ก่อนอื่นต้องกราบสวัสดีอ้ายเอื้อย ผุดูแลเว็บบ้านมหาแห่งนี้ซุคน
แล้วกะคารวะงามๆ เอื้อยพี่ในชายคาบ้านมหาทุกคนครับ
จากมื้อแรกที่อ้ายทิดคมได้อุ้มน้องข้าวจี่ระหกระเหิน ซัดเซพเนจร เร่ร่อนเข้ามาหลบอาศัยร่มชายคาบ้านมหาแห่งนี้เป็นหม่องพักพิง กะได้พ้อกับน้ำใจและมิตรภาพจากเจ้าของบ้านและสมาชิกในบ้านแห่งนี้เป็นอย่างดี แม้ว่าสิบ่ฮู้จักหน้าค่าตาว่าเป็นจังได๋ จนเกิดความรู้สึกว่า ในโลกนี้ยังมีแสงสว่างสอดส่องเข้ามาแม้ว่าบางส่วนโลกสิมืดมนกระตามที
จากมื้อนั้น จวบจนมื้อนี้กะเป็นเวลาปีกว่าๆ ที่เข้ามาอาศัยบ้านแห่งนี้แต่กะยังบ่ทันมีโอกาสได้ตอบแทนพระคุณบ้านหลังนี้ยุจักอย่าง
เพราะอาจสิเกิดจากอ้ายทิดคม ความรู้แค่หางอึ่ง มีแต่ใจช้ำๆ กับลูกน้อยอีกคนหนึ่ง กอปรกับหน้าที่การงานกะเพียงตำแหน่งน้อยนิดในสังคม เลยยังบ่รู้ว่าสิซอยอีหยังได้แน่
ดังนั้นในวาระโอกาสนี้ อ้ายทิดคม กับน้องข้าวจี่จังได้มาขอขอบพระคุณทุกคนที่ให้อาศัยชายคาบ้านแห่งนี้เป็นหม่องพักพิงกายและใจ
และโอกาสนี้ อ้ายทิดคมกะอยากสิตอบแทนบุญคุณของทุกคนที่มีน้ำจิตน้ำใจกับอ้ายทิด
หากพี่น้องทุกคนในห้องนี้มีปัญหา ความเดือดร้อน หรือมีอีหยังสิบอกกล่าวตักเตือน แนะนำ ตลอดจนก่นด่าว่าแจ้งกะเชิญตามสบายเด้อครับ หรืออยากสิพูดคุย หรือให้อ้ายทิดคมซอยเหลืออีหยังกะบอกมาด้ครับ แม้อาจสิซอยบ่ได้หลายแต่ให้คำมั่นสัญญาว่า สิซอยด้วยความเต็มใจและสุดความสามารถที่มีครับ
ส่วนผุได๋ที่เข้าไปยามในบ้านอ้ายทิดกะขอบคุณหลายๆ เด้อครับ ด้วยความปึก เฮ็ดหยังแต่งบ้านกะบ่เป็นคือสิบ่ว่ากัน
ท้ายที่สุดกะขอบคุณทุกท่านสำหรับมิตรภาพที่มีให้ครับและหวังว่าคงสิได้มีโอกาสรับใช้ทุกคนครับ
ปล. หากในห้องขอเพลงหรือห้องแชตอ้ายทิดเว้าอีหยังบ่ค่อยสุภาพ หรือคำพูดบางคำอาจสิสร้างความเดือดร้อนให้บางคน อ้ายทิดคมกะขอกราบประทานอภัยอย่างสูง มา ณ โอกาสนี้
ด้วยความเคารพอย่างสูง
อ้ายทิดคม พ่อน้องข้าวจี่
เจ้าของ บรรณาธิการหนังสือพิมพ์บุคคลการเมือง
086-888-0707,02-945-8176-7
kom_elite@hotmail.com
Bookmarks