ข้าวปุ้นน้ำยากบ อ๊บ อ๊บ...

[ทิดแหล่]

ได้เมือบ้านเกิดเมืองนอน พากันไปกินข้าวปุ้นอยู่เถียงนา เฮ็ดน้ำยากบ แซ๊บ..แซบ..
มาลองเบิ่งเด้อ บ่อฮู้สิสู่กับอ้ายพลคนโก้ได้บ่อ....
1. เอากบโตใหญ่ๆ มาย่างไฟพอหอม แล้วกะเอามาต้มใส่เครื่องเคราต่างๆ เช่น หมากพริก หอม กระชาย ปลาทูหอม ฯลฯ



2.เมื่อสุกได้ที่แล้ว กะเอากบมาบิเอาเนื้อมาตำใส่เครื่องเคราที่ต้มรวมกัน



3.คั้นกะทิเอาแต่หัวน้ำ เคี่ยวไฟจนแตกมัน แล้วตักเครื่องลงไป คั่วจนหอม แล้วเติมหางกะทิ ต้มจนสุก ปรุงรสตามชอบ





4. เสร็จแล้วกะตักแบ่งสู่กันกิน ตามประสาบ้านเฮา ผักกะหาอยู่เลาะเถียงนาหั่นหล่ะ

[ขอโทษที่คิดถึง...เด็กดื้อ]

อ้ายทิดเด็กน้อยเอาขนมเส้นมาแลก น้ำยากบจ้า...เป็นตาแซบกว่าของอ้ายพลอีกแมะ...น้ำยากบบ่เคยกินเลยจ้า

[บ่าวคนเดิม]

อรรถรสครบสมสัดส่วน ล้วนธรรมชาติปรุงแต้มแต่งเสริม
กบน้อยขาซี่เก่เด้ เหยียดขิ่งนิ่ง สรรพสิ่งสลับสับเปลี่ยนวัฎจักร
ก่อเกิดรสชาติแซบ แสบ ซึ้ง สะอื้น สะท้าน ลิ้น ...อิ่มจบ

[siranee]

น้ำลายไหลนำ เป็นตาแซบอยู่จ้า เป็นตาเผ็ดกะปานนั่น มักคักกะแม่นหม่องเพิ่นไปเฮ็ดสู่กันกินนี่ล่ะ เถียงนาน้อย ยามกินฝนตกรินนำบ่ล่ะ ได่บรรยากาศดีแท่ๆ:g

[ไก่น้อย]

ป้าดดด เมนูนี้ยังบ่เคยลองจักเทื่อ ... ผักกะสุดยอด ปลอดสารพิษเพราะเก็บจากข้างฮั้ว สุดยอดๆๆ :g

[ตรี ศรีเมืองใหม่]

เคยกินครับเมนูนี้.. ตอนเป็นเด็กน้อย รสชาติดีไปอีกแบบ

[ubeelomkao]

เป้นตาแซบจังเคยกินแต่น้ำยาปลาไหล:g

[ส.มักม่วน]

ให้นิ่มกินนำแหน่ อยากกินข้าวปุ้นน้ำยากบ อ๊บ อ๊บบบบบบบบ

[หัวหน้าจ๋าย]

จองขาโต้ยคะรับผม..อิ..อิ..บักพริกเป็นตาเผ็ดพะโล...ซี้ดส์ส์ส์..8)::)

[พล พระยาแล]

ป๊าดดดด เห็นบักพริกแล้ว สิบ่ได้นอนแซน้ำพุ่นบ้อน้อ จั่งค่อยสิเซาเผ็ด

เพิ่นห้ามบ่ให้ข่อยกินเผ็ดแหม ฮ่า ๆ ๆ ๆ :g