มื้อนี่อยากกินอาหารอีสานเผ็ดๆ ข้าวเหนียวพร้อม...กะเลยใช้ลูกให้ไปซื้อเครื่องในไก่มาให้...
ไปฮอดตลาดโทรมา"แม่ แม่ ตับกับไตบ่มีเด๋ มีแต่หัวใจ"ติ๋มกะเลยตอบลูกว่า"หัวใจกะเอา...กำลังอยากกินหัวใจคนอยู่พอดี"::)
ลูก"หว๋าย มาเว้าเป็นตาบ่อยากกลับบ้านแท้" อิอิ เว้าเล่นลูกได้หยังกะเอามาโลด::)
เครื่องปรุงกะมี เครื่องในไก่เท่าที่หาได้,ปีกไก่หั่นเป็นชิ้นลงไปเพิ่มจัก2-3ปีก,ต้นหอม ผักชี,ผักชีลาวหั่นเป็นท่อน
ตะไคร้ทุบๆหั่นท่อน,พริกกระเหรี่ยง(ลูกโดด)ข่าหั่นแว่น,ใบหมากกรูดฉีก
เครื่องน้ำพริกที่โขลกมี ข้าวเบือ,กระเทียม,หอมแดง,พริกแห้ง
ปรุงรสด้วยน้ำปลาแดก,น้ำปลา,เกลือ(ระวังเค็มเด้อ อย่าใส่หลาย)ผงชูรสนิดหน่อย
เอาทุกอย่างใส่อ่างผสมใหญ่ๆแหน่ คนให้เข้ากัน...
ติ๋มใช้วิธีใส่ถุงมือลงซาวเลยหละ อิอิ ที่ใส่ถุงมื้อนั่น ย่านแสบมือซั่นแหล่ว...คั่นมีใบตองกะเอาใบตองห่อ..
ติ๋มใช้กระดาษฟอร์ย ห่อแล้วกะไปนึ่ง...เล่นเนตถ่า ลืม1ชั่วโมงได้...เกือบไหม้ น้ำบกเกือบเบิด::)
เปิดออกใส่จาน เสริ์ฟกับข้าวเหนี่ยวฮ้อนๆ...จ้ำถืกลูกโดดยามใด๋ เต้นโด่งๆเผ็ดหลาย อิอิ
แซบคักพี่น้องเอ้ย เทิงกินเทิงไห้....
มื้อใด๋บุนึ่งปลาทับทิมกินเล่นๆ บ่มีข้าว แซบดีคือกันจ้า....เชิญแซบนำกันเด้อ
Bookmarks