หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

บ่สมคึดฮอด

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    บ่สมคึดฮอด

    อุกระทมคลั่งแค้นแสนที่ทรมาน
    พอปานไฟรามลุกทั่งโถมอยู่ในเนื้อ
    เหลือแฮงใจถวิลน้องบ่สมปองตั้งต่อ
    พอเพิ่นเปิดหน่ายแล้วผัดแหนงหน้าหน่ายซัง
    ความหวังพังเสียสิ้นรินน้ำตาย้อยยั้ง
    นั่งละเมอป่วงบ้าคึดเห็นหน้าแต่ผู้เดียว
    เคยได้ออดอ่อยเกี้ยวเทียวท่องยามกัน
    หยังบ่ทันเถิงปีผัดเปลี่ยนไปบ่คือเค้า
    มีแต่เหงากับเศร้าปุนปัวให้หมองหม่น
    ทนบ่ไหวย่านด่าวดิ้นตายถิ่มแม่นบ่เหลือ นางเอ้ย

  2. #2
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    บ่ สมคึดฮอดว่าติอ้ายโป้ยก่าย
    ....แม่นคืออ้ายว่าหั่นละ .....บ่สมคึดฮอด

    .
    .
    อ้ายเอ้ย อุกอั่งเอ้าในหัวใจหลาย วาจาซายซ่างหลายลมขมลิ้น แท้น้อ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    จนใจเอ้าอั่งโอ้ควมโสหน่อยซั่นแหลว
    มันสิเป็นดังแป้วในมโนป่านนั่นบ้อ
    น้องคนบ่สอพลอเว่าเออออพอม่วน
    ขอผะอวนโตอ้ายให้อภัยน้องได่บ่อ..น้ออ้าย

  4. #4
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    163

    ดูวีดีโอ YouTube ออนไลน์ แวะมายาม

    บ่ หลูโตนบ้อหล่า..ซายผู้เกี่ยวฝันหา
    สม อุราแนวใด๋บ่ใส่ใจกะบวนอ้าย
    คึด ซังหลายซั่นบ้อหล่าบ่หันมาจาใส่
    ฮอด บ่ถามไถ่อ้ายผู้เคยเกี้ยวจ่ายผญา
    อดสาบ้านต่างบ้านอยู่คนที่กะยังไค
    อดสาสาวทางไกลอ้ายกะยินดีด้วย
    อันนี้..แนวมันควายกับแอกพร้อมประสงค์บืนพ้อแต่หล่ม
    สายฮักเจ้าลงตม..สายใจฟาดใส่อ้ายสิหนีม้มได้จั่งใด๋
    เสียแฮงอ้ายหม่าข้าวไว้ประสงค์ใส่กินดอง
    นางบ่คองซายหนีแล่นไกลไปนำซู้
    บ่หลูโตนทางอ้ายผู้คึดนำทุกบาดหย่าง
    ใจอีนาง..มาซ่างป๋าปล่อยอ้ายให้วายถิ่มเปล่าดาย

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คือจั้งถือคีงไข้หนาวในๆฮ้อนฮ้น
    ทุรนใจเกือกกั้วหนาวสะบ้นสั่นสาย
    เป็นกระวนกระวายเนื้อเดิกมาลุกขึ้นนั่ง
    หลับบ่ลงปลงบ่ได้ใจสะท้านหวั่นไหว
    แนวฮักบ่คาดได้ไผแน่สิทนไหว
    ย่อนว่าไจพาเพจั่งค่อยเป็นปานนี้ นางเอ้ย

  6. #6
    kid_amzer
    Guest

    ม่วนคับ

    บ่ สมคึดฮอดว่าติอ้ายโป้ยก่าย
    ....แม่นคืออ้ายว่าหั่นละ .....บ่สมคึดฮอด
    .
    .
    อ้ายเอ้ย อุกอั่งเอ้าในหัวใจหลาย วาจาซายซ่างหลายลมขมลิ้น แท้น้อ

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คึดฮอดซู้เนาอยู่แดนไกล
    สายใยฮักฮ่ำฮอนอวนเอ้า
    องค์อวนอ้ายเอนเอียงอ้อยอิ่น
    กินบ่ได้หลับแล้วกะเล่าฝัน
    วันคืนผ่ายปีเดือนเครื่อนที่
    มีแต่คึดฮอดน้องแหงนหน้าเบิ่งแต่ดาว

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    คึดฮอดน้องนำพากษ์เพียรจา
    จิตห่วงหาซู่วันแลงเซ้า
    เทียววอนเว้าวาจาภาษาส่ง
    ใจประสงค์ต่อตั้งหวังฮู้ฮ่อมใจ
    แต่บ่ได้สมดั่งคะเนหมาย
    นางหนีกลายจากวังเวินท้าง
    หมายไปสร้างทางดงแดนเขต
    บ่สมเหตุแห่งเว้าเซาฮ้างห่างไล

  9. #9
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    ให้คิดนำแหน่เด้อ คิดนำน้องหมายปองว่าสิฮ่วม
    บาดบ่สมมาดแม้งคนอื่นเข้าฮ่วมแทน
    วาสนาห่อแบ้งบ่สมฝากธนาคาร
    วาสนาบ่าวจาน บ่สมสาวผู้งามโก้
    โสแต่หวังตายร่วมบาดทุกข์มาเขาบ่ฮ่วม
    โสแต่หวังอยู่ร่วมแลงเซ้าจั่งแล่นนำ

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    บุญบ่สมมาดแม่งคือดั่งโนหมาย
    สายแนนฮักห่างกันไกลเยิ่น
    เกินว่าไกลกันแท้ฐานันครต่อยต่ำ
    เป็นนำกรรมบักอ้ายผลาสร้างบ่หลาย
    แม่นสิหมายเคียงน้องบ่สมปองน้องพี่
    เกิดมาในชาตินี้บ่มีได้ดั่งหวัง หล้าเอ้ย