กำลังแสดงผล 1 ถึง 5 จากทั้งหมด 5

***-เอิ้นขวัญ...บ้านมหา-***

  1. #1
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    ฟังเพลงที่เล่นด้วยแฟลท ***-เอิ้นขวัญ...บ้านมหา-***

    หัวตะกลับมาจากทะเล...
    เอิ้นขวัญพี่น้อง(และโตข่อย)จักน่อยกะหนา...



    นะโมนบน้อมจอมโลกคณาโถ
    สัมพุทโธพะคะวา ศาสดาพระองค์นั้น
    ขออัญเชิญเทวดาตน-องอาจ
    ตนรักษาทวยราษฎร์หมู่นิกร
    ขอให้ลงมาซ่อยวอนเอาขวัญอ่อนน้อย
    ขวัญหัวเจ้าไปตกหล่มแลพงไพร
    ขวัญเจ้าไปเดินไกลป่ากว้าง
    ขวัญเจ้าย่างได้เที่ยวท่องเมืองผี
    ขวัญเจ้าไปเล่นในนทีกะให้มาอย่าซ้า
    ขวัญเจ้าไปเที่ยวค้าเมืองผี...กะให้มาสามื้อนี่วันนี่


    มาเยอขวัญเอย...
    ขวัญเจ้าไปอยู่กกบากหลวงควงบ่างฮ้อง
    ขวัญเจ้าไปเที่ยวท่องลี้ผี
    ขวัญเจ้าไปเล่นน้ำแม่-นที...กะให้มาสามื้อนี่วันนี่


    มาเยอขวัญเอย...
    ขวัญเจ้าไปอยู่นาแกมหญ้า
    ขวัญเจ้าไปอยู่ป่าซ้าแกมผี
    ขวัญเจ้าไปถืกขื่อลำหนา
    ขวัญเจ้าไปถืกคาลำใหญ่...กะให้มาสามื้อนี่วันนี่


    มาเยอขวัญเอย...
    ขวัญเจ้าไปเล่นกลางโคก
    ไปไล่นกกะโดกแลกาเหว่า
    ขวัญเจ้าไปนั่งเหงาอยู่ใต้ต้นไม้....กะให้มาสามื้อนี่วันนี่
    ขวัญกำเนิดสามสิบสอง จงมาครองอยู่ในเนื้อ
    มาเยอขวัญเอย....
    ขวัญหัวให้มาอยู่หัวปักปิ่นเกล้า น้ำมันเข้าทาหอม
    ขวัญขนตาแลขนคิ้ว
    ขวัญนิ้วซ้ายแลขวัญนิ้วขวา
    ขวัญบาทาเทิ่งคู่เกิบแก้วอยู่ฮับฮอง
    เจ้าอย่าวองมาด่วนฟ้าฮ้องฮ่วนฟ้าวกลับมา
    ขวัญตาให้มาอยู่ ให้มาอยู่สองก้ำ
    เจ้าอย่าหลิงล่ำเล่นดูดาย ให้มาอยู่ในกายทุกแห่ง
    ขวัญแข้งแลขวัญขา...กะให้มาสามื้อนี่วันนี่


    มาเยอขวัญเอย....
    ขวัญปากให้มาอยู่ปาก อย่าเพ้อจ่มหลงใหล
    ขวัญหัวใจพาเที่ยว เจ้าอย่าคิดไปน้อมเหนี่ยวทางใกล
    ให้เจ้ามาเร็วไวมื้อนี่วันนี่...


    เซิญขวัญลูกเต้ามาอยู่ในเฮือน
    ขวัญปีเดือนให้มาเต้า
    ขวัญเกษเกล้าแลเกศา
    ขวัญหูขวัญตากะให้มาพร่ำพร้อม


    มาเยอขวัญเอย...
    ขวัญเจ้าไปเที่ยวถ้ำคูหา นำนาคาแลครุฑนาค
    ข่อยจักเซิญเอาเจ้าภูมิภาค ซ่อยเอิ้นเอาขวัญ


    มาเยอขวัญเอย....
    ขวัญแข้งให้มาอยู่แข้งเป็นแถว
    ขวัญแอวแลท้องน้อย
    ขวัญนิ้วก้อยให้มาสอดสุบแหวน
    ขวัญคอคางแลไหล่หน้า...กะให้มาโฮมเฮ้าอยู่ประจำ


    มาเยอขวัญเอย...
    ขวัญเจ้ามาฮอดแล้วอย่าได้เที่ยวไปตามมรรคาแลเหวห้วย
    ขวัญเจ้าไปเที่ยวบ้านกินเหล้าดอมหมู่ซายโท่ง
    กะให้มามื้อนี่วันนี่ มาอยู่สร้างเฮือนตน คำกังวลบ่มีมั่ว
    ขวัญหัวเจ้าอย่าได้เที่ยวเล่น
    กลางเว็นเจ้าอย่าได้ไปเที่ยวเขี่ยวค่ำ
    เดือนดำเจ้าอย่าได้เที่ยวเล่น
    กลางเว็นเจ้าอย่าได้เที่ยวท่อง มาอยู่ห้องหอแก้วซุ่มเย็น


    มาเยอขวัญเอย...
    ฝนตกเจ้าอย่าได้ดุ่งไปหน้า ฟ้าฮ้องเจ้าอย่าดุ่งไปไกล
    ก้อนเส้าไปจังไป คีไฟคั่วจังคั่ว
    ลุกแต่ป่ามาเฮือน ลุกแต่สวนมาบ้าน
    ขี้คร้านให้เจ้านอนอยู่เฮือนนำพ่อนำแม่
    กินข้าวผีให้เจ้าฮาก เคี้ยวหมากผีให้เจ้าคาย
    ให้เจ้าคืนมาดายท้องเป่า ให้เจ้าคืนมากินข้าวกับกล้วยดอมอา
    ให้เจ้ามากินข้าวกับปลาดอมปู่
    ใหญ่เพียงตออย่าได้หัก ใหญ่เพียงหลักอย่าได้โค่น
    อย่าได้หม่นเหมือนตอง อย่าได้หมองเหมือนขี้เถ้า
    อย่าได้เฒ่าเก่าเสียสี ให้เจ้ามีอายุยืนยาวอย่าได้สั้น
    ให้เจ้าใหญ่เพียงลุง ให้เจ้าสูงเพียงป้า
    ให้เจ้าจำเริญหน่าอยู่สวัสดี
    นอนหลับให้เจ้าได้เงินหมื่น นอนตื่นให่ได้เงินแสน
    แปนมือมาให้เจ้าได้แก้วมณีโชติ
    โทษฮ้ายอย่ามาพาล มารฮ้ายอย่ามาเบียด
    ให้เจ้าหายเคราะห์หายภัย
    เคราะห์เจ้าอย่าได้เห็น เข็ญเจ้าอย่าได้พ้อ
    ให้เจ้าหายพยาธิโรคา
    ให้เจ้ามีศักดานุภาพ ผาบแพ้ข้าศึกศรัตรูก็ข้าเทอญ...


    สาธุเด้อวันนี้.......................เป็นวันฤกษ์ดีศรีสวัสดิ์
    ตั้งใจประดิพัทธ์..................องค์พระนฤบดี
    ยอกรเหนือเกล้า..................ประนมนิ้วเข้าดุษฎี
    คุณพระปกเกษี...................ทุกค่ำเข้าเพลางาย
    ไหว้พระอิศวรแล้ว.............ข้าสิไหว้พระนารายณ์
    ไหว้พระพรหมทั้งหลาย.....ไหว้เทิ่งบิดามารดา
    ไหว้ครูอาจารย์....................ท่านเป็นผู้สั่งสอนมา
    เดชะคุณรักษา.....................ให้ข้าอยู่เป็นสุขเอย


    ...แด่พี่น้องบ้านมหาทุกท่านทุกคนเทอญ...

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ปี๊บบบบบบบบบบบบบบบ มาเด้อขวาน โอ๊ะขวัญเอ้ยยย มาอยู่เนื้ออยู่คีง อย่าได้ตีงไปทางอืน อย่าได้ตื่นไปทางเพิ่น อย่าได้เซิ่นไปทางไกล...

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    มาเด้อออออ...ขวัญเอ้ยยยยยยยยยยย..(t(t(t

  4. #4
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3

    เย้วววววววว เสี่ยวมาจากทะเลแล้ว

    (t (t มาเด้อขวัญเอ้ย มาเด้อขวัญเสี่ยวเลี้ยวหนีไปไส กะยอมาม่องเก่าเด้อหมู่... :)
    .
    .
    หน่ายหลาย ว่าตะสิบ่ขึ้นจากทะเลซะแล้ว เย้วววววววว เสี่ยวมาจากทะเลแล้ว เย้วววววววว เสี่ยวมาจากทะเลแล้ว

  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    คนไทยเอิ้นขวัญ มานะขวัญนะ ซั่นวะ :g