศขนาด ท่ามีคนมาคือซิเจิดจานลงใต้แค่หน้อเบิงท่าแล้ว ตำหมากยอซือๆกะลักกินผู้เดียว คั่นแมนลาบงัวซิกินอยู่ใสนิ

  10. #10
    ลี้อยู่ลี้กินคักเนาะ ย่านแต่ข้อยยาด สูตรนี้เคยตำใส่บักขามเปียกจั่งส่มนัวดี กินแล้ว ๆ ออกฮ้อนท้องเป็นตาหน่าย ไผที่มีอาการปวดท้องประจำเดือนกินเบิ่งเด้อ