ครีมหมากขาม สำหรับพอกหน้า

[ติ๋ม เปอร์โย]

ติ๋มบ่แม่นคนงาม แต่มักหาแต่แนวมาทา มาพอกเจ้าของ...แต่ปานนั่นกะบ่งาม::) กะคนมันผู้ฮ่ายเนาะ...
ครีมหมากขามสูตรนี่ดีอิหลีเด้อจ้า ได้มาจากเนต...ขอบคุณคุณหมอแก้วพันทิปเจ้าของสูตรจ้า

ส่วนผสม...หมากขามเปียกห่อผ้าขาวบางแช่น้ำฮ้อนถิ่มไว้ให้นุ่มเลยจ้า แล้วคั้นเอาแต่เนื้อหมากขามประมาณถ้วยนี่หละจ้า...
น้ำผึ้งสดแท้ๆ1ช้อนโต๊ะ...น้ำหมากนาว1ซีก...นมสดรสจืด1ช้อนโต๊ะ...ขมิ้นผง1ช้อนชา
ติ๋มบ่มีเลยใช้ขมิ้นสดจ้าบดให้ละเอียด
เอาทุกอย่างใส่หม้อ ตั้งไฟกวนให้เข่ากัน พอฮ้อนยกลง

เก็บใส่ขวดที่ต้มฆ่าเชื้อแล้ว...ใส่ตู้เย็นได้นาน4-5สัปดาห์จ้า...อันนี่ติ๋มเฮ็ดใช้มาเป็นเดือนแล้วจ้า
ใช้พอกหน้า ติ๋มพอกฮอดโต::) ถิ่มไว้15-20นาที ไปอาบน้ำล้างออกจ้า เฮ็ดให้ผิวเกลี้ยง สดใส
ติ๋มใช้พอกแขน ขาให้ลูกสาวแก้โรคผิวเปลือกส้มได้ด้วย...ตอนนี่ตามแขนตามขามาลีน่าสิบ่มีตุ่มผิวเปลือกส้มเลย ผิวเนียนดีอิหลี
ใช้แล้วได้ผลกะเลยเอามาฝากจ้า....ใช้พอกแต่หน้าประมาณ1ช้อนชา ถ้าพอกโตนำประมาณ2ช้อนโต๊ะ...อาทิตย์ละ2ครั้งกะพอจ้า

[ปีใหม่]

ขอบคุณเคล็ดลับดีๆๆจ้าพี่ติ๋ม น้องกะใช้คือกันจ้า ส่วนมากกะใช้พอกหน้าละจ้าได้ผลดีจ้าขอบอก 8)8)

ปล.พี่ติ๋มหายป่วยไวไวนะคะ เป็นห่วงจัง จุ๊บๆๆ

[ติ๋ม เปอร์โย]

ขอบใจหลายๆจ้าน้องโรส...
หุ หุ ดีใจเด๋หนี่มีคนมายืนยันซ่อยว่าใช้แล้วดี...
บ่ได้ดอกหล่า ใช้แต่หน้ากะสิเนียนแต่หน้า...งวกพุ้น งวกพี้บ่มีไผอยู่นำ พี่กะใส่เบิดโตโลดแหล่ว555++

[เต็มใจให้เธอ]

ขอนำแหน่เด้อครับเอื้อยติ๋ม ผมสินำไปใช้ครับ
บ้านมหาพาแลงนี่ล่ะ สิได้เห็นกัน 555

[ข้าวปาด]

ขอบคุณจ้า สาวติ๋ม สำหรับสูตรเด็ด เคยลองเฮ็ดแล้ว ผิวนิ่มอิหลี แต่ต้องเฮ็ดประจำเด้ จังสิได้ผลดี

[หล่อร้อยเมตร]

สิได้หล่อกั่วเก่ากะเทื่อนี่หละ ได้สูตรเด็ดพะแฮงหละ::)

[ไก่น้อย]

ป้าดดดดขอบคุณๆๆสูตรความงามจากพี่ติ่มเด้อจ้า สิได้ลองเฮดเบิ่งยุดอก ส่วนประกอบกะหาบ่ยากเนาะ .... งามบัดนิหละ อิอิ

[เต็มใจให้เธอ]

สิได้หล่อกั่วเก่ากะเทื่อนี่หละ ได้สูตรเด็ดพะแฮงหละ::)

ฮ้วยอ้ายหล่อ หงำกันสะน้อนิ ::)::)

[ติ๋ม เปอร์โย]

ดีเจเต็มใจฯ..อย่ามาอยากงามแข่งกันหลายน้า...::)
แม่นจ้าสาวลูซี่ ต้องใช้ประจำ..ราคาบ่แพงคือครีมจากฝรั่งเศสดอกจ้า...
แม่นแล้วไก่หล่า หาได้นำแกครัวหั่นหละหล่า บ่อึด เฮ็ดง่ายๆ ลองเบิ่งเด้อหล่า8)
อ้ายหล่อ..อย่าสุใช้เถาะอ้าย..ย่านนับพี่นางหลง::) แห่งแต่ผู้สาวหลายอยู่เพิ่น....

[พอกะเทิน]

มื่ออื่นสิเฮ็ดใช้เบิงกะน้า หาขอได้ครบแล้ว ตั้งใจสิเฮ็ดแต่ดนแล้ว แต่บ่ได้เฮ้ด สิเอาไวทาแขนนำ เผื่อตุ่มมันยุบ อิอิอิอิ