กำลังแสดงผล 1 ถึง 9 จากทั้งหมด 9

หัวข้อ: ถูกแม่ตีครั้งล่าสุดตอนได๋ เอื้อยอ้ายบ้านมหาจำได้บ่....

  1. #1
    ส.มักม่วน
    Guest

    รอบยิ้มพิมใจ ถูกแม่ตีครั้งล่าสุดตอนได๋ เอื้อยอ้ายบ้านมหาจำได้บ่....

    ตั้งแต่จำความได้ พ่อ เป็นบ่เคยตีนิ่มเลยอย่างมากกะแค่เสียงดัง แต่แค่เสียงดังกะนั่งฮ้องไห้แล้วล่ะ บ่ทันได้ตีดอก ไห้ลัดไว้ก่อน คนที่ตีสิเป็นแม่มากว่า

    ครั้งล่าสุดที่แม่ตี ตอนนั้นอยู่ ม.6 ที่แม่ตีสาเหตุมาจากว่า กลับบ้านดึก 2 ทุ่มสำหรับบ้านเฮากะดึกแล้วล่ะ บ่คือกรุงเทพเนาะ มื้อนั้นที่กลับบ้านค่ำ ไปส่งหมู่น้องสาว ขับรถผ่านพอดีน้องเขาโบก เอื้อยไปส่งหนูแหน่ ถ้าสิปฎิเสธกะสิใจดำเกินไป เพราะว่าน้องเขาบ่มีรถกลับบ้าน กะเลยตัดสินใจไปส่งน้องเขาโดยที่บ่ได้บอกแม่ก่อน กลับมาฮอดบ้าน คิดในใจแม่สิว่าจั่งได๋น้อ

    พอจอดรถปั๊บ เห็นแม่ถือไม้ไผ่อันหนึ่งอย่างเข้ามาหา ความกว้างนิ้วหนึ่งน่าสิได้ ความยาวกะเกือบๆสองศอก ถือถนัดมือแม่ล่ะกะว่า คิดในใจแม่ต้องตีแท่ๆเลย เอาวะเป็นได๋เป็นกันตีกะตีบ่ตีให้ตายดอกกะว่า แล้วแม่กะตีอีหลี 2 เถื่อ เถื่อแรกต้นแขนขวา เถื่อ 2 เอามือฮับมือเลยช้ำไปหน่อยหนึ่ง บ่ฮู้สิเฮ็ดแนวได๋ดีกะเลยไห้แล้วกะอย่างขึ้นเฮือนโดยที่บ่กินข้าวกินน้ำ น้ำกะบ่อาบ เคียดให้แม่หลาย ปิดประตูห้องนอนเลย มื้อนั่นอากาศมันหนาวเนาะเลยบ่อาบน้ำซะเลย บ่แม่นเคียดให้แม่ดอก ขี้ค้านอาบน้ำหลายกว่า ในใจกะคิดว่า เป็นหยังแม่บ่ถามแหน่ว่านิ่มไปไสมาฮอดคือตีกันเลย นอนไห้เบิดคืนจนว่าตาบวม

    เช้าวันเสาร์พ่อกลับมาจากโตจังหวัด แม่เลยเว้าสู่พ่อฟังว่า มื้อคืนข่อยตีลูกสาวเจ้าเด้อ พ่อกะเลยว่า สำพอมื้อคืนนอนบ่หลับ ย้อนจั่งสินี่เอง หลังจากพ่อกินข้าวแล้ว แม่กะให้นิ่มขับรถไปส่งเผิ่นอยู่นา กะเลยไป พอฮอดนา แม่ขอเบิ่งหม่องเผิ่นตี นิ่มกะเลยให้แม่เบิ่ง คำแรกที่เผิ่นถาม เจ็บบ่ลูกหล้า แค่นั้นแหละ นิ่มกะกอดแม่ไห้อีกรอบหนึ่ง แม่กะเลยทายาให้ แม่บอกว่า เถื่อหน้าเถื่อหลังไปไสมาไสให้บอกแม่ก่อน อย่ากลับค่ำๆมืดๆเฮาเป็นผู้หญิงมันอันตราย แล้วนิ่มกะฮู้ว่า...ที่แม่ตีมื้อนั้น กะเพราะว่าแม่ฮักแล้วกะเป็นห่วง
    ....
    ......คือคำโบราณเผิ่นว่า...รักวัวให้ผูกรักลูกให้ตี.........
    :)::)

  2. #2
    นึกเบิ่งแล่วบ่เคยถูกแม่ตีเลยนะ...แต่พ่อตีบ่อย ๆๆๆๆๆๆๆ

    เพราะเด็กน้อยขี้ดื้อมักสิแอบไปเล่นน้ำ... บ่สั่นกะเถียงพ่อ

    อิอิอิ...พ่อเพิ่นสุนกะเลยตีสั่นว้า.... ::)::)::)

  3. #3
    แม่ตีบ้อนิ่ม...คือกันเลย พ่อบ่เคยตีจักเทือ...ได้ยินแต่หมาดคอกะย่านแล้ว ::)
    แม่เอื้อยปากแกบๆคือกันหละกับอึ่ง..เสียงดังพอกันเลย...จ่มกะดู๋...
    แม่สิตีฮอดอายุประมาณ10ปีได้...แล้วกะบ่ตีอีก...สาเหตุเอื้อยบอกบ่ฟังความมั้ง::)
    ส่วนมากสิด่าเอา..จ่มเสียงดังเลยหละได้ยิน8บ้าน10บ้าน...บอกว่าแม่จ่มดังหลาย อายคน แห่งแต่จ่มดังกว่าเก่า55++
    ส่วนมากเลามักจ่มให้คาพาข้าว...บางเทือกินข้าวบ่แซบเลยหละ...
    ขนาดเอื้อยมาอยู่เมืองนอกแล้ว...ยามกลับเมื้อยามบ้านเลายังจ่มเลย...
    เอื้อยมักใส่กางเกงยีนต์เก่าๆ ขาดๆ...หากินเหล้าเลาเลยบ่มัก...เลารับบ่ได้..ถึงขนาดเลามานอนเฝ้าเอื้อยเลยหละหวงหลาย...
    มื้อหนึ่งกลับเมื้อบ้าน..ได้แฟนฝรั่งเมื้อต้อนเลา...ย่านถืกจ่มถืกด่ากะปานนั่น...
    แต่เกินความคาดหมาย...เลากับให้ศิล ให้พร...แล้วไปนั่งอยู่ใต้กกหมากมี่..มิดจี่หลี่...
    มื้อนั่นเอื้อยรู้สึกว่าตัวเองทำผิดต่อแม่ที่สุดเลยจ้า...สิอธิบายให้ฟังเลากะว่า บ่เป็นหยังดอกลูก..แม่เข้าใจ
    หลังจากมื้อนั่นมา..เลาบ่เคยจ่ม เคยด่าเอื้อยอีกจักเทือ...เอื้อยสิกินเหล้า เมาปานใด๋กะบ่จ่ม..
    เอื้อยฮักแม่ ฮักพ่อที่สุดในโลกจ้าน้องนิ่ม...คึดฮอดสุดๆ
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    แม่บ่เคยตีค๊า พ่อพี่จะตีมากกว่า พ่อสอนทำการบ้านแล่วเวลาเลาถามพี่ตอบบ่ได้
    จะถูกตบไหล่
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  5. #5
    ร่วมถ่ายทอดความรู้สู่สังคม สัญลักษณ์ของ โชติ
    วันที่สมัคร
    Mar 2008
    ที่อยู่
    bbk
    กระทู้
    700
    แม่ผมกะบ่เคยตีผมคือกัน พ่อกะบ่ตี แต่เพิ่นมักสอนด้วยคำเว้า

    ส่วนมากแม่ผมมีแต่ฮ้าย เวลาเพิ่นฮ้ายเพิ่นสิมักน้ำตาไหลพร้อม ตอนนั้นกะบ่ค่อยรู้สึกหยัง ตามประสาเด็กน้อยหน้ามึน

    พอเรียนหนังสือฮอด ป.4 แม่เพิ่นกะหนีลูกไปสวรรค์ แต่นั้นมาจึงฮู้ว่าแม่นั้นมีค่าส่ำได๋

    ไผยังมีแม่อยู่ดูแลเพิ่นให้ดีเด้อพี่น้อง

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    แม่อ้ายสิเป็นคนจ่มดุ จ่ม ๆ ๆ ๆ ๆ ๆ และกะตีนำ เซือบ่ครับ ซูมื่อนี้กะตี คันเรื่องใด๋เฮ็ดบ่ถืกเลากะสิเขกหัวเอา

    ลูกทุกคนเป็นคนดี มีการมีงานล่ำซำทุกคนล่ะครับ มีแต่อ้ายนี่ล่ะจนกว่าหมู่

    แต่ก็ได้เป็นแค่นี้กะดีใจแล้วล่ะครับ บ่ต้องดิ้นรนหลาย ตายแล่วเอาไปบ่ได้จั๊กอย่าง

    ตลกโปกฮาไปจั่งซี่ล่ะครับ มีกินกะกิน บ่มีกินกะกิน บ่เฮ็ดให้ไผเดือดร้อน กะสบายใจแล่วครับ

    แต่ซูมื่อนี้อยากตีคนอยู่บ้านหลาย ๆ กะจั่งว่า มึนหลายโพด :g

  7. #7
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,168

    เศร้าซึม

    แม่พี่จอยบ่เคยตีพี่จอยเลย ส่วนมากแม่เพิ่นสิจ่มให้มากกว่าจ้ายามที่เฮ้ดอีหยังผิด แต่ส่วนมากพี่จอยจะถูกพี่ชายตี แต่ตอนนี้บ่มีแม่มาจ่มให้แล้ว..วันแม่ปีนี้บ่มีแม่อีกแล้วแล้วกะต่อๆๆไป

  8. #8
    จำบ่ได้คือกันเด้อว่าแม่ตีเทือสุดท้ายตอนได๋ เพราะว่าเป็นลูกที่เว้าฟังความ บ่ค่อยดื้นปานได๋เนาะ อิอิอิ:g
    ...เปรียบแม่เช่น โคมทองของชีวิต

    ช่วยชี้ทิศ ช่วยนำทาง ช่วยสร้างสรรค์

    ให้ความรัก ให้ความรู้ ชูชีวัน

    ลูกจึงมั่นกตัญญูบูชาคุณ..........เพื่อแม่ แพ้บ่ได้

  9. #9
    แบ่งปันความรู้และประสบการณ์ สัญลักษณ์ของ กลางทุ่งสารคาม
    วันที่สมัคร
    May 2008
    กระทู้
    87
    จำได้ว่าผิดเทือได๋ไม้ลำปอหักสองถ่อนเลยครับ ถ้าไม่ลำปอบ่มี ก้านมักยมดีๆนี่เองครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •