หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

เมื่อแม่ย่าเผิ่นซัง...........ลูกสะใภ้

  1. #1
    ส.มักม่วน
    Guest

    เศร้าซึม เมื่อแม่ย่าเผิ่นซัง...........ลูกสะใภ้


    เมื่อสาวมักม่วนบ่กินเส้นกะแม่ย่า


    อยากปิดตำนานแม่ย่าลูกสะใภ้ให้ได้...แต่นิ่มบ่ฮู้ว่าสิมีมื้อนั้นบ่
    อาจสิบ่แม่นเรื่องดีปานได๋ ที่นิ่มเอามาลงไอดารี่บ้านมหา แต่นิ่มฮู้สึกว่าบ้านมหาเป็นหม่องเดียวที่นิ่มสิสามารถบรรยายเรื่องราวที่อัดอั้นตันใจได้...ขออนุญาตเด้อจ้าเวบมาสเตอร์...



    ก่อนหน้าที่สิตัดสินใจกะลูกชายของเผิ่น…อ้ายทิด...คนที่นิ่มคิดว่าเลือกแล้ว ก่อนหน้าที่สิมาหมั้น แม่เผิ่นเว้าว่า ลูกชายฮักแม่กะบ่ติดอกนาง กะเลยคิดว่าน่าสิบ่มีหยังดอกนะ ถ้าเผิ่นเว้าแนวนี่

    พอแต่งกันแล้วได้ 3 มื้อ คำเว้าที่นิ่มได้ยินเต็ม 2 หู ‘ กูแต่งให้มันย้อนย่านลูกชายกูผูกคอตายสื่อๆดอก ’ ‘เอาลูกใภ้บ่เลือกไทบ้านเว้าพื้นเบิดบ้าน ’ แล้วกะอีกหลายคำที่เฮ็ดให้นิ่มท้อ...ถอย...

    แม่นิ่มบอกว่า...แม่เขาบ่ได้อยากได้เฮาเป็นลูกใภ้เด้อลูกหล่า ให้เฮาเจียมโตไว้ ลูกไผๆกะฮัก กะคือแม่ฮักโตนั้นล่ะ....น้ำตาย้อย อยู่เป็นอาทิตย์เมื่อแม่ย่าเผิ่นซัง...........ลูกสะใภ้เมื่อแม่ย่าเผิ่นซัง...........ลูกสะใภ้เมื่อแม่ย่าเผิ่นซัง...........ลูกสะใภ้ หรือว่านิ่มบ่ดีพอที่สิเป็นลูกใภ้เผิ่นอีหลี...

    เอื้อยอ้ายบ้านมหาหลายคนถามว่า ปานได๋สิมีลูกให้แม่ย่าอุ้มล่ะน้องหล่า นิ่มกะได้แค่คิดว่า ถ้า...แม่ย่าเผิ่นบอกให้ลูกชายเผิ่นปะนิ่มถิ่มล่ะ แล้วถ้าในตอนนั้นมีลูกนิ่มสิเสียใจส่ำได๋

    นิ่มขออยู่แบบนี่ดีกว่า อยู่แบบบ่มีลูก จนแม่ย่ายอมรับ ดีกว่านิ่มมีลูกเผิ่นได้หลาน แล้วเผิ่นไล่นิ่มหนีทีหลัง นั่นคือสิ่งที่นิ่มสิเจ็บกว่าตอนนี้


    ขอเว้ามื้อนี่เป็นมื้อสุดท้ายแล้วนิ่มกะสิบ่เอ่ยถึงเรื่องนี้อีกเลย....แล้วสาวมักม่วนคนเก่าสิกลับมาเมื่อแม่ย่าเผิ่นซัง...........ลูกสะใภ้เมื่อแม่ย่าเผิ่นซัง...........ลูกสะใภ้เมื่อแม่ย่าเผิ่นซัง...........ลูกสะใภ้


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    เอื้อยเป็นกำลังใจให้เด้อนู๋นิ่มเด้อ..คึดว่าคั่นสองคนฮักกันแล่ว ควมฮักกะสิมั่นคงดอกจ้า ส่วนประกอบอื่นๆ อย่าเอามาใส่ใจหลายดอก ผุเถ่าบางเทือกะเอาใจบ่ยากดอก ลองปรับโตเข่าหาเพิ่นเบิ่งดู๋หล่า..บางเทือมีหลานน้อยกะดีเด้อ อิหลี อันนิผุเถ่าใจอ่อนที่หนึ่งเลยล่ะ..ลองเบิ่งบ่อเสื่อ..อิอิ..

  3. #3
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855
    เว้าโลดหล่าแนวได๋มันสิสบายใจ.. เรื่องย่ากับลูกไภ้นี้ มันเป็นเรื่องธรรมดาให้นิ่มคิดแนวนี้แล้วสิได้ความสบายใจคือ 1/ให้ถือว่าแม่ย่าเผิ่นอายุหลายกว่าเฮา ซึ่งเฮามีสิทธิสิได้อยู่ดูโลกอีกนานกว่าแกเพราะเฮาอายุยังน้อย อิอิๆๆ 2/ให้ยึดหลักว่าแม่นหยังก็ช่างขอแต่ให้ผัวเฮาฮักเฮาแบบจริงใจก็พอ แค่ 2 ข้อนี้น้องก็สบายใจแล้วจ้าเรื่องอื่นบ่อต้องไปเก็บมาคิดให้รกสมอง

  4. #4
    แบ่งปันความรู้และประสบการณ์ สัญลักษณ์ของ กลางทุ่งสารคาม
    วันที่สมัคร
    May 2008
    กระทู้
    126
    เจ้ามักอ้ายทิดบ่หล่ะ แต่ที่ฮู้อ้ายทิดเพิ่นน่ะมักเจ้าหลายน่ะถึงกับซิผูกคอตายหนีแม่
    เฮาทำไมบ่สู้ เพื่อพิสูจณ์ว่าตัวเราดีพอที่จะเป็นลูกไพ่เพิ่นหล่ะ
    ลองถามอ้ายทิดเบิ่งว่าแม่บ่มักหยัง หรือแม่มักแบบได๋ ซิได้เฮ็ดให้มันถูก ครับ

    เป็นกำลังใจให้เด้อ

  5. #5
    มันเป็นเรื่องพึ่งเริ่มต้น...อ้ายพลเด้อเป็นลูกชายที่รักของแม่ย่า....แม่ย่าสุดจ่ม...อิอิอิ
    ไปเจอหน้ากันทีใด๋...โต้วาทีกันเรื่อยเลยล่ะ...แต่ว่าเฮาเป็นเด็กน้อยกะต้องถอยจ้า...ไปเว้าหลายบ่ได้...ถ้าถอยไปซนฝากะหันหน้าชนเลย...อิอิอิ...กะอยู่นำกันกะอ้ายมา 10 กว่าปีแล้วจ้า แต่กะไม่เคยซังแม่ย่าเลยนะ...แต่เจอหน้ากันกะเถียงกันเป็นธรรมดา...อิอิอิ...ลับฝีปากจ้า...แต่ที่สำคัญคือไม่ซังกันจ้า...รักกันแต่เถียงกันซื่อ ... ::)::)::)

  6. #6
    น้องหล่าได้ยินกับปากกับหูเลยตี้ ว่าเพิ่นว่าแบบนี่...ถ้าได้ยินกับหูเป็นเอื้อย เอื้อยถามเลยว่า แม่ต้องการแบบใด๋?
    คั่นบ่มัก มาหมั่นมาแต่งเฮ็ดหยัง คันแม่เฮ็ดเพื่อลูกชาย กะคือบ่เฮ็ดให้ตลอดไปหละ...
    แล้วตรงใด๋ เพิ่นบ่มัก เฮากะปรับโตเข้าหาเพิ่นไป...แล้วแม่ย่ากะต้องให้โอกาสลูกพร้อม..
    ผู้เฒ่ามักให้ลูกๆมาเอาใจน้องหล่า เอาใจ เว้านำดี ทำดีให้เพิ่นเห็น เดี๋ยวเพิ่นกะดีเองหละเอื้อยว่า
    ที่สำคัญ ขอให้นิ่มกับแฟนฮักกัน เว้ากัน อย่าปล่อยให้ฝ่ายใด ฝ่ายหนึ่ง สู้อยู่คนเดียว...เป็นกำลังใจให้นะจ๊ะน้องฮัก8)

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    มื่อนี่มันเป็นวันพุธเบิ๊ดมื่อบ่หือ คือมีแต่เรื่องเศร้า ๆ เบิ๊ดมื่อแถะ

    อ้ายขอฟันธงไว้ตรงนี้เด้ออีหล่า ....ไสล่ะ เอามีดมาสิฟันให้เบิ่ง จ๊ากกกก ไม่จ้ายยยย ::)

    คันผัวมักเฮา และเฮากะฮักผัวของเฮา นิยายเรื่องนี้กะจบแบบแฮปปี้เอ็นดิ้งซั่นแหล่ว

    แต่หากผัวเซือคำแมหลาย จนลืมความฮักที่เคยมีต่อกัน กะแสดงว่าบ่ฮักกันอีหลี

    เทิงแม่เมีย และกะแมตัวเอง บอกให้อ้ายปะมันซะมันเล่นคอมหลายอ่ะ ปะมันซะคันวามันบ่ดีอะ บอกซูมื่อซูเวน อ้ายกะบ่เอาหูโต่ง

    เพราะว่าอ้ายฮักเมียอ้ายหลาย คึดฮอดฮักกันใหม่ ๆ ได้เขียนจดหมายหากัน ได้คิดฮอดกันมีความสุขหลาย คันเมื่อได้มาเป็นเมียแล้ว สิถิ่มกันง่าย ๆ มันบ่แมนดอก

    ยามเคียดกะซวนไปปะอยู่ แต่ในใจลึก ๆ กะนอนฮ้องไห้จนซอดแจ้งพุ่นล่ะ เจ็บใจหลาย คือบ่เป็นจั่งเฮาคาดหวังน้อ แต่กะต้องมาเบิ่งโตเองนำ เฮาคงเฮ็ดดีบ่พอมั้ง

    แต่สำหรับความฮักของน้อง การแต่งงานบ่แมนเล่นเฮียนน้อยเด้อสิบอกไห่ นี่คือคนสองคนฮักกัน ได้มาอยู่นำกัน

    เรื่องของพ่อแม่ผัว พ่อแม่เฮา อย่าให้มากีดกันเรื่องความรัก ให้มันมีแต่ในนิยายซะเถาะ

    ถ้าชีวิตจริงปัจจุบันเฮายังฮักกันอยู่ ยามนอนนำกันกะถามกันว่าฮักข่อยบ้อ ถ้าแม่เจ้าบอกให้ปะข่อยเจ้าสิยอมปะบ่ คันบอกว่าเอาอะไรมาแลกก็ไม่ยอม

    คืนนั้นกะตบรางวัลให้อย่างงามโลด ::) :g :g

    ว่าง ๆ ไปบ้านกะไปถามแม่ย่าให้รู้เรื่องเด้ออีหล่า ว่า "บ่มักสิมาแต่งหาสิแตกอีหยัง"

    โอ๊ะ ๆ ๆ บ่แมน ๆ อ้ายเว่าผิดอีหล่า

    คุณแม่สามีขา ถ้าคุณแม่สามีไม่รักดิฉัน แล้วคุณแม่สามีจะมาแต่งดิฉันหาสิรับประทานอีหยังจ้า

  8. #8
    ร่วมถ่ายทอดความรู้สู่สังคม สัญลักษณ์ของ นิลมณีหยก
    วันที่สมัคร
    Aug 2007
    กระทู้
    763
    เป็นกำลังใจให้เด้อจ้านิ่มเดียวกะดีขึ้นดอกจ้า ความดีของนิ่มสิชนะทุกอย่างเดี๋ยวเผิ่นกะมองเห็นเองหละอย่าสิท้อก่อนเด้อนาง

  9. #9
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    เบิ่งแล้วกะหน้าเห็นใจนอ้งนิ่มคือกัน เอาตามที่เอื้อย อ้ายเพิ่นบอกมานิ่ล่ะนิ่มเฮ็ดความดีสู้เข้าไว้ ถ้าเฮาเครียดหลายเฮาสิไปกอ่นเพิ่นเด๊ แต่ว่าห้ามถามแฟนเจ้าเด้อว่า ระหว่างเมียกับแม่ ฮักไผหลายกว่า ล่ะสิเลือกไผ คนเป็นผัวมันทำใจยากอีหลีสิตอบ ..

  10. #10
    เป็นกำลังใจให้นะ